الخدمت اور برٹش میڈیکل جرنل کے درمیان صحت کے شعبے میں معاہدہ
اشاعت کی تاریخ: 2nd, February 2025 GMT
الخدمت اور برٹش میڈیکل جرنل (بی ایم جے )کے درمیان صحت کے شعبے میں معاہدے پر الخدمت کے ڈائریکٹر میڈیکل سروسزڈاکٹر ثاقب انصاری اور کنٹری ہیڈ کپ گریڈ خالد قریشی دستخط کر ر ہے ہیں‘ دوسری جانب برٹش میڈیکل جرنل (بی ایم جے ) کا و فد سی ای او نوید علی بیگ و دیگر ذ مے داران سے ملاقات کر ر ہا ہے‘ایگزیکٹو ڈئریکٹر الخدمت راشد قریشی بھی موجود ہیں
کراچی(اسٹاف رپورٹر) الخدمت اور برٹش میڈیکل جرنل (BMJ)کے درمیان صحت کے شعبے میں معاہدہ طے پاگیا۔ الخدمت کراچی اور برٹش میڈیکل جرنل صحت کے شعبے میں ریسرچ ،کوالٹی اورپبلی کیشن پر مل کر کام کریں گے۔ معاہدے کے مطابق پہلے مرحلے میں ذیا بیطس کے شعبے میں کام شروع کیا جائے گااور ڈاکٹروں کو 6 ماہ کا سرٹیفکیٹ کورس کرایا جائے گا۔اس کورس کو کرکے ڈاکٹر ذیابیطس سے متعلق آگاہی اور اس کی روک تھام کے لیے اقدامات
کریں گے بعدازاں اس پروگرام کا دائرہ صحت کے دیگر شعبوں تک وسیع کیا جائے گا۔معاہدے پر الخدمت کراچی کے ڈائریکٹر میڈیکل سروسزڈاکٹر ثاقب انصاری اور کنٹری ہیڈ کپ گریڈ( (Kupgrade خالد قریشی نے دستخط کیے۔ اس موقع پر چیف ایگزیکٹو الخدمت نوید علی بیگ ،ایگزیکٹو ڈئریکٹر راشد قریشی،ڈائریکٹرڈائیگنوسٹک سروسزڈاکٹرعظیم الدین، الخدمت شعبہ صحت کے ذمے داران،ڈاکٹر فہیم احمدکنسلٹینٹ کپ گریڈ( (Kupgradeودیگر عہدے دار موجود تھے۔اس موقع پر خالد قریشی کنٹری ہیڈ کپ گریڈ ( (Kupgradeنے کہا کہ ہم نے الخدمت کا مکمل جائزہ لیا ہے ۔الخدمت پور ملک میں ہیلتھ کے شعبے میں بھرپورکا م کررہی ہے ۔اس کا نیٹ ورک بھی بڑا ہے ، 350سے زایدکنسلٹینٹ الخدمت کے اسپتالوں و اداروں سے منسلک ہیں ۔اس وسیع نیٹ ورک کے ساتھ کام کرنا ہمارے لیے اہمیت کا حامل ہوگا۔ خالد قریشی نے کہا کہ مستقبل میں الخدمت کے ساتھ مل کر صحت کے شعبے میں کام کو وسعت دیں گے جو بیماریوں کے علاج اور ڈائیگنوسز کے شعبے میں بھی مدد گار ثابت ہوگا۔چیف ایگزیکٹو الخدمت کراچی نوید علی بیگ نے معاہدے کے لیے آنے والے برٹش میڈ یکل جرنل کے وفد کو الخدمت کی سماجی خدمات بشمول طبی خدمات کے حوالے سے تفصیلی بریفنگ دی ،انہوں نے کہا کہ برٹش میڈ یکل جرنل اور الخدمت کا معاہدہ خوش آئند ہے۔ معاہدے پر عملدرآمد کے نتیجے میں صحت کے شعبے میں کام کے مز ید مواقع میسر آئیں گے۔
ذریعہ: Jasarat News
کلیدی لفظ: اور برٹش میڈیکل جرنل صحت کے شعبے میں خالد قریشی
پڑھیں:
ترک تنظیم ٹکاکے نمائندوں کا الخدمت آفس اور ڈائیگنوسٹک لیبارٹری کا دورہ
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)ترک فلاحی تنظیم ٹکا (TIKA) کے وفد نے الخدمت کراچی اور الخدمت کی ناظم آباد میں قائم اسٹیٹ آف دی آرٹ ڈائیگنوسٹک لیبارٹری کا دورہ کیا،وفد میں ٹکا (TIKA) کراچی کے کوآرڈی نیٹر مسٹر معشوق پوسا اور مس فاطمہ شامل تھیں۔ الخدمت کے دفتر آمد پر ان کا بھرپور استقبال کیا گیا۔اس موقع پر مہمانوں کو الخدمت کے فلاحی منصوبوں کے حوالے سے تفصیلی بریفنگ دی گئی، بعدازاں انہیں الخدمت کی اسٹیٹ آف دی آرٹ ڈائیگنوسٹک لیبارٹری کا دورہ کروایا گیا۔ ایگزیکٹو ڈائریکٹر الخدمت کراچی راشد قریشی، ڈائریکٹر ڈائیگنوسٹکس ڈاکٹر عظیم الدین،سینئر منیجر انوار عالم، سینئر منیجر سرفراز شیخ اورمنیجر آر ایم ڈی سید عمران احمد بھی موجود تھے۔وفد نے لیبارٹری کا معائنہ کیا،اس میں موجود جد ید طبی آلات کو دیکھا اور ان میں اپنی بھرپور دلچسپی سے اظہارکیا، ڈاکٹر عظیم الدین نے انہیں لیبارٹری میں دستیاب سروسز سے متعلق آگہی فراہم کی۔اس موقع پر ایگزیکٹو ڈائریکٹر راشد قریشی نے کہا کہ الخدمت انسانیت کی خدمت اور ضرورت مندوں کی مدد کے لیے کوشاں ہے،‘‘ہم (TIKA)کے وفد کے شکر گزار ہیں کہ انہوں نے الخدمت کے دفترکا دورہ کیا اور اس کے کاموں میں دلچسپی لی اور منصوبوں کو سراہا۔ ترکی اور پاکستان کے درمیان برادرانہ تعلقات ہیں اور یہ تعلق فلاحی میدان میں بھی مضبوط تر ہو رہا ہے۔’’راشد قریشی نے اس امید کا اظہار بھی کیا کہ الخدمت اور ٹکا (TIKA) مستقبل میں مشترکہ منصوبوں کے ذریعے خدمتِ انسانیت کے دائرہ کار کو مزید وسعت دیں گے۔ٹکا (TIKA) کے نمائندوں نے الخدمت کی کارکردگی کو خراجِ تحسین پیش کرتے ہوئے کہا کہ الخدمت پاکستان میں فلاحی خدمات کے فروغ میں ایک نمایاں کردار ادا کر رہی ہے اور ایسے ادارے ہی معاشرے میں حقیقی تبدیلی کا ذریعہ بنتے ہیں۔ٹکا (TIKA)کے نمائندوں نے الخدمت کی انسانی خدمت کے منصوبوں اور خدمات کو سراہتے ہوئے مستقبل میں باہمی تعاون بڑھانے میں گہری دلچسپی ظاہر کی۔
کیریبین میں امریکہ کی نئی مہم جوئی