پاکستانی نوجوان کی محبت میں گرفتار امریکی خاتون لڑکے کے گھر پہنچ گئی
اشاعت کی تاریخ: 29th, January 2025 GMT
پاکستانی نوجوان کی محبت میں گرفتار ہوکر کراچی پہنچنے والی امریکی خاتون لڑکے کے گھر پہنچ گئی ہے اور واپس جانے سے انکار کردیا ہے۔
امریکی خاتون گارڈن میں واقع اپارٹمنٹ کی پارکنگ میں جا کر بیٹھ گئی ہے، اور اس کا کہنا ہے کہ وہ واپس نہیں جائےگی۔
یہ بھی پڑھیں پیار میں دھوکا: پاکستانی نوجوان کی محبت میں گرفتار امریکی خاتون کراچی پہنچ کر دربدر ہوگئی
اس سے قبل یہ خبر آئی تھی کہ امریکی خاتون ایئرپورٹ سے ٹیکسی میں بیٹھ کر کسی نامعلوم مقام پر چلی گئی ہے۔ تاہم اب معلوم ہوا ہے کہ خاتون لڑکے کے گھر پہنچ گئی ہے۔
میڈیا رپورٹس کے مطابق ایئرپورٹ حکام نے فیصلہ کیا تھا کہ خاتون کو امریکی قونصل خانے کے حوالے کیا جائےگا، لیکن خاتون نے کہاکہ میں نے قونصل خانے میں نہیں جانا اپنے شوہر کے پاس جارہی ہوں۔
میڈیا رپورٹس کے مطابق امریکی قونصل خانے کی دو رکنی ٹیم کراچی ایئرپورٹ پہنچی تھی جہاں انہوں نے امریکی خاتون سے ملاقات بھی کی۔
میڈیا رپورٹس کے مطابق امریکی قونصل خانے کے حکام کا کہنا ہے کہ ہماری کوشش ہے خاتون کو واپس بھیج دیا جائے لیکن اگر خاتون اس بات پر آمادہ نہیں ہوتی تو ہم زبردستی نہیں کرسکتے۔
واضح رہے کہ کراچی کے علاقے گارڈن ویسٹ سے تعلق رکھنے والے 19 سال کے لڑکے کی محبت میں گرفتار ہوکر امریکی خاتون اونیا اینڈریو رابنسن پاکستان تشریف لائی۔
خاتون کا تعلق امریکا کی ریاست نیویارک سے ہے جس کی عمر 33 برس بتائی جارہی ہے۔ جو پہلے سے شادی شدہ اور دو بچوں کی ماں ہے۔
خاتون کے کراچی پہنچنے پر لڑکے کے والدین یہ جان کر حیران ہوئے کہ خاتون ان کے بیٹے سے عمر میں تقریباً دو گنا بڑی ہے، اس کے علاوہ شوہر سے طلاق لے کر آئی ہے اور دوبچوں کی ماں بھی ہے۔
والدین کی ناراضی پر نوجوان اس خاتون کو چکمہ دے کر غائب ہوا تو خاتون جو رقم لائی تھی اس کی مدد سے کچھ دن گزارے اور پھر دربدر ہوگئی۔
یہ بھی پڑھیں پاکستانی نوجوان کی محبت میں کراچی آنے والی امریکی خاتون کا واپسی سے انکار
دو روز قبل خاتون کی جناح انٹرنیشنل ایئرپورٹ پر گورنر سندھ کامران ٹیسوری سے ملاقات ہوئی تھی، گورنر کامران ٹیسوری نے خاتون کو پریشانی کی حالت میں دیکھ کر فوری ویزا جاری کرا دیا تھا تاہم آج خاتون نے واپس امریکا جانے سے صاف انکار کردیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی خاتون پیار میں دھوکا لڑکے کے گھر پہنچ گئی نوجوان واپسی سے انکار وی نیوز.ذریعہ: WE News
کلیدی لفظ: امریکی خاتون نوجوان واپسی سے انکار وی نیوز پاکستانی نوجوان کی محبت میں کی محبت میں گرفتار امریکی خاتون خاتون کو گئی ہے
پڑھیں:
اسلام آباد میں نشے میں مست نوجوان کی بدتمیزی، پولیس پر تشدد کے بعد گرفتار
اسلام آباد کے علاقے آئی 8 میں بگڑے نواب زادے نے شراب کے نشے میں ہلڑ بازی کرتے ہوئے پولیس اہلکاروں پر تشدد کیا جس پر نوجوان کو گرفتار کر لیا گیا۔ عینی شاہدین کے مطابق بگڑے نواب زادے نے شراب کے نشے میں دھت ہو کر ہلڑ بازی کی، ملزم نے ٹریفک پولیس اہلکاروں کو گالیاں اور دھمکیاں دیں جبکہ ایک اہلکار کو تھپڑ بھی رسید کیا ٹریفک پولیس اہلکاروں پر تشدد اور ہلڑ بازی کرنے والے نوجوان کو رات گئے پولیس نے گرفتار کرلیا۔ تھانہ آئی نائن پولیس نے عاقب نعیم کو گاڑی سمیت گرفتار کرکے تھانے منتقل کر دیا۔ ملزم عاقب نعیم نے اسے سے قبل پی ڈبلیو ڈی ہاؤسنگ سوسائٹی میں ایک صحافی کو بھی تشدد کا نشانہ بنایا تھا۔ ملزم کے خلاف تھانہ لوہی بھیر میں مقدمہ اندراج کے یئے صحافی نے درخواست دے رکھی ہے۔
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری