کراچی اوپن فٹسال ٹورنامنٹ مدھو کلب نے جیت لیا
اشاعت کی تاریخ: 31st, January 2025 GMT
کراچی (اسپورٹس رپورٹر)کراچی اوپن فٹسال ٹورنامنٹ مدھو کلب ڈسٹرکٹ ایسٹ نے اپنے نام کرلیا، فاتح ٹیم نے سنسی خیز اور دلچسپ مقابلے کے بعد گلشن کلب ڈسٹرکٹ سینٹرل کو 9 کے مقابلے میں 10 گول سے شکست دیکر فاتح کا اعزاز اپنے نام کیا، ڈسٹرکٹ اسپورٹس آفیسر محکمہ کھیل حکومت سندھ محمد اسمعیل شاہ اور ایس او اے کے سیکریٹری احمد علی راجپوت نے انعامات تقسیم کئے۔تفصیلات کے مطابق سندھ یوتھ اسپورٹس (SYS) کے زیر انتظام محکمہ کھیل حکومت سندھ کے تعاون سے کے ایچ اے اسپورٹس کمپلیکس میں کھیلے گئے کراچی اوپن فٹسال ٹورنامنٹ کا فائنل برقی قمقموں کی روشنی میں مدھو کلب ڈسٹرکٹ ایسٹ اور گلشن کلب ڈسٹرکٹ سینٹرل کے درمیان کھیلا گیا، دونوں ٹیموں کے درمیان میچ اپنے آغاز سے ہی سنسنی خیز لمحات سے بھر پور تھا، پہلے ہاف کے اختتام پر مقابلہ 3-4 رہا، دوسرے ہاف میں بھی دونوں ٹیموں نے ایک دوسرے پر سبقت لے جانے کی بھر پور کوشش کی تاہم فائنل کے اختتام پر گلشن کلب کے 9 گول کے جواب میں مدھو کلب نے دس گول سے فتح اپنے نام کرلی، فائنل کے اختتام پر ڈسٹرکٹ اسپورٹس آفیسر ایسٹ محکمہ کھیل حکومت سندھ محمد اسمعیل شاہ اور سندھ اولمپک ایسوسی ایشن کے سیکریٹری احمد علی راجپوت نے چیئرمین کے ایچ اے گلفراز خان، انٹرنیشنل ہاکی کمنٹریٹر ریاض الدین، کے ایچ اے کے سینئر نائب صدر اعجاز الدین کے ہمرہ کھلاڑیوں میں انعامات تقسیم کیے۔
.
ذریعہ: Al Qamar Online
کلیدی لفظ: پاکستان کھیل کلب ڈسٹرکٹ مدھو کلب
پڑھیں:
غلطی نہیں کی تو جرمانہ نہیں لگے گا، تصدیق کے بعد چالان معاف ہونگے، آئی جی سندھ
data-id="863a0a8" data-element_type="widget" data-widget_type="theme-post-content.default">
کراچی:۔ آئی جی سندھ غلام نبی میمن نے شہریوں کو ریلیف دیتے ہوئے اعلان کیا ہے کہ جن شہریوں کو غلط ٹریفک چالان موصول ہوئے ہیں، وہ سہولت مراکز پر جاکر تصدیق کے بعد اپنے چالان منسوخ یا معاف کرا سکتے ہیں۔ انہوں نے واضح کیا کہ جس شہری کی غلطی نہ ہو، اسے کسی بھی صورت جرمانہ نہیں کیا جائے گا۔
غلام نبی میمن کا کہنا تھا کہ سندھ پولیس جدید ٹیکنالوجی کے استعمال سے چوری شدہ موٹر سائیکلوں کی برآمدگی اور اس جرم میں ملوث عناصر کی گرفتاری کے لیے مو ¿ثر اقدامات کر رہی ہے۔
آئی جی سندھ کی زیرِ صدارت سینٹرل پولیس آفس کراچی میں فیس لیس ای ٹکٹنگ سسٹم پر پہلا جائزہ اجلاس منعقد ہوا، جس میں ایڈیشنل آئی جیز، ڈی آئی جیز، ڈی جی سیف سٹی اور دیگر اعلیٰ افسران نے شرکت کی۔
اجلاس کے دوران ڈی آئی جی ٹریفک کراچی پیر محمد شاہ نے نظام کی کارکردگی پر تفصیلی بریفنگ دیتے ہوئے بتایا کہ 27 اکتوبر سے کراچی میں فیس لیس ای ٹکٹنگ سہولت کا باقاعدہ آغاز ہو چکا ہے، جسے شہریوں کی جانب سے مثبت ردِعمل حاصل ہو رہا ہے۔ اجلاس میں کراچی ٹریفک مینجمنٹ بورڈ کے قیام کو ضروری قرار دیتے ہوئے فیصلہ کیا گیا کہ فیس لیس ای چالان کے نظام کو دیگر اضلاع میں بھی مرحلہ وار متعارف کرایا جائے گا۔
افسران نے تجویز دی کہ جب تک سیف سٹی منصوبہ مکمل طور پر فعال نہیں ہوتا، اس دوران شہر کی اہم شاہراہوں اور چوراہوں پر نصب سرکاری کیمروں کے ذریعے یہ نظام نافذ رکھا جائے۔ آئی جی سندھ نے ڈی آئی جی ٹریفک کراچی کی کارکردگی کو سراہتے ہوئے کہا کہ فیس لیس ای ٹکٹنگ نظام کا مقصد شہریوں کو شفاف سہولت فراہم کرنا، ٹریفک حادثات میں کمی اور شہری نظم و ضبط کو یقینی بنانا ہے۔
وزیر اعظم آزاد کشمیر کیخلاف تحریک عدم اعتماد پر پارٹی سے مشاورت کریں گے، امیر مقام