مارک زکربرگ کا فیس بک میں چند بڑی تبدیلیاں کرنے کا اعلان
اشاعت کی تاریخ: 31st, January 2025 GMT
لاس اینجلس(نیوز ڈیسک)اگر آپ فیس بک استعمال کرنا پسند کرتے ہیں تو اس میں بہت جلد چند بڑی تبدیلیاں نظر آئیں گی۔
اس کا عندیہ میٹا کے چیف ایگزیکٹو مارک زکربرگ نے دیا۔
گزشتہ دنوں 2024 کی چوتھی سہ ماہی کے دوران کمپنی کی کارکردگی کی رپورٹ جاری کرتے ہوئے مارک زکربرگ نے عندیہ دیا کہ فیس بک میں چند بڑی تبدیلیوں کی منصوبہ بندی کی جا رہی ہے تاکہ یہ پلیٹ فارم ایک بار پھر ماضی جیسا بہترین محسوس ہونے لگے۔
انہوں نے کہا کہ فیس بک 3 ارب سے زائد صارفین کی زندگیوں کا ایک اہم حصہ ہے اور ان کی جانب سے اسے ثقافتی طور پر زیادہ بااثر بنانے کے لیے کام کیا جا رہا ہے۔
مارک زکربرگ نے یہ نہیں بتایا کہ کیا تبدیلیاں کی جا رہی ہیں مگر ان کا کہنا تھا کہ ‘یہ پرجوش سال ثابت ہوگا جب ہم پرانے بہترین فیس بک کو واپس لائیں گے’۔
انہوں نے عندیہ دیا کہ آئندہ 12 ماہ کے دوران کمپنی کی جانب سے پلیٹ فارم کو مکمل طور پر بدلنے پر توجہ مرکوز کی جائے گی۔
مارک زکربرگ کے مطابق میٹا کی جانب سے فیس بک کو بہتر بنانے کے لیے درکار تبدیلیوں کے لیے مختصر المدت کاروباری نتائج کی قربانی دی جاسکتی ہے۔
میٹا کے چیف ایگزیکٹو نے کہا کہ گزشتہ چند برسوں کے دوران ہم نے اس پر توجہ مرکوز نہیں کی، مگر اب ہم اس پر اپنا وقت لگائیں گے۔
مارک زکربرگ کی جانب سے پرانے بہترین فیس بک کا حوالہ دینے کا مطلب یہ نہیں کہ وہ اس سوشل میڈیا پلیٹ فارم کو نئے فیچرز سے محروم کر دیں گے۔
درحقیقت ان کا کہنا تھا کہ فیس بک میں لوگوں کی جانب سے ویڈیوز دیکھنے کے وقت کی شرح میں ایک سال کے دوران دوگنا اضافہ ہوا ہے اور توقع ہے کہ انسٹا گرام اور فیس بک میں ریلز کو دیکھنے کی شرح میں مزید اضافہ ہوگا۔
مزیدپڑھیں:عامر خان ایک بار پھر محبت میں مبتلا ہوگئے، بنگلور کی خاتون سے تعلق کی خبریں، گھر والوں سے ملاقات بھی کروادی
ذریعہ: Daily Ausaf
کلیدی لفظ: فیس بک میں کی جانب سے کے دوران
پڑھیں:
بھارت کا ٹرمپ کی دھمکیوں کے جواب میں روس سے تیل کی خریداری جاری رکھنے کا عندیہ
نیویارک(اردوپوائنٹ اخبارتازہ ترین-انٹرنیشنل پریس ایجنسی۔04 اگست ۔2025 ) بھارت نے امریکی صدر ڈونلڈ ٹرمپ کی جانب سے پابندیوں کی دھمکیوں کے جواب میں روس سے تیل کی خریداری جاری رکھنے کا عندیہ دیا ہے امریکی جریدے نیویارک ٹائمز کے مطابق دو سینئر بھارتی حکام نے واضح کیا ہے کہ پالیسی میں کوئی تبدیلی نہیں کی گئی جبکہ ایک اعلیٰ عہدیدار کا کہنا تھا کہ حکومت نے تیل کمپنیوں کو روسی درآمدات میں کمی کے حوالے سے کوئی ہدایات جاری نہیں کیں تاہم جریدا اس رپورٹ کی فوری طور پر تصدیق نہیں کرسکا.(جاری ہے)
اس معاملے پر وائٹ ہاﺅس، بھارت کی وزارتِ خارجہ اور وزارتِ پیٹرولیم و قدرتی گیس نے جریدے کی تبصرے کے لیے کی جانے والی درخواستوں کا فی الحال کوئی جواب نہیں دیا یاد رہے کہ گزشتہ ماہ صدر ٹرمپ نے ٹروتھ سوشل پر ایک پوسٹ میں اشارہ دیا تھا کہ روسی ہتھیاروں اور تیل کی خریداری کرنے والے ممالک جن میں بھارت بھی شامل ہے، کو اضافی پابندیوں کا سامنا کرنا پڑے گا تاہم بعد ازاں انہوں نے یہ بھی کہا کہ انہیں اس بات سے کوئی فرق نہیں پڑتا کہ بھارت روس کے ساتھ کیا کرتا ہے. گزشتہ ہفتے صحافیوں سے گفتگو کرتے ہوئے ٹرمپ نے دعویٰ کیا تھا کہ انہیں اطلاع ملی ہے کہ بھارت اب روس سے تیل نہیں خریدے گا برطانوی ادارے نے رپورٹ کیا تھا کہ جولائی میں روسی تیل پر دی جانے والی رعایتیں کم ہونے کے بعد بھارتی سرکاری ریفائنریوں نے حالیہ دنوں میں اس کی خریداری روک دی ہے. واضح رہے کہ 14 جولائی کو ٹرمپ نے اعلان کیا تھا کہ جو ممالک روس سے تیل خریدتے رہیں گے انہیں 100 فیصد درآمدی ٹیرف کا سامنا کرنا پڑے گا جب تک کہ روس یوکرین کے ساتھ کوئی بڑا امن معاہدہ نہ کر لے روس اس وقت بھارت کا سب سے بڑا تیل فراہم کنندہ ہے، جو اس کی مجموعی تیل ضروریات کا تقریباً 35 فیصد مہیا کرتا ہے‘بھارت ایران سے بھی سستا تیل خرید کر یورپ کو سپلائی کرتا رہا ہے دہلی کے علاوہ چین بھی روسی اور ایرانی تیل کا بڑا خریدار ہے.
مسلم لیگ ن کا ضمنی انتخابات بھرپورطریقے سے لڑنے کا فیصلہ