امریکا میں ایک اور طیارہ گر کر تباہ، متعدد ہلاکتوں کا خدشہ
اشاعت کی تاریخ: 1st, February 2025 GMT
PHILADELPHIA:
امریکی شہر فلاڈیلفیا میں ایئرایمبولینس کے طور پر استعمال ہونے والا طیارہ اڑان بھرنے کے فوری بعد گر کر تباہ ہوگیا، جس میں ایک بچہ سمیت 6 افراد سوار تھے اور تمام افراد کی ہلاکت کا خدشہ ہے۔
خبرایجنسی رائٹرز کی رپورٹ کے مطابق طیارہ ایئرایمبولینس کمپنی کے زیراستعمال تھا اور کمپنی نے اپنے بیان میں کہا کہ سوار افراد میں سے کسی کے زندہ بچنے کی تصدیق نہیں ہوئی ہے۔
بیان میں کہا گیا کہ جیٹ ریسکیو ایئر ایمبولینس میکسیکو کا تھا اور امریکا میں لائسنس کے تحت استعمال کیا جا رہا تھا۔
کمپنی نے بتایا کہ طیارے میں عملے کے 4 افراد سوار تھے اور مریض بچے کے ساتھ ان کی والدہ بھی طیارے میں سوار تھیں۔
ریاستی اور مقامی انتظامیہ کے عہدیداروں نے بتایا کہ یہ حادثے جمعے کو رات گئے فلاڈیلفیا کے گنجان آباد علاقے میں پیش آیا تاہم ہلاکتوں کی تعداد کے حوالے سے حتمی رپورٹ سامنے نہیں آئی ہے۔
سوشل میڈیا پر عینی شاہدین کی جانب سے دی گئی اطلاعات میں بتایا گیا کہ لاشوں کے ٹکڑے سڑک پر آگرے اور قریبی گھروں کے اندر بھی گرے ہیں۔
ادھر میکسیکو کی حکومت نے بیان میں کہا کہ طیارے میں سوار تمام افراد میکسیکو کے شہری تھے۔
جیٹ ریسکیو ایئرایمبولینس کے شعبے کارپوریٹ اسٹریٹجی میں کام کرنے والی عہدیدار شائے گولڈ نے بتایا کہ بیمار بچہ ایک لڑکی تھی اور وہ واپس اپنے گھر ٹیجوانا جا رہے تھے مگر حادثے کا شکار ہوگئے اور ان کے ساتھ طیارے میں ان کی والدہ بھی سوار تھیں۔
انہوں نے کہا کہ ہم اس طرح کے حادثات پر انتہائی افسردہ ہیں، یہ عملہ انتہائی تجربہ کار تھا، ہم ایک بہترین ایئرایمبولینس کمپنی ہیں اور سالانہ 600 سے 700 پروازیں ہوتی ہیں۔
امریکی ریاست پینسلوینیا کے گورنر جوش شپیرو نے جائے حادثہ پر پریس کانفرنس میں بتایا کہ ہم جانتے ہیں کہ اس خطے میں نقصان ہوگا اور ہم اس حادثے کے متاثرین کے اہل خانہ سے یک جہتی کرتے ہیں اور ان کے لیے دعا گو ہیں۔
صدر ڈونلڈ ٹرمپ نے بیان میں کہا کہ پینسلوینیا کے شہر فلاڈیلفیا میں طیارے کے حادثے پر بہت افسوس ہوا، مزید معصوم جانیں چلی گئیں تاہم ہمارے عہدیداروں امدادی کام میں مصروف ہیں۔
خیال رہے کہ اس سے قبل رواں ہفتے امریکی دارالحکومت واشنگٹن ڈی سی میں فوجی ہیلی کاپٹر ٹکرانے سے مقامی پرواز حادثے کا شکار ہوئی تھی اور 67 افراد ہلاک ہوگئے تھے، جس سے 9 الیون کے بعد سب سے بڑا سانحہ قرار دیا گیا تھا۔
.ذریعہ: Express News
کلیدی لفظ: میں کہا طیارے میں بتایا کہ کہا کہ
پڑھیں:
راولپنڈی میں انوکھی چوری: ایرانی کرنسی کا جھانسہ دے کر نامعلوم موٹرسائیکل سوار شہری کے گھر سے زیورات لے اُڑا
راولپنڈی ( نیوزڈیسک) تھانہ پیرودھائی کی حدود میں ایک حیران کن واردات سامنے آئی ہے جہاں ایک نامعلوم موٹر سائیکل سوار شہری کو عمرہ کی ادائیگی کے لیے 15 لاکھ ایرانی کرنسی دینے کا جھانسہ دے کر گھر میں گھسا اور قیمتی زیورات لے کر فرار ہو گیا۔
متاثرہ شہری محمد سلطان، جو خیابان سرسید راولپنڈی کا رہائشی ہے، نے تھانہ پیرودھائی میں درخواست جمع کروائی ہے جس میں اُس نے واقعے کی تفصیلات بتاتے ہوئے کہا کہ 22 اپریل کو جب وہ کھانا لے کر اپنی دکان کے لیے نکلا تو ایک موٹرسائیکل سوار کو بائیکا رائیڈر سمجھ کر اس کے ساتھ بیٹھ گیا۔
راستے میں موٹرسائیکل سوار اس سے اس کی فیملی کے بارے میں گفتگو کرتا رہا اور چونگی نمبر 4 پر پہنچ کر اسے 15 لاکھ ایرانی کرنسی دیتے ہوئے کہا کہ وہ اس رقم سے حج کر لے۔ محمد سلطان کے انکار پر ملزم نے اُس سے کہا کہ وہ اُس کی بیوی سے خود بات کرے گا، اور اُسے ساتھ گھر لے گیا۔
گھر پہنچ کر نامعلوم شخص نے نہایت شائستگی سے بات کی اور ایرانی کرنسی میں سے چار نوٹ زکوٰۃ کے نکالنے کا مشورہ دیا۔ پھر اُس نے سلطان کی بیوی سے زیورات کی مقدار پوچھی اور دیکھنے کا مطالبہ کیا۔ زیورات دیکھنے کے بعد اُس نے محمد سلطان کو قریبی مسجد چلنے کا کہا، لیکن مسجد کے باہر پہنچ کر وہ اچانک غائب ہو گیا۔
محمد سلطان کا کہنا ہے کہ جب وہ واپس گھر پہنچا تو معلوم ہوا کہ وہ شخص زبردستی گھر میں داخل ہو کر زیورات لے گیا۔ شہری کا مزید کہنا تھا کہ ملزم کے پاس موجود ایرانی کرنسی پر کسی قسم کا کیمیکل تھا جس سے دماغ پر اثر ہو رہا تھا۔
متاثرہ خاندان کے مطابق، چور خاتون خانہ (بیوی اور بہو) کے تمام زیورات لے کر فرار ہو چکا ہے۔ اے بی این نیوز کو واردات کی سی سی ٹی وی فوٹیج بھی موصول ہو چکی ہے، جسے پولیس کی مدد کے لیے استعمال کیا جائے گا۔
تھانہ پیرودھائی پولیس نے واقعے کی تحقیقات شروع کر دی ہیں اور شہریوں کو اس قسم کے فراڈ سے خبردار رہنے کی ہدایت کی ہے۔
مزیدپڑھیں:جمعرات کوعام تعطیل کااعلان
اسلام آباد: این اے 18 ہری پور میں دھاندلی کی تحقیقات روکنے کا حکم امتناع ختم