چیئرمین گلبرک ٹاؤن نصرت اللہ کا ترقیاتی کاموں کے حوالے سے مختلف علاقوں کا دورہ
اشاعت کی تاریخ: 2nd, February 2025 GMT
کراچی :چیئرمین گلبرک ٹاؤن نصرت اللہ کا ٹاؤن میں ترقیاتی کاموں کے حوالے سے مختلف علاقوں کا دورہ دارالعلوم نعیمیہ کے اطراف پانی کی لائن کی لکیج اور درستگی اور ابراہیم علی بھائی اسکول بلاک 15 سے دارالعلوم نعیمیہ تک کرب اسٹون کی تنصیب اور فٹ پاتھ کے لیول کرنے کے کاموں کا جائزہ لیا۔
اس موقع پر دارالعلوم نعیمیہ پر مفتی منیب الرحمن کی آمد پر چیئرمین گلبرگ ٹاؤن نصرت اللہ نے ہونے والے کاموں کی تفصیلات سے آگاہ کیا اس موقع پر مفتی منیب الرحمن نے کہا کہ میں ٹاؤن انتظامیہ کا مشکور ہوں کہ یہاں عرصہ دراز سے کوئی کام نہیں ہو رہا تھا اب نئی منتخب بلدیاتی قیادت کے آنے کے بعد کاموں کا سلسلہ شروع ہوا ہے برسوں کے انتظار کے بعد اور بار بار متوجہ کرنے کے بعد اب پہلی مرتبہ ہے اس سڑک کو قائدے قانون اور ضابطے کے مطابق بننے کے آثار پیدا ہو رہے ہیں۔
انہوں نے کہا کہ میرا مشورہ ہے کہ جس سڑک کو تعمیر کیا جائے اس سے قبل اس کا واٹر سیوریج کے نظام کو پہلے درست کیا جائے یا تبدیل کیا جائے کیونکہ یہ نظام اتنی آبادی کے لیے نہیں تھا جو کہ آج موجود ہے جہاں بھی سڑک کی تعمیر کی جائے موجودہ اور آنے والی آبادی کو پیش نظر رکھ کر بنایا جائے تاکہ قوم کے ٹیکس سے بننے والی سڑک دیرپا ثابت ہو لوگوں کو اس کا فائدہ ملے۔
چیئرمین گلبرگ ٹاؤن نے کہا کہ یہ ہماری خوش قسمتی ہے کہ مفتی منیب الرحمن جیسی شخصیت ہمارے درمیان موجود ہیں اور میں ان کی آمد کا شکریہ ادا کرتا ہوں ہم گلبرگ ٹاؤن میں کہیں بھی سڑک کے کام کے آغاز سے قبل وہاں واٹر و سیورج لائن کی درستگی اور مین ہال کی تعمیر کے بعد سڑک کے کام کا آغاز کرتے ہیں تاکہ تعمیر ہونے والی سڑک سے لوگ زیادہ عرصے تک مستفیض ہو سکیں دارالعلوم نعیمیہ کے اطراف کافی عرصے سے واٹر اور سیوریج کے مسائل موجود تھے جو کہ ہمارے علم میں تھے محدود بلدیاتی وسائل میں گلبرگ ٹاؤن میں کاموں کا سلسلہ جاری ہے امیر جماعت اسلامی پاکستان حافظ نعیم الرحمن کے ورژن کے مطابق کہ ہم اختیارات کا رونا
نہیں روئیں گے۔
انہوں نے مزید کہاکہ اختیارات سے بڑھ کر کام کریں گے گلبرگ ٹاؤن کی انتظامیہ اس پر عمل پیرا ہے ہم عوام کو بلدیاتی سہولت مہیا کرنا اپنی ذمہ داری کا حصہ سمجھتے ہیں اور عوام کو بلدیاتی سہولتیں میسر کرنے کے لیے کوشاں ہیں۔
.ذریعہ: Jasarat News
کلیدی لفظ: دارالعلوم نعیمیہ گلبرگ ٹاؤن کے بعد
پڑھیں:
محمکہ موسمیات نے ملک کے مختلف علاقوں میں بارش اور برفباری کی نوید سنا دی
محکمہ موسمیات کے مطابق منگل کے روز ملک کے بالائی علاقوں میں تیز ہواؤں، آندھی اور گرج چمک کے ساتھ بارش اور پہاڑوں پر برفباری کا امکان ہے۔
محکمہ نے مسافروں اور سیاحوں کو ہدایت کی ہے کہ وہ موسمی حالات کے مطابق، خصوصاً پہاڑی علاقوں میں، اپنے سفر کا مناسب بندوبست کریں کیونکہ آندھی، جھکڑ اور ژالہ باری کے باعث کمزور انفرا اسٹرکچر کو نقصان پہنچنے کا خدشہ ہے۔
بالائی خیبرپختونخوا، شمال مشرقی پنجاب، خطۂ پوٹھوہار، اسلام آباد، گلگت بلتستان اور کشمیر میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور برفباری متوقع ہے۔ چند مقامات پر ژالہ باری کا بھی امکان ظاہر کیا گیا ہے۔
مزید پڑھیں: ملک بھر میں موسم خشک، پنجاب کے کئی علاقے اسموگ کی لپیٹ میں رہنے کا امکان
دوسری جانب، ملک کے وسطی اور جنوبی علاقوں میں موسم خشک رہنے کا امکان ہے، جبکہ پنجاب کے کئی اضلاع میں اسموگ برقرار ہے۔
گزشتہ 24 گھنٹوں کے دوران بیشتر علاقوں میں موسم خشک اور پہاڑی علاقوں میں سرد رہا۔ مٹھی میں سب سے زیادہ 22 ملی میٹر بارش ریکارڈ کی گئی۔
آج ریکارڈ کیے گئے کم سے کم درجہ حرارت میں لیہہ منفی 3، اسکردو منفی 2، جبکہ بابوسر اور زیارت میں صفر ڈگری سینٹی گریڈ ریکارڈ کیا گیا۔
اسلام آباد اور گردونواح میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش کی توقع ہے، جبکہ چند مقامات پر ژالہ باری بھی ہو سکتی ہے۔
مزید پڑھیں: کوئٹہ میں سردیوں کی آمد، موسم کے ساتھ ساتھ لوگوں کے مزاج بھی بدلنے لگے
بالائی خیبرپختونخوا کے اضلاع بشمول چترال، دیر، سوات، کوہستان، مالم جبہ، کالام، ایبٹ آباد، مانسہرہ، ہری پور، بٹگرام، پشاور، مردان، نوشہرہ، چارسدہ، کرم اور وزیرستان میں بھی بارش اور برفباری کی پیشگوئی کی گئی ہے۔
گلگت بلتستان اور کشمیر میں مطلع ابر آلود رہنے کے ساتھ بارش اور پہاڑوں پر برفباری کا امکان ہے، جبکہ پنجاب کے شمالی اضلاع راولپنڈی، جہلم، گوجرانوالہ، سیالکوٹ، لاہور اور گردونواح میں بھی بارش اور ژالہ باری کی پیشگوئی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آندھی اور گرج چمک بارش برفباری محکمہ موسمیات موسم
ٹرمپ پر تنقید، نوبل انعام یافتہ نائجیرین مصنف کا امریکی ویزا منسوخ