سردی برقرار، اسلام آباد، کے پی، گلگت بلتستان، کشمیر میں بارش، برفباری کا امکان
اشاعت کی تاریخ: 31st, January 2025 GMT
سردی برقرار، اسلام آباد، کے پی، گلگت بلتستان، کشمیر میں بارش، برفباری کا امکان WhatsAppFacebookTwitter 0 31 January, 2025 سب نیوز
اسلام آباد: ملک میں بالائی علاقوں میں سردی کی شدت برقرار رہی۔
اسلام آباد،خیبرپختونخوا، گلگت بلتستان اورکشمیر میں بارش اور پہاڑوں پر برف باری کا امکان ہے، مری، گلیات، دیر، چترال، کوہستان، مانسہرہ، بونیر، سوات اور دیگر علاقوں میں بوندا باندی کی پیش گوئی کردی گئی، ملک کے دیگر علاقوں میں موسم خشک اور سرد رہے گا۔
لہہ میں درجہ حرارت منفی9ڈگری ریکارڈ، سکردو میں منفی6، کالام میں منفی5، مالم جبہ، استور، قلات میں منفی3ڈگری سینٹی گریڈ رہا، کراچی میں درجہ حرارت میں کمی متوقع ہے، آج درجہ حرارت میں ایک سے دو ڈگری کمی کا امکان ہے۔
میٹرولوجسٹ سردار سرفراز نے بتایا کہ شہرمیں سردی کی کوئی نئی لہر متوقع نہیں، فروری کا مہینہ جنوری کے مقابلے میں گرم رہے گا۔
.ذریعہ: Daily Sub News
کلیدی لفظ: اسلام ا باد کا امکان
پڑھیں:
پنجاب میں 13 جون تک شدید گرمی اور ہیٹ ویو کا امکان
data-id="863a0a8" data-element_type="widget" data-widget_type="theme-post-content.default">
لاہور:پنجاب میں گرمی کی لہر آئندہ چند روز تک برقرار رہنے کا امکان ہے، محکمہ موسمیات اور پی ڈی ایم اے (صوبائی ڈیزاسٹر مینجمنٹ اتھارٹی) نے عوام کو محتاط رہنے کی ہدایت جاری کردی ہے۔
ترجمان پی ڈی ایم اے کے مطابق 13 جون تک صوبے بھر میں شدید گرمی اور ہیٹ ویو کا سلسلہ جاری رہنے کا امکان ہے، خاص طور پر جنوبی پنجاب کے اضلاع میں درجہ حرارت خطرناک حد تک بڑھ سکتا ہے۔
ترجمان کے مطابق آئندہ دنوں میں درجہ حرارت معمول سے 4 سے 7 ڈگری سینٹی گریڈ زیادہ رہنے کی توقع ہے، جنوبی پنجاب کے اضلاع بہاولپور، رحیم یار خان، ڈیرہ غازی خان اور ملتان میں ہیٹ ویو کی شدت سب سے زیادہ ہو سکتی ہے، جہاں درجہ حرارت انسانی صحت کے لیے خطرناک حد کو چھو سکتا ہے۔
آج صوبے میں سب سے زیادہ درجہ حرارت سرگودھا میں 47 ڈگری سینٹی گریڈ ریکارڈ کیا گیا، جب کہ لاہور، ملتان اور فیصل آباد سمیت دیگر میدانی علاقوں میں درجہ حرارت 45 ڈگری کے قریب پہنچ گیا، ٹوبہ ٹیک سنگھ، ساہیوال، اوکاڑہ، منڈی بہاؤالدین، خانیوال، قصور، لیہ، جھنگ اور حافظ آباد میں بھی گرمی کی شدت برقرار رہی، جہاں 40 سے 42 ڈگری سینٹی گریڈ تک درجہ حرارت ریکارڈ کیا گیا۔
وزیر اعلیٰ پنجاب مریم نواز کی ہدایات پر تمام متعلقہ اداروں کو الرٹ کر دیا گیا ہے۔ ڈی جی پی ڈی ایم اے عرفان علی کاٹھیا کے مطابق چولستان کے اضلاع میں صاف پانی کی فراہمی کو یقینی بنایا جا رہا ہے۔ تمام سرکاری اسپتالوں میں ہیٹ ویو کاؤنٹرز قائم کیے جا چکے ہیں، جہاں ضروری طبی سہولیات اور ادویات فراہم کی جا رہی ہیں۔
ڈی جی پی ڈی ایم اے نے مزید کہا کہ ہیٹ اسٹروک سے بچاؤ کے لیے متعلقہ ادویات کی فراہمی کو یقینی بنایا جا رہا ہے اور عوام سے اپیل کی گئی ہے کہ غیر ضروری طور پر دھوپ میں نکلنے سے گریز کریں، پانی کا زیادہ استعمال کریں اور دھوپ میں کام کرنے والے افراد اپنے سروں کو ڈھانپ کر رکھیں۔
خیبرپختونخوا،سرکاری اسکولز کو فرنیچر فراہم کرنے کا فیصلہ