مرغی نے انڈے کے اندر انڈا دیدیا:خاتون دیکھ کر حیران
اشاعت کی تاریخ: 30th, January 2025 GMT
واشنگٹن:امریکی ریاست الینوائے کی رہائشی خاتون نائیلی ٹیٹ اس وقت حیران رہ گئیں جب ان کی مرغی نے ایک غیرمعمولی بڑا انڈا دیا،لیکن انہیں اصل حیرت تب ہوئی جب انہوں نے انڈے کو توڑ کر دیکھا کہ اس کے اندر ایک اور مکمل انڈا موجود تھا۔
نائیلی ٹیٹ نے 2024 میں مرغیاں پالنے کا آغاز کیا اور ان کا کہنا ہے کہ یہ شوق انہیں اپنی دادی سے وراثت میں ملا، جو بچپن سے مرغیوں کی دیکھ بھال کرتی تھیں۔ انہوں نے اپنے ایک انٹرویو میں بتایا کہ میری دادی مرغیوں کو پالتی تھیں اور میں نے ان ہی سے اس بارے میں سب کچھ سیکھا ہے۔
چند دن قبل جب وہ معمول کے مطابق اپنی مرغیوں کے انڈے اکٹھے کر رہی تھیں تو انہیں ایک ایسا انڈا نظر آیا جو معمول سے دوگنا بڑا تھا۔جسے دیکھ کر وہ بہت حیران ہوئیں اور انہوں نے اس کی تصاویر سوشل میڈیا پر پوسٹ کیں، جن میں واضح طور پر انڈے کا سائز ان کی ہتھیلی سے بھی بڑا نظر آ رہا تھا۔
نائیلی نے بتایا کہ آخرکار میں نے اسے توڑنے کا فیصلہ کیا اور جو منظر دیکھا، وہ میں نے اپنی زندگی میں پہلے کبھی نہیں دیکھا تھا۔ انہوں نے بتایا کہ انڈے کے اندر سے ایک اور مکمل انڈا برآمد ہوا، جس کی ساخت بالکل عام انڈے جیسی تھی۔
بعد میں جب دوسرے انڈے کو توڑا گیا تو اس کے اندر زردی اور سفیدی معمول کے مطابق موجود تھیں۔
سائنس دانوں کا اس حوالے سے کہنا ہے کہ اس نایاب صورت حال کو ڈبل انڈا کہا جاتا ہے، جو اس وقت ہوتا ہے جب مرغی کے جسم میں انڈا مکمل طور پر بننے سے پہلے ایک اور انڈا اس کے گرد بننے لگتا ہے۔
امریکی خاتون نائیلی ٹیٹ کی یہ منفرد دریافت نہ صرف سوشل میڈیا پر وائرل ہوگئی بلکہ مرغیوں کے مالکان کے لیے بھی ایک دلچسپ حیرت بن چکی ہے۔
.ذریعہ: Jasarat News
پڑھیں:
سمعتا افضال سید کا عظمیٰ بخاری کو زمینی حقائق دیکھ کر بیان دینے کا مشورہ
اپنے ردعمل میں ترجمان سندھ حکومت نے کہا کہ میئر کراچی نے مکمل ذمہ داری سنبھالی ہوئی ہے، لاہور میں تو کوئی میئر ہی نہیں ہے۔ اسلام ٹائمز۔ ترجمان سندھ حکومت نے کہا کہ اسلام ٹائمز۔ سندھ حکومت کی ترجمان سمعتا افضال سید نے کہا ہے کہ ترجمان پنجاب حکومت کو زمینی حقائق دیکھ کر بیان دینا چاہیے۔ اپنے ایک بیان میں سمعتا افضال سید نے وزیر اطلاعات پنجاب عظمیٰ بخاری کے بیان پر ردعمل دیا۔ انہوں نے کہا کہ میئر کراچی نے مکمل ذمہ داری سنبھالی ہوئی ہے، لاہور میں تو کوئی میئر ہی نہیں ہے۔ سندھ حکومت کی ترجمان نے مزید کہا کہ میئر کراچی مرتضیٰ وہاب خود فیلڈ میں ہیں اور صفائی کے کاموں کی نگرانی کر رہے ہیں۔ سمعتا افضال سید نے یہ بھی کہا کہ ترجمان پنجاب حکومت کو بیان دینے سے پہلے زمینی حقائق دیکھنے چاہیے۔
خیبرپختونخوا،سرکاری اسکولز کو فرنیچر فراہم کرنے کا فیصلہ