طوری جرگہ اراکین کے سامنے ریاستی اور حکومتی اداروں کا غیرذمہ دارانہ رویہ
اشاعت کی تاریخ: 30th, January 2025 GMT
اسلام ٹائمز: جی او سی نے حکومت کو جرگہ سے برئ الذمہ قرار دیتے ہوئے پاراچنار کی بھوک اور افلاس کو اصل علاج اور حل قرار دیتے ہوئے کہا کہ آپ اگر مجبور نہ ہوتے تو شاید ٹل تک پہنچ چکے ہوتے اور کہا کہ یاد رکھیں، ٹل سے آگے بھی علاقے ہیں۔ باب کرم پر جھنڈے کے واقعے پر شدید برہمی کا اظہار کیا۔ آغا مزمل کی گرفتاری پر جرگہ ممبران کی جانب سے احتجاج پر ردعمل دیتے ہوئے کہا کہ صدہ کے یونین صدر ارشاد بھی تو گرفتار ہیں۔ سخت لہجے میں گفتگو کے دوران انتہائی اہم راز گفتگو میں افشا ہوئے۔ اندر کی ساری بھڑاس اور تعصب باہر نکل آیا۔ تحریر: شبیر حسین ساجدی
منگل 28 جنوری کو کمشنر ہاؤس کوہاٹ میں جرگہ بلایا گیا تھا۔ جسے اڑھائی گھنٹے کی تاخیر سے شروع کیا گیا۔ جرگہ میں طوری بنگش کے ذمہ داران نے جی او سی، چیف سیکرٹری، آئی جی پولیس، آر پی او وغیرہ کے سامنے معاہدے کے حالات و واقعات بیان کئے۔ جرگہ ممبران نے وعدے و دعوے یاد دلائے اور مخالف فریق کی ڈیڑھ درجن خلاف ورزیاں بیان کیں۔ اپنی تکالیف، مشکلات اور زیادتیوں کا تذکرہ کیا۔ معاہدے کا مقصد و افادیت اور لاگو نہ کرنے کے نقصانات کی طرف متوجہ کیا۔ شہداء کانوائے، بگن چار خیل، اوچت، مندوری اور مختلف اوقات میں ٹارگٹ کلنگ میں نشانہ بننے والوں کیلئے معاوضہ سمیت اشیاء خوردونوش کانوائے میں لوٹے ہوئے مال اور ٹرالوں کا نقصان پورا ہونے کا مطالبہ کیا۔ ٹل پارہ چنار روڈ کو محفوظ بنا کر کھولنے کا مطالبہ کیا۔
تمام مشران کا لہجہ نہایت سنجیدہ اور مقتضائے حال کے مطابق تھا۔ بغیر فلٹر کے جرگہ ممبران نے من و عن زمینی حقائق سامنے رکھ دیئے۔ جی او سی نے حکومت کو جرگہ سے برئ الذمہ قرار دیتے ہوئے شیعہ سنی کو مورد الزام ٹھہرایا اور معاہدے پر عمل درآمد جرگہ ممبران ہی سے کرانا مناسب سمجھا۔ پاراچنار کی بھوک اور افلاس کو اصل علاج اور حل قرار دیتے ہوئے کہا کہ آپ اگر مجبور نہ ہوتے تو شاید ٹل تک تم پہنچ چکے ہوتے اور کہا کہ یاد رکھیں، ٹل سے آگے بھی علاقے ہیں۔ باب کرم پر جھنڈے کے واقعے پر شدید برہمی کا اظہار کیا۔ اسلحے کو ضبط کیے بغیر امن کو ناممکن قرار دیا۔ آغا مزمل کی گرفتاری پر جرگہ ممبران کی جانب سے احتجاج پر ردعمل دیتے ہوئے کہا کہ صدہ کے یونین صدر ارشاد بھی تو گرفتار ہیں۔
سخت لہجے میں گفتگو کے دوران انتہائی اہم راز گفتگو میں افشا ہوئے۔ اندر کی ساری بھڑاس اور تعصب باہر نکل آیا اور پورا اندازہ بلکہ یقین ہوا کہ اہم ذمہ داران کا رویہ اور سوچ طالبانی ہے۔ کرنل تیمور سلطان سمیت، کئی یزیدی افسران کی عملی زندگی کی خباثت کھل کر سامنے آگئی۔ بگن جلانا، خواتین کو اغواء کرنے کے ساتھ کنج علیزئی کانوائے کو نشانہ بنانے کی شکایت نہایت دکھ بھرے لہجے میں ایسے بیان کیی، جیسے یہ سارا نقصان اور واقعہ خود ان کے ساتھ ہوا ہے اور یوں سرکار نے خود کو بری الزمہ قرار دے دیا۔ جرگہ ممبران نے متفقہ طور پر جی او سی کے لہجے، رویئے اور نامناسب گفتگو پر احتجاج کرتے ہوئے کہا کہ سمجھ رہے تھے، معاہدے کے بعد کے رونما ہونے والے واقعات پر افسوس اور ندامت کا اظہار کریں گے۔
بے گناہ مظلوم ڈرائیورز کی شہادت پر تعزیت و تسلیت پیش کریں گے، لیکن کھلی طرفداری، تعصب و ناانصافی دیکھ کر جرگہ ممبران احتجاجاً اٹھ کر چلے گئے۔ کمشنر، چیف سیکرٹری، آئی جی پولیس اور جی او سی نے روکنے اور بٹھانے کی بہت کوشش کی۔ تاہم جرگہ ممبران نے کہا آج کے بعد آپ سے ہمارا کوئی مطالبہ نہیں، کوئی گلہ شکوہ نہیں۔ مخالفین کے ساتھ مل کر سب ایک فریق بن چکے ہیں۔ راستے محفوظ بنانا اور مستقل طور پر کھلے رکھنا سرکار ہی کی ذمہ داری ہے۔ جرگہ نے کہا کہ بھوک و افلاس ہماری نسلیں ختم کرے گی، تاہم اس علاقے کی عزت اور وقار زندہ رہے گا۔
ذریعہ: Islam Times
کلیدی لفظ: قرار دیتے ہوئے جرگہ ممبران نے جی او سی
پڑھیں:
وزیراعظم نے حکومتی کارکردگی کے نظام میں بہتری کیلئے کمیٹی تشکیل دیدی
وزیراعظم نے حکومتی کارکردگی کے نظام میں بہتری کیلئے کمیٹی تشکیل دیدی WhatsAppFacebookTwitter 0 23 April, 2025 سب نیوز
اسلام آباد(آئی پی ایس) وزیراعظم شہباز شریف نے حکومتی کارکردگی کے نظام میں بہتری کیلئے کمیٹی تشکیل دے دی۔
وزیراعظم شہباز شریف نے حکومتی کارکردگی میں بہتری کے لئے وفاقی وزراء اور دیگر حکام پر مشتمل کمیٹی تشکیل دی ہے جس کا باقاعدہ نوٹیفکیشن بھی جاری کر دیا گیا ہے۔
حکام کے مطابق وزیر خزانہ کو کمیٹی کا کنونیئر مقرر کیا گیا ہے، جبکہ کمیٹی اراکین میں وزیر توانائی، وزیر موسمیاتی تبدیلی، چیئرمین ایف بی آر و دیگر شامل ہوں گے۔
کارکردگی کمیٹی ایف بی آر کے موجودہ فریم ورک اور نتائج کا تجزیہ کرے گی، وفاقی اداروں کیلئے معیاری جانچ اور فیڈبیک نظام تیار کیا جائے گا جب کہ کمیٹی 30 دن میں اپنی رپورٹ وزیراعظم کو پیش کرے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکی کانگریس مین جیک برگمین کا عمران خان کی رہائی کا مطالبہ امریکی کانگریس مین جیک برگمین کا عمران خان کی رہائی کا مطالبہ حساس اداروں سمیت سربراہ کیخلاف توہین آمیز پوسٹ؛ پیکا ایکٹ کے تحت شہری پر مقدمہ درج اسلام آباد میں عوامی سہولت کے لیے کئی بڑے منصوبے شروع کرنے کا فیصلہ عمران خان کی نااہلی پر احتجاج؛ پی ٹی آئی رہنماؤں سمیت دیگر ملزمان پر فرد جرم عائد امریکی صدر ڈونلڈ ٹرمپ کا بڑا یوٹرن: چین کے ساتھ معاہدہ کرنے کا اعلان پولیس کو دھمکیاں دینے کا کیس؛ عالیہ حمزہ کو عدالت سے ریلیف مل گیاCopyright © 2025, All Rights Reserved
رابطہ کریں ہمارے بارے ہماری ٹیم
پاکستان بھر میں کے ایف سی پر حملوں کے واقعات، 178 افراد گرفتار