سعودی عرب میں موجودپاکستانی قید یو ں سے متعلق اہم تفصیلات سامنے آ گئیں
اشاعت کی تاریخ: 30th, January 2025 GMT
سینیٹ کی قائمہ کمیٹی برائے اوورسیز پاکستانی کے اجلاس میں انکشاف ہواہے کہ سعودی عرب میں اس وقت 5500 پاکستانی قید ہیں جبکہ 4600 سزا پوری کرنے کے بعد واپس پہنچے۔
سینیٹ کی قائمہ کمیٹی برائے اوورسیز پاکستانی کا اجلاس ذیشان خانزادہ کی زیرصدارت ہوا، جس میں سیکریٹری اوورسیز پاکستانی کی آن لائن شرکت پر کمیٹی اراکین نے ناراضی کا اظہار کیا۔ سیکریٹری اوورسیز پاکستانی نے اجلاس میں شرکت کے دوران کہا کہ وہ سی سی آئی کے ذیلی ادارے کی میٹنگ میں مصروف ہیں۔
اجلاس میں وزارت خارجہ کے حکام نے قیدیوں کے تبادلوں کے حوالے سے بریفنگ دی۔ ڈی جی کاؤنسلر افیئرز وزارت خارجہ کے مطابق، 11 ممالک کے ساتھ قیدیوں کے تبادلوں کے معاہدے موجود ہیں، جن میں یوکے، تھائی لینڈ، یو اے ای، ترکی، آذربائیجان، ایران، یمن، جنوبی کوریا اور سعودی عرب شامل ہیں۔
کمیونٹی ویلفیئر اتاشی سعودی عرب نے بتایا کہ سعودی عرب سے 4600 پاکستانی قیدی سزا پوری کر کے واپس پاکستان آئے ہیں، لیکن تبادلوں کے معاہدے کے تحت کوئی قیدی پاکستان نہیں آیا۔ اتاشی نے مزید کہا کہ سعودی عرب میں اس وقت 5500 پاکستانی قیدی موجود ہیں۔
کمیٹی کے چیئرمین نے بتایا کہ 2021 میں کچھ افراد کی سزائیں معاف کر کے انہیں واپس بھیجا گیا تھا۔ کمیٹی نے وزارت سے قیدیوں کی حوالگی کے لیے مختص بجٹ کی تفصیلات طلب کر لی ہیں۔کمیٹی رکن شہادت اعوان نے کہا کہ وزارت نے قومی اسمبلی میں الگ جواب جمع کرایا ہے، اور ہمارے پاس الگ اعدادوشمار ہیں۔
کمیٹی نے اس بات پر بھی اظہار کیا کہ حکومت نے آج تک قیدیوں کی حوالگی کے لئے کوئی خاص کوشش نہیں کی۔ ریاض میں اس وقت سات پاکستانی خواتین قید ہیں، جب کہ سعودی عرب میں کل 10 ہزار پاکستانی شہری قید ہیں۔قائمہ کمیٹی نے اس اہم معاملے کی مزید تحقیقات اور حکومتی اقدامات کی تفصیلات طلب کی ہیں۔
.ذریعہ: Daily Ausaf
کلیدی لفظ: اوورسیز پاکستانی پاکستانی قید کہ سعودی عرب
پڑھیں:
پنجاب: کرکٹ سیریز کے دوران سیکیورٹی کے بہترین انتظامات کرنے کی ہدایت
حکومت پنجاب نے پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت کردی۔ جبکہ اٹک اور ڈی جی خان میں رینجرز کی تعیناتی میں توسیع کی منظوری دے دی گئی۔
محکمہ داخلہ پنجاب میں کابینہ کمیٹی برائے امن و امان کا 41 واں اجلاس چیرمین خواجہ سلمان رفیق نے صدارت میں ہوا۔
مزید پڑھیں: وزیراعلیٰ پنجاب مریم نواز نے ٹی ایل پی کی دھمکیوں کے بعد سرگرمیاں محدود کردیں، سیکیورٹی اسٹاف تبدیل
سیکریٹری داخلہ ڈاکٹر احمد جاوید قاضی اور قانون نافذ کرنے والے اداروں کے نمائندگان نے اجلاس کو بریفنگ دی۔ اجلاس میں صوبہ بھر میں امن و امان کی صورتحال کا تفصیلی جائزہ لیا گیا۔
کابینہ کمیٹی نے 11 نومبر سے شروع ہونے والی پاکستان سری لنکا کرکٹ سیریز اور بعد ازاں پاکستان، سری لنکا اور زمبابوے کی سہ ملکی کرکٹ سیریز کے لیے بہترین انتظامات کی ہدایت دی۔
کابینہ کمیٹی نے اٹک اور ڈی جی خان میں رینجرز کی تعیناتی میں توسیع کی منظوری دی۔
کابینہ کمیٹی برائے امن و امان نے پنجاب فرانزک سائنس ایجنسی کو جدید تقاضوں سے ہم آہنگ کرنے اور مزید سود مند بنانے پر زور دیا۔
اجلاس سے خطاب میں صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے کہاکہ عوام کے جان و مال کا تحفظ ریاست کی اولین ترجیح ہے اور صوبہ بھر میں امن و امان کی صورتحال تسلی بخش ہے۔
انہوں نے ہدایت کی کہ سہ ملکی کرکٹ سیریز کے دوران سیکیورٹی کے غیر معمولی انتظامات یقینی بنائے جائیں۔
خواجہ سلمان رفیق نے کہاکہ بابا گورونانک دیو جی کی جنم دن تقریبات کے لیے بہترین انتظامات کیے گئے ہیں اور تمام مہمانوں کی سہولت کا خیال رکھا جائے گا۔
انہوں نے کہاکہ وزیراعلی پنجاب کی ہدایت کے مطابق قانون نافذ کرنے والے ادارے قیام امن کی خاطر دن رات مصروف عمل ہیں۔
مزید پڑھیں: پنجاب: ڈرون پولیسنگ اور نیا مربوط سیکیورٹی اینڈ آرمز ریگولیشن سسٹم منظور
کابینہ کمیٹی برائے امن و امان کے اجلاس میں سیکریٹری داخلہ ڈاکٹر احمد جاوید قاضی، سیکریٹری محکمہ اوقاف سید طاہر رضا بخاری، ایڈیشنل آئی جی پولیس چوہدری سلطان، اسپیشل برانچ اور سی ٹی ڈی سے ڈی آئی جیز اور محکمہ داخلہ سے متعلقہ ایڈیشنل سیکریٹریز نے شرکت کی۔
اسی طرح پاکستان کرکٹ بورڈ کے چیف آپریٹنگ آفیسر سمیر احمد سید جبکہ پنجاب بھر سے کمشنرز اور آر پی اوز نے ویڈیو لنک کے ذریعے اجلاس میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب رینجرز تعیناتی میں توسیع سیکیورٹی انتظامات کرکٹ سیریز وی نیوز
پاکستان میں امریکی خام تیل کی پہلی تاریخی درآمد، توانائی کے شعبے میں نیا دور شروع