کیا پاکستان نے سلمان خان کو دہشت گرد قرار دیا ہے؟ حقیقت سامنے آگئی
اشاعت کی تاریخ: 28th, October 2025 GMT
پاکستانی حکام نے بھارتی میڈیا کی جانب سے بولی وڈ اداکار سلمان خان کو دہشت گردوں کی فہرست میں شامل کرنے کے دعوے کو مکمل طور پر مسترد کر دیا۔
بھارتی میڈیا کی جانب سے یہ دعویٰ کیا جارہا ہے کہ سلمان خان کو پاکستان کے انسدادِ دہشت گردی ایکٹ (اے ٹی اے) کے فورتھ شیڈول میں شامل کر لیا گیا ہے۔
یہ دعویٰ سلمان خان کے سعودی عرب کے شہر ریاض میں منعقدہ ’جوائے فورم 2025‘ کے دوران بلوچستان کے حوالے سے دیے گئے تبصرے کے حوالے سے کیا گیا۔
بھارتی میڈیا نے ایک مبینہ سرکاری نوٹیفکیشن شیئر کیا جس میں کہا گیا کہ حکومت پاکستان نے سلمان خان کو بلوچستان کا آزاد حمایتی قرار دیتے ہوئے انہیں فورتھ شیڈول میں شامل کیا ہے، یہ نوٹیفکیشن بلوچستان ہوم ڈیپارٹمنٹ کی جانب سے 16 اکتوبر 2025 کو جاری ہونے کا کہا گیا تھا۔
یہ فہرست اُن افراد کے لیے مخصوص ہے جن پر دہشت گردی سے تعلق کا شبہ ہوتا ہے، اس نوٹیفکیشن میں سلمان خان کو ’آزاد بلوچستان کا حمایتی‘ قرار دیا گیا تھا، تاہم یہ اصطلاح پاکستان کی کسی سرکاری دستاویز میں کبھی استعمال نہیں کی گئی۔
پاکستانی ٹی وی ڈیجیٹل نے اس مبینہ نوٹیفکیشن کا جائزہ لیا اور اس میں کئی تضادات دریافت کیے، سب سے پہلے، مبینہ نوٹیفکیشن کا اجرا نمبر No.
اس کے علاوہ نوٹیفکیشن میں تاریخ 16 اکتوبر درج ہے، جب کہ جوائے فورم 17 اکتوبر کو منعقد ہوا تھا اور سلمان خان نے اس پروگرام میں شرکت کی تھی۔
دستاویز کا فارمیٹ، فونٹس اور الائنمنٹ بھی سرکاری نوٹیفکیشنز سے مختلف تھے۔
اس کے علاوہ ولدیت کا خانہ پاکستانی ریکارڈز کے معیار کے مطابق نہیں تھا، نوٹیفکیشن میں ’آزاد بلوچستان کا حمایتی‘ کا ذکر تھا، لیکن پاکستان کی سرکاری دستاویزات میں ایسا لفظ کبھی استعمال نہیں کیا گیا۔
مزید برآں دستاویز کے لیٹرہیڈ میں بلوچستان کے املا میں غلطی کی گئی اور شناختی کارڈ نمبر بھی پاکستان کے سرکاری فارمیٹ سے مطابقت نہیں رکھتا تھا، سب سے اہم بات یہ کہ دستخط والا حصہ شالے بلوچ کے نوٹیفکیشن کے عین مطابق تھا، جس میں ڈیجیٹل ایڈیٹنگ کے آثار نظر آ رہے تھے۔
بعد ازاں انٹیلی جنس ذرائع سے تصدیق کے بعد یہ واضح ہوگیا کہ ایسا کوئی نوٹیفکیشن جاری نہیں کیا گیا تھا، بلوچستان ہوم ڈیپارٹمنٹ کے حکام نے اس مبینہ نوٹیفکیشن کو جعلی قرار دیتے ہوئے بھارتی میڈیا کے دعووں کو مسترد کر دیا۔
گزشتہ دنوں سلمان خان نے سعودی عرب میں منعقدہ ’جوائے فورم 2025‘ میں شاہ رخ خان اور عامر خان کے ساتھ شرکت کے دوران بھارتی فلم انڈسٹری کی عالمی مقبولیت اور خاص طور پر مشرقِ وسطیٰ میں اس کے بڑھتے اثرات پر گفتگو کی۔
سلمان خان نے کہا تھا کہ اگر یہاں بولی وُڈ، تمل، تیلگو یا ملیالم فلم ریلیز کی جائے تو وہ فوراً کامیاب ہو جاتی ہے، کیونکہ یہاں مختلف ممالک کے لوگ کام کرنے آتے ہیں۔
ان کا کہنا تھا کہ یہاں بلوچستان، افغانستان اور پاکستان سے لوگ کام کر رہے ہیں۔
سلمان خان کے یہ الفاظ سوشل میڈیا پر تیزی سے وائرل ہوئے، لیکن پاکستانی حکام کی جانب سے کوئی باضابطہ ردعمل سامنے نہیں آیا۔
ذریعہ
ذریعہ: Daily Mumtaz
کلیدی لفظ: بھارتی میڈیا سلمان خان کو کی جانب سے
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار