پاکستانی جیلوں میں اسیری کی زندگی
اشاعت کی تاریخ: 3rd, February 2025 GMT
انسان ہو یا حیوان قید میں زندگی گزارنا اک عذاب سے کم نہیں اور اگر اسیری کے دن پاکستان کی جیلوں میں کاٹنا پڑ جائیں تو یہ اک ڈراؤنا خواب بن جاتی ہے۔ سزائیں معاشرے کی اصلاح کے لیے ضروری بھی ہیں کہ جس نے جرم کیا ہو اس کو اس کے جرم کے مطابق کڑی سزا دی جائے تاکہ وہ دوبارہ جرم کا ارتکاب کرنے سے پہلے سو بار اس کے نتائج بارے سوچے۔ ہر معاشرہ جرائم کی روک تھام کے لیے جہاں قوانین بناتا ہے وہیں ان پر عملدرآمد کے لیے ان لوازمات کا بھی بندوبست کرتا ہے جیسا کہ جیلیں اور عدالتیں۔ آج کل نظام عدل کی جو حالت ہو چکی ہے وہ تو سب پر عیاں ہے، انصاف تو جیسے معاشرے سے غائب ہی ہو گیا ہے۔ وہیں ہماری جیلوں کی حالت زار پر سر پٹخنے کو جی چاہتا ہے۔ حال ہی میں پریزن ڈیٹا رپورٹ 2024 منظر عام پر آئی ہے جس نے جیلوں کی بدترین صورتحال پر روشنی ڈالی ہے۔ اس رپورٹ میں چونکا دینے والے انکشافات کیے گئے ہیں کہ کس طرح جیلوں میں گنجائش سے ڈیڑھ سو گنا زیادہ مجرم قید و بند کی صعوبتیں کاٹ رہے ہیں۔ اس وقت ملک کی 116 جیلوں میں 65 ہزار 811 قیدیوں کی گنجائش کے مقابلے میں ایک لاکھ 2 ہزار 26 قیدی موجود ہیں، جو 152 فیصد اضافی گنجائش پر کام کر رہی ہیں۔ تاہم، کراچی کی سینٹرل جیل کی صورتحال ان سب سے بدتر ہے جہاں یہ تناسب 300 فیصد سے بھی زیادہ ہے۔ قیدیوں کی اکثریت پنجاب میں قید ہے۔ پنجاب کی جیلوں میں 37 ہزار افراد کو رکھنے کی گنجائش ہے مگر اس وقت ان جیلوں میں 61 ہزار 813 افراد قید کی زندگی گزار رہے ہیں۔ جیلوں کے بڑے مسائل میں گنجائش سے زیادہ قیدیوں کی تعداد، طویل مدت تک زیر سماعت مقدمات کے قیدی، خواتین اور نابالغوں جیسے کمزور طبقات کی منظم نظر اندازی شامل ہے جو عدم توجہ کا شکار ہیں۔ جیلوں پر ایک بڑھے بوجھ کی وجہ زیر التوا کیسز اور انصاف کے عمل میں تاخیر ہے۔ معمولی نوعیت کے جرم میں ملوث افراد، خاص طور پر بچے اور خواتین غیر ضروری اسیری کاٹنے پر مجبور ہیں۔ پاکستان کی جیلوں میں 73.
بنے ہیں اہل ہوس مدعی بھی منصف بھی
کسے وکیل کریں کس سے منصفی چاہیں
حالات ایسے تشویشناک ہیں کہ 23 فیصد سے زیادہ قیدی منشیات کے استعمال سے متعلق جرائم میں قید ہیں۔ ایسے قیدیوں کو سزائوں کے بجائے بحالی پروگرامز کی ضرورت ہوتی ہے۔ اس کیلئے ملک میں بحالی مراکز قائم کرنے چاہئیں۔ معمولی جرائم والے افراد کیلئے متبادل سزاؤں جیسے پروبیشن اور کمیونٹی سروسز کو پروموٹ کرنے کے بارے میں عملاً کام کرنا چاہیے۔ بچے جیلوں میں سڑ رہے ہیں اور ہماری جیلوں کا جو ماحول ہے وہ باہر نکل کر معاشرے کے اچھے شہری کیونکر بنیں گے؟ خواتین اور نابالغوں جیسے حساس گروپ ہماری ترجیحات میں شامل نہیں۔ بدقسمتی سے ساری توجہ سیاسی انجینئرنگ پر مرکوز ہے۔ معاشرے کا توازن بگڑ رہا ہے جس پر اشرافیہ کان دھرنے کو تیار نہیں۔ پاکستان میں تو بین الاقوامی معیار کے مطابق جیل کا نظام نہیں تو پھر اسکینڈے نیویا کے ممالک جیسی جیل اصلاحات اور نظامِ عدل کا خواب تو کبھی شرمندہ تعبیر نہ ہو سکے گا۔ یہاں کے قیدیوں کو اگر ناروے یا آسٹریا کی جیلوں میں جانے کا اتفاق ہو تو وہ برملا کہیں گے کہ ہمیں تو تاحیات یہاں قید ہی رہنے دیں۔ جو وی آئی پی سہولیات انہیں جیل میں میسر آئیں گی اس کا تصور تو وہ آزاد رہ کر بھی نہیں کر پائیں گے۔ فلاحی ریاستوں میں جیلوں کا تصور بہت مختلف ہے، وہ جیلیں کم اور بحالی کے مراکز زیادہ لگتے ہیں۔ ناروے کی ایک جیل Halden Prison جو سویڈن کے بارڈر کے ساتھ واقع ہے کو دنیا میں انسانی حقوق کے عین مطابق اور انتہائی پُر آسائش جیل کا درجہ حاصل ہے۔ اس جیل میں ملزمان کو الگ الگ کمروں میں رکھا جاتا ہے جس میں اٹیچ باتھ روم، ٹی وی اور کھڑکی کی بھی ہوتی ہے۔ اس کے علاہ جیل میں وڈیو روم، جم اور دیگر کئی کی سہولیات قیدیوں کو میسر ہیں۔ اسی طرح آسٹریا میں ایک پُرتعیش جیل بنائی گئی ہے جس کا نام The Justice Center Lroben ہے جو Leoben کے علاقے میں واقع جس میں 205 قیدیوں کی گنجائش ہے۔ اس جیل میں بھی قیدیوں کے اٹیچ باتھ روم کے ساتھ الگ الگ کمرے ہیں، اعلیٰ معیار کی خوراک اور میوزک سسٹم، جم، سپا، واک کے لیے گراؤنڈ اور گیمز کی سہولیات فراہم کی گئی ہیں۔ پاکستان میں ہم معمولی جرائم میں ملوث خواتین اور بچوں کے لیے ایسا قدم لے سکتے ہیں۔ ایک ایسی ماڈل جیل بنائی جائے جہاں اس جیسی نہ سہی کم از کم بنیادی ضروریات زندگی کی سہولیات موجود ہوں اور اس کے ساتھ ساتھ اصلاح بھی کی جائے تا کہ جب وہ رہا ہو کر دوبارہ معاشرے کا حصہ بنیں تو ان کے دل میں اس نظام کے خلاف بغاوت جیسے جذبات نہ ابھریں اور وہ قانون کو ہاتھ میں لینے سے گریز کریں۔ فلاحی ریاست تو نہ جانے ہم کس صدی میں بن پائیں مگر دور حاضر میں اسیری کی زندگی کو اتنا مشکل نہ بنائیں کہ ایسے افراد اسیری کی صعوبتیں کاٹتے کاٹتے ہی آدھ موئے ہو جائیں اور اصلاح کی رمق ہی ختم ہو جائے۔
ذریعہ: Nai Baat
کلیدی لفظ: کی جیلوں میں قیدیوں کی قیدیوں کے کے ساتھ جیل میں رہے ہیں ملک میں کے لیے
پڑھیں:
80 کی دہائی کی مقبول اداکارہ سلمی آغا اب کہاں ہیں؟
80 کی دہائی کی بالی ووڈ کی سب سے مقبول اداکارہ سلمی آغا کی زندگی فلمی کیریئر کی کامیابیوں سے تو بھرپور رہی، لیکن ذاتی زندگی نے انہیں کئی صدمے دیے۔ چار محبتیں، تین شادیاں اور دو طلاقیں برداشت کرنے کے بعد، آج 68 سال کی عمر میں وہ تنہا زندگی گزار رہی ہیں۔
سلمی آغا ان اداکاراوں میں شمار کی جاتی ہیں، جو اچانک آئیں شہرت کی بلندیوں کو چھوا اور پلک جھپکتے اسکرین سے غائب ہوگئیں ان کا فلمی کریئر انتہا ئی مختصررہا ، لیکن انہوں نے اس دور کے شہرت یافتہ ادا کاروں رشی کپور، راج ببر، راجیش کھنہ ، فیروز خان اور متھن چکرورتی کے ساتھ کام کیا ۔
باصلاحیت اداکارہ سے لوگوں کو کافی امیدیں تھیں، لیکن افسوس سلمی آغا نے لوگوں کی امیدوں پر پانی پھیر دیا اور پھر عشق و محبت کے چکر نے ان کے کیریئر کو دھیرے دھیرے ختم کردیا۔
سلمی آغا نے 1982 میں ریلیز ہونے والی فلم ’نکاح‘ سے اپنے اداکاری کے سفر کا آغاز کیا۔ ڈیبیو فلم نکاح کا ’دل کے ارماں آنسووں میں بہہ گئے‘ گانا گاکر راتوں رات اسٹار بن گئی تھیں۔ فلم کے ساتھ ہی ان کا یہ گانا بھی سپرہٹ ہوا تھا۔ اس طرح 17 سال کی عمر میں ہی وہ بالی ووڈ کی اسٹار بن گئی تھیں ۔ انہوں نے ہندی اور پاکستانی دونوں فلموں میں کام کیا، جن میں قسم پیدا کرنے والے کی، بوبی، اونچے لوگ، کوبرا، پھولن دیوی اور پتی پتنی اور طوائف شامل ہیں۔
سلمی بالی ووڈ میں اپنی خوبصورتی اور حسن کے لئے مشہور رہی ہیں ۔ کہا جاتا ہے کہ اپنے ڈیبیو کے وقت ان کی کشش قابل دید تھی اور ان کی خوبصورتی کو دیکھ کرپروڈیوسر انہیں فلموں میں لینے کیلئے بے تاب رہتے تھے ۔
سلمی آغا نے اداکاری کے علاوہ گائیکی کے ذریعے بھی اپنی پہچان بنائی اور کئی فلمی گانوں کے لیے ایوارڈز حاصل کیے۔ ان کی منفرد آواز اور اداکاری نے انہیں ان دنوں کے فینز کے دلوں میں امر کر دیا۔
سلمی آغا کی ذاتی زندگی اتنی ہلچل انگیز رہی جتنی ان کا کیریئر۔ 1980 کی دہائی میں وہ لندن کے بزنس مین ایاز سپرا کے ساتھ تعلق میں تھیں، لیکن شادی نہ ہو سکی۔ ان کی پہلی شادی پاکستان کے مشہور اداکار جاوید شیخ سے ہوئی، جو کچھ سال بعد طلاق پر ختم ہوئی۔ پھر انہوں نے اسکوائش کھلاڑی رحمت خان سے شادی کی، جو 2010 میں ختم ہو گئی۔ آخر میں انہوں نے 2011 میں دبئی کے بزنس مین منظر شاہ سے شادی کی، جس سے ان کی بیٹی پیدا ہوئی۔ تاہم، منظر شاہ دبئی میں رہتے ہیں اور سلمی ممبئی میں اپنی بیٹی کے ساتھ تنہا زندگی گزار رہی ہیں۔
سلمی آغا کا تعلق کراچی، پاکستان سے ہے۔ ان کے والد لیاقت گل تاجک کا قیمتی پتھروں اور اینٹیکس کا کاروبار تھا، جبکہ والدہ نسرین ایک معروف خاندان سے تعلق رکھتی تھیں۔ نسرین کے والد رفیق غزنوی مشہور پشتون موسیقار تھے اور والدہ انواری بائی بیگم 1930 کی دہائی کی مشہور اداکارہ تھیں۔ بعد ازاں نسرین کی شادی جُگال کیشور مہرا سے ہوئی، جو راج کپور کے ماموں تھے، اس طرح سلمی کا تعلق کپور خاندان سے بھی جڑ گیا۔
سلمی آغا اب ممبئی میں رہتی ہیں اور فلموں کی پروڈکشن اور پروڈیوسنگ میں مصروف ہیں، جبکہ ان کی بیٹی زارا بھی بالی ووڈ میں قدم رکھ چکی ہیں۔ 2016 میں انہیں ہندوستانی شہریت ملی۔
سلمی آغا کی زندگی اس بات کی عکاسی کرتی ہے کہ فلمی شہرت اور محبت میں کامیابی کے باوجود، ذاتی زندگی میں انسان کو شدید چیلنجز اور مشکلات کا سامنا کرنا پڑ سکتا ہے۔
Post Views: 5
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ