پاکستان اور سوئٹزرلینڈ کے درمیان تجارت کی ضرورت ہے
اشاعت کی تاریخ: 30th, January 2025 GMT
لاہور (کامرس ڈیسک) پاکستان اور سوئٹزرلینڈ کے درمیان تجارت کو فروغ دینے کے لیے خصوصی حکمت عملی کی ضرورت ہے۔ یہ بات لاہور چیمبر کے سینئر نائب صدر انجینئر خالد عثمان اور نائب صدر شاہد نذیر چودھری نے پاکستانی سفیر مرغوب سلیم بٹ سے ملاقات کے دوران کہی۔ اس ملاقات میں ایگزیکٹو کمیٹی ممبران آمنہ رندھاوا، کرامت علی اعوان اور سٹینڈنگ کمیٹی کے کنوینر عمران اصغر بھی موجود تھے۔انجینئر خالد عثمان نے کہا کہ پاکستان اور سوئٹزرلینڈ کے درمیان مضبوط سفارتی تعلقات ہیں جو 1949 سے شروع ہوئے۔ انہوں نے کہا کہ سوئٹزرلینڈ یورپ میں اہم مقام رکھتا ہے۔ انہوں نے کہا کہ اگرچہ دونوں ممالک کے درمیان سفارتی تعلقات مضبوط ہیں، لیکن موجودہ تجارتی حجم اس شراکت داری کی عکاسی نہیں کرتا۔انجینئر خالد عثمان نے کہا کہ تجارت بڑھانے کے لیے روایتی طریقے کافی نہیں ہوں گے بلکہ جدید حکمت عملی اپنانا ضروری ہے۔ہمیں بہتر مارکیٹ انٹیلی جنس اور نجی شعبوں کے درمیان مضبوط شراکت داری کی ضرورت ہے تاکہ دونوں ممالک کے درمیان تجارتی تعلقات کو مزید مستحکم کیا جاسکے۔ انہوں نے نے کہا کہپاکستان، خصوصا سیالکوٹ، دنیا بھر میں کھیلوں کے سامان کی تیاری کے لیے جانا جاتا ہے۔ یہ شعبہ سوئٹزرلینڈ کو برآمدات بڑھانے میں اہم کردار ادا کرسکتا ہے۔ نائب صدر شاہد نذیر چودھری نے تجارت کے فروغ کے لیے تجارتی میلوں اور وفود کے تبادلے کی اہمیت پر زور دیا۔
.ذریعہ: Jasarat News
کلیدی لفظ: کے درمیان نے کہا کہ کے لیے
پڑھیں:
ایم ڈبلیو ایم کے وفد کی کیتھولک چرچ آمد، پوپ فرانسس کے انتقال پر اظہار افسوس
انجینئر سخاوت علی سیال نے کہا کہ پوپ فرانسس نے انسانیت، رواداری اور محبت کا پیغام عام کیا، پوپ فرانسس کی امن اور بین المذاھب مکالمے کے فروغ کے لیے خدمات کو تادیر یاد رکھا جائے گا اور فلسطین پر پوپ کے اصولی موقف کو عالم اسلام میں قدر کی نگاہ سے دیکھا جاتا ہے۔ اسلام ٹائمز۔ مجلس وحدت مسلمین عزاداری ونگ جنوبی پنجاب کے وفد نے صوبائی صدر عزاداری ونگ و ممبر ڈویژنل امن کمیٹی ملتان انجینئر مہر سخاوت علی سیال کی قیادت میں ملتان میں کیتھولک چرچ ملتان کا دورہ کیا، مسیحیوں کے روحانی پیشوا پوپ فرانسس کے انتقال پر اظہار افسوس اور تعزیت کی۔ بشپ یوسف سوہان نے وفد کا استقبال کیا اور اظہار ہمدردی کرنے پر شکریہ ادا کیا۔ ایم ڈبلیو ایم کے وفد نے پوپ فرانسس کے بین المذاھب ہم آہنگی اور پرامن بقائے باہمی کے عزم کو خراج تحسین پیش کیا، انجینئر سخاوت علی سیال نے کہا کہ پوپ فرانسس نے انسانیت، رواداری اور محبت کا پیغام عام کیا، پوپ فرانسس کی امن اور بین المذاھب مکالمے کے فروغ کے لیے خدمات کو تادیر یاد رکھا جائے گا اور فلسطین پر پوپ کے اصولی موقف کو عالم اسلام میں قدر کی نگاہ سے دیکھا جاتا ہے۔
اسلام آباد، ایم ڈبلیو ایم کے مرکزی تنظیمی و تربیتی بقیة اللہ کنونشن کے دوسرے روز کا آغاز