فلاڈیلفیامیں ائیرایمبولینس کا چھوٹا طیارہ عمارتوں سے ٹکرا گیا بچے سمیت6ہلاکتوں کی تصدیق
اشاعت کی تاریخ: 1st, February 2025 GMT
فلاڈیلفیا(اردوپوائنٹ اخبارتازہ ترین-انٹرنیشنل پریس ایجنسی۔یکم فروری ۔2025 )امریکی ریاست پینسلوینیا شہر فلاڈیلفیامیںائیر ایمبولینس کا چھوٹا طیارہ عمارتوں سے ٹکرا گیا جس کے نتیجے میں گھروں اور گاڑیوں میں آگ لگ گئی اور زمین پر موجود کئی افراد زخمی ہو گئے جیٹ ریسکیو ایئر ایمبولینس نے ایک بیان میں کہا کہ طیارہ شام کے وقت میڈیکل ٹرانسپورٹ مشن پر تھا اور اس میں عملے کے چار ارکان، ایک مریض بچہ اور اس کی والدہ سوار تھے.
(جاری ہے)
فیڈرل ایوی ایشن ایڈمنسٹریشن (ایف اے اے) کے مطابق لیئر جیٹ 55 طیارے نے شمال مشرقی فلاڈیلفیا کے ہوائی اڈے سے اڑان بھری اور چار میل سے بھی کم فاصلے پر گر کر تباہ ہو گیا ایف اے اے اور نیشنل ٹرانسپورٹیشن سیفٹی بورڈ اس حادثے کی تحقیقات کر رہے ہیں. ایک بیان میں صدر ڈونلڈ ٹرمپ نے کہا کہ ان کی انتظامیہ مکمل طور پر اس معاملے پر نظر رکھے ہوئے ہیں ان کا کہنا تھا کہ فلاڈیلفیا میں طیارے کو گرتے ہوئے دیکھ کر بہت دکھ ہوا افسوس ہے کہ مزید معصوم جانیں ضائع ہو گئیں. ریاست پنسلوانیا کے گورنر جوش شپیرو نے جائے ایک نیوز کانفرنس کے دوران کہا کہ ہم جانتے ہیں کہ حادثہ کے نتیجے میں نقصان ہوگا اور یہ ایک افسوس ناک حادثہ ہے ریسکیو اہلکار حادثے کے ک±چھ ہی وقت کے بعد جائے حادثہ پر پہنچ گئے رہائشی عمارتوں کے علاقے میں سڑکیں ملبے اور طیارے کے ٹکڑوں سے بھری ہوئی تھیں. عینی شاہدین کے مطابق حادثے کے بعد ہر جانب افراتفری کے منظر دکھائی دے رہے تھے جن میں متعددد لوگ زخمی ہوئے جبکہ عمارتوں میں آگ لگ گئی جیٹ ریسکیو ایئر ایمبولینس کے ترجمان شائی گولڈ نے نشریاتی ادارے ”این بی سی“ کو بتایا کہ طیارے میں سوار بچے کو امریکہ میں طبی امداد کے بعد واپس میکسیکو کے شہر تیجوانا لے جایا جا رہا تھا. ترجمان نے بتایا کہ ائیر ایمبولینس میں مریض بچی کے ساتھ اس کی والدہ، ایک پائلٹ، ایک کو پائلٹ، ایک ڈاکٹر اور ایک پیرامیڈک سوار تھے گولڈ نے بتایا کہ بچی کے علاج کے لیے ایک خیراتی ادارے کی جانب سے انہیں مدد فراہم کی گئی تھی. فلاڈیلفیا کی میئر چیرل پارکر کی جانب سے اس حادثے میں ہلاکتوں کی تعداد کے حوالے سے لا علمی ظاہر کی گئی ہے واضح رہے کہ ائیر ایمبولینس کا یہ حادثہ واشنگٹن ڈی سی میں ایک کمرشل جیٹ اور ایک فوجی ہیلی کاپٹر کے درمیان تصادم کے دو روز بعد پیش آیا ہے جہاں حکام کا خیال ہے کہ ہیلی کاپٹر اور مسافر طیارے میں سوار تمام 67 افراد ہلاک ہو گئے ہیں.
ذریعہ
ذریعہ: UrduPoint
کلیدی لفظ: تلاش کیجئے
پڑھیں:
جنوبی پنجاب میں منکی پاکس کا پھیلاؤ، 4 مریض اسپتال داخل، الرٹ جاری
جنوبی پنجاب میں منکی پاکس کے نئے کیسز سامنے آنے کے بعد صوبائی محکمہ صحت کی تشویش میں اچانک اضافہ ہو گیا ہے۔
میڈیا رپورٹس کے مطابق ملتان کے ’نشتر اسپتال‘ میں اب تک منکی پاکس کے 4 مریضوں کی باقاعدہ تصدیق ہو چکی ہے، جبکہ وائرس کے پھیلاؤ کو روکنے کے لیے اسپتال اور گردونواح میں الرٹ جاری کر دیا گیا ہے۔
آئسولیشن وارڈ میں مریضوں کی تعداد اور آبائی علاقےنشتر اسپتال انتظامیہ کے مطابق حال ہی میں ایک اور مشتبہ مریض کو وائرس کی علامات ظاہر ہونے پر فوری طور پر خصوصی آئسولیشن وارڈ میں داخل کر لیا گیا ہے۔
یہ بھی پڑھیں:سندھ میں منکی پاکس کے کیسز میں اضافہ، 9 اموات کی تصدیق
اس نئے کیس کے بعد وارڈ میں زیرِ علاج اور کڑی نگرانی میں رکھے گئے مریضوں کی مجموعی تعداد 5 ہو گئی ہے۔ اسپتال حکام کا کہنا ہے کہ جن مریضوں میں ’منکی پاکس‘ کی تصدیق ہوئی ہے ان کا تعلق جنوبی پنجاب کے مختلف اضلاع بالخصوص ملتان، مظفرگڑھ اور وہاڑی سے ہے۔
اسپتال انتظامیہ کے اقدامات اور ٹیسٹنگاسپتال کے وبائی امراض کے ماہرین اور انتظامیہ کا کہنا ہے کہ منکی پاکس کے تصدیق شدہ مریضوں کے علاج اور دیکھ بھال پر خصوصی توجہ دی جا رہی ہے تاکہ ان کی جلد صحت یابی ممکن ہو سکے۔
دوسری جانب، نئے آنے والے مشتبہ مریض کے خون اور زخموں کے نمونے (سیمپلز) حتمی جانچ اور تصدیق کے لیے لیبارٹری بھجوا دیے گئے ہیں، جن کی رپورٹ اگلے چند روز میں موصول ہونے کا امکان ہے۔
محکمہ صحت کی نگرانی اور احتیاطی تدابیر کی اپیلمحکمہ صحت کے اعلیٰ حکام نے عوام الناس کو وبائی مرض سے بچنے کے لیے فوری طور پر احتیاطی تدابیر اختیار کرنے کی سخت ہدایت کی ہے۔
مزید پڑھیں:کراچی میں منکی پاکس: بیوی کے بعد شوہر بھی لپیٹ میں آگیا
ترجمان محکمہ صحت کے مطابق خطے میں صورتحال کی مسلسل اور سخت نگرانی کی جا رہی ہے اور اس موذی بیماری کے مزید پھیلاؤ کو روکنے کے لیے ضلعی سطح پر تمام ضروری اور حفاظتی اقدامات ہنگامی بنیادوں پر جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتیاطی تدابیر اسپتال اقدامات ٹیسٹنگ جنوبی پنجاب خون زخموں لیبارٹری محکمہ صحت منکی پاکس نگرانی۔ نمونے
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ