ایران کو اقتصادی پابندیوں سے 12کھرب ڈالر کا نقصان
اشاعت کی تاریخ: 31st, January 2025 GMT
تہران (انٹرنیشنل ڈیسک) ایران کے ثقافتی انقلاب کی سپریم کونسل کے سابق سکریٹری جنرل اور تہران یونیورسٹی میں بین الاقوامی علوم کی فیکلٹی کے ڈین سعید رضا آملی نے انکشاف کیا ہے کہ 2012ء سے عائد اقتصادی پابندیوں کی وجہ سے ایران کو تقریباً 12کھرب ڈالر کا نقصان ہوچکا ہے۔ انہوں نے ایرانی ٹیلی وژن پر اپنی تقریر کے دوران کہا کہ ان نقصانات نے ایرانی عوام پر گہرے اثرات ڈالے ہیں۔ انہوں نے ان پابندیوں کے نتیجے میں شہریوں کو پہنچنے والے اقتصادی نقصان پر زور دیا ۔ املی نے اس بات کی بھی نشاندہی کی کہ پابندیوں سے نایاب امراض کی ادویہ متاثر ہوئی ہیں، جس کی وجہ سے لاعلاج بیماریوں میں مبتلا مریضوں کو مشکلات کا سامنا ہے۔ تاہم انہوں نے اس بات پر زور دیا کہ ایران اپنی تقریباً 95 فیصد ادویہ مقامی طور پر تیار کرنے کی صلاحیت رکھتا ہے جس کی وجہ سے وہ اس شعبے میں ایک مضبوط ملک ہے ۔ اس کے باوجود پابندیاں اب بھی ان مریضوں پر منفی اثر ڈالتی ہیں جنہیں بعض ایسی ادویات کی ضرورت ہوتی ہے جو پابندیوں کی وجہ سے آسانی سے دستیاب نہیں ہوتیں۔ ایران پر پابندیاں پہلے سے عائد تھیں لیکن وہ 2015 ء میں جوہری معاہدے کے تحت اٹھا لی گئی تھیں۔ 2018ء میں ٹرمپ انتظامیہ کے دستبردار ہونے کے بعد امریکا نے تہران پر یک طرفہ پابندیاں عائد کر دی تھیں جو تاحال برقرار ہیں۔ ان دنوں تہران کی جانب سے نئے جوہری معاہدے پر بات چیت کے لیے آمادگی کے بارے میں بات ہو رہی ہے اور اسے واشنگٹن کی جانب سے جواب کا انتظار ہے ۔امریکا نے اگر دوبارہ مذاکرات کا فیصلہ کیا تو نئے معاہدے میں ایران کا میزائل پروگرام اور علاقائی پالیسی جیسے معاملات مذاکرات میں زیر بحث آسکتے ہیں۔
.ذریعہ: Jasarat News
کلیدی لفظ: کی وجہ سے
پڑھیں:
ڈہرکی،پولیس کی کامیاب کارروائی، شراب کا اسٹاک برآمد
data-id="863a0a8" data-element_type="widget" data-widget_type="theme-post-content.default">
ڈہرکی( نمائندہ جسارت ) ڈہرکی میں شراب کی بھاری مقدار چھپائے جانے کی خفیہ اطلاع ملتے ہی خفیہ ادارے کے اہلکار و ذمہ داران اور ڈی ایس پی عبدالقادر سومرو اور ایس ایچ او تھانہ ڈہرکی مصور حسین قریشی نے اپنی ٹیم نے مشترکہ طور پر ڈہرکی شہر کے ہندو کمیونٹی کے پوش رہائشی علاقے چاند محلہ میں ایک گھر میں چھاپا مارکر شراب کی بڑی کھیپ برآمد کر لی۔جبکہ 3 ملزمان پرشوتم لعل،بیشم اور جئے کمار پولیس کو دیکھتے ہی اپنے گھر چھوڑ کر فرار ہو گئے۔ادھر خفیہ ادارے اور پولیس اپنی مشترکہ کارروائی کے دوران برآمد شدہ شراب کی تفصیلات میں 2 کارٹون سلور ٹاپ شراب کے جس میں بڑی بوتلیں تھیں اور 3 کارٹون آدھیہ شراب سلور ٹاپ کے اور 1 کارٹون سفاری شراب کا جس میں 12 بڑی بوتلیں تھیں،6 کارٹون سفید کلر والی شراب کے اور 8 کارٹون ڈرائیجن شراب کے 42 پوے ہیں اور 8 کارٹون واٹ ون شراب کے اور 5 کارٹون واٹ ون شراب کے جس میں چھوٹے پوے تھے اور 1 کارٹون کیو ڈی ایل شراب کا اور 5 کارٹون کیو ڈی ایل شراب جس میں چھوٹے پوے تھے 1 کارٹون فوریکا شراب کا اور 1 کارٹون کلب شراب کا جس میں 17 آدھیہ شراب تھی اور اس طرح سے 2 کارٹون لاوا شراب کے جس میں 10 بوتلیں تھیں اور 4 کارٹون لاوا شراب کے جس میں سائی کلر کی شراب تھی اور 3 کارٹون لاوا شراب کے جس میں چھوٹے پوے تھے اور 4 کارٹون MD شراب کے جس میں 47 بوتلیں تھیں اور 2 کارٹون جنجلی شراب کے جس میں 24 بوتلیں تھیں اور 54 مختلف قسم کی بیئر کی بوتلیں تھیں اور اسکے علاوہ 100 سے زیادہ مختلف قسم کے شراب کے آدھیہ برآمد ہوئے ہیں اور اس ہی طرح سے تقریباً 50 سے زیادہ ملکی اور غیر ملکی شراب کے مختلف قسم کے کارٹون برآمد ہوئے ہیں۔اور ساری کی ساری شراب کی اس برآمد شدہ بھاری کھیپ کو موقع سے فرار ملزمان نے فروخت کرنے کیلیے اپنے گھر میں اسٹاک کر کے چھپا کر رکھی ہوئی تھی۔پولیس تاہم ڈہرکی پولیس نے برآمد کی گئی شراب کو اپنی تحویل میں لے کر فرار ملزمان کیخلاف مقدمہ درج کر کے مزید تفتیش شروع کر دی ہے۔
کیریبین جزائر میں رواں سال کا طاقتور ترین طوفان داخل، 3 افراد ہلاک