پی ٹی آئی اور حکومت کے تیار کردہ پیکا ایکٹ میں فرق ہے، شیخ وقاص اکرم
اشاعت کی تاریخ: 2nd, February 2025 GMT
اسلام آباد: تحریک انصاف (پی ٹی آئی) کے سیکریٹری اطلاعات شیخ وقاص اکرم نے کہا ہے کہ
پی ٹی آئی اور حکومت کے تیار کردہ پیکا ایکٹ کے ڈرافٹس مختلف ہیں، 8 فروری کو ہونے والا احتجاج پرامن، آئینی اور بھرپور ہوگا۔
میڈیا سے گفتگو کرتے ہوئے پی ٹی آئی کے سیکریٹری اطلاعا ت نے کہاکہ 26 نومبر کو 5 ہزار سے زائد ورکرز کو گرفتار کیا گیا تھا، جن کی ضمانتیں اور مچلکے پارٹی نے خود جمع کرائے، جیل میں قیدیوں کے لیے کھانے پینے اور یہاں تک کہ نسوار کا بندوبست بھی پارٹی نے کیا۔
انہوں نے مزید کہا کہ پی ٹی آئی اپنے کارکنان کے ساتھ آخر تک کھڑی رہتی ہے، یہی وجہ ہے کہ ورکرز دوسری بار بھی باہر نکلتے ہیں کیونکہ انہیں اپنی قیادت پر اعتماد ہوتا ہے۔ ان کا کہنا تھا کہ خیبرپختونخوا حکومت کا پیسہ وہاں کے عوام کی فلاح پر خرچ ہوگا تو کوئی حرج نہیں۔
شیخ وقاص اکرم کا کہنا تھا کہ معلوم نہیں لوگ 8فروری کے حوالے سے کیوں پریشان ہیں؟ احتجاج پر امن طریقے ہوگا، چیف جسٹس اور ہائی کورٹس کے چیف جسٹس کو مل کر فیصلے کرنے چاہئیں اور اس معاملے میں آرٹیکل 200 کو بھی دیکھنا چاہیے۔
.ذریعہ: Jasarat News
کلیدی لفظ: پی ٹی آئی
پڑھیں:
کے پی کو وفاقی حکومت کی سپورٹ کی ضرورت ہے: گورنر فیصل کریم کنڈی
---فائل فوٹوخیبر پختونخوا کے گورنر فیصل کریم کنڈی نے کہا ہے کہ کے پی کو وفاقی حکومت کی سپورٹ کی ضرورت ہے۔
گورنر فیصل کریم کنڈی نے اپنے بیان میں کہا کہ کے پی صوبے کے حکمرانوں کو سنجیدگی سے کام لینا چاہیے، صوبے میں امن و امان کی صورتحال ہماری ترجیح ہے، صوبے کی بہتری کے لیے ہم مل بیٹھنے کے لیے تیار ہیں۔
انہوں نے مزید کہا کہ بلاول بھٹو نے کہا ہے کہ کشمیر کا فیصلہ کشمیر سے ہوگا، اسلام آباد سے نہیں، ہر صوبے اور علاقے کے فیصلے وہیں ہونے چاہئیں۔
فیصل کریم کنڈی کا کہنا ہے کہ ہمیں این ایف سی کے لیے تیار کرنی چاہیے۔
سندھ فوڈ اتھارٹی کی ناقص کارکردگی نے شہریوں کی صحت کو دائوپر لگا دیا