شفقت چیمہ …خدا تجھے اپنے حفظ وامان میں رکھے
اشاعت کی تاریخ: 3rd, February 2025 GMT
ایک دور تھا جب پاکستان فلم انڈسٹری کا طوطی بولتا تھا پہلے اردو فلموں کا دور آیا جب محمدعلی، وحیدمراد ،درپن ،سنتوش کمار، رنگیلا ، لہری، ندیم ، شاہد ، یوسف خان جبکہ اداکاراؤں میں صبیحہ خانم، شمیم آرائ، فردوس، یاسمین، بابرہ شریف، نیلی، مسرت نذیر اور بہت سے نام جو طویل عرصہ تک چھائے رہے اس کے بعد پنجابی فلموں کا دور آیا تو ہمارے سامنے سلطان راہی، مصطفی قریشی اردو فلموں کے وحید مراد، ندیم ، شان، ننھا، اعجاز درانی جیسے بڑے نام جبکہ اداکاراؤں میں انجمن ، گوری، آسیہ، نیناں، نادرہ، صائمہ، فردوس، رانی یہاں بھی بڑے نام پردہ سکرین پر بڑے عرصہ تک حکمرانی کرتے نظر آئے اردو اور پنجابی فلموں کے دونوں ادوار میں پاکستانی ولن کو جو شہرت ملی شاید ہی کسی اور اداکاروں کا مقدر بنی ہو اگر ذکر کروں مظہر شاہ، اسد بخاری ، ساون، الیاس کاشمیری، ظاہر شاہ، ادیب ، افضال احمد، ہمایوں قریشی ، طالش، اسلم پرویز، نیر اعجاز، علاؤ الدین ، اکمل، محبوب عالم کا یہ ایسے ولن تھے جن کے بغیر فلم بکی نہیں تھی جب فلمی ادوار کی بات چلی ہے تو بہت کچھ کیے اور لکھنے کو دل کرتا ہے۔
گزشتہ دوتین ماہ سے پاکستان کے ایک بہت بڑے اداکار ولن شفقت چیمہ کے بیمار ہونے کے بارے میں بہت سی خبریں گردش میں ہیں برین ہمیرج سے نمونیہ تک کا کہا جارہا ہے جبکہ ان کے خاندانی ذرائع بتارہے ہیں کہ وہ بیمار ضرور ہیں اور ان کیلئے دعا کی اپیل ہے شفقت چیمہ کا شمار پاکستان کے ان نامور اداکاراؤں میں ہوتا ہے جن کا ذکر میں نے کالم کے آغاز میں کیا اگر ان کی زندگی کے پرتوں کو دیکھوں تو وہاں مجھے دو پرت دکھائی دیتے ہیں ایک پرت میں وہ ایک بہت بڑے عالم دین کے فرزند ہونے کے ناتے انہوں نے سب سے پہلے حفظ قرآن کیا پھر وہ بطور قاری اپنے والد کے ساتھ محفلوں میں رونق بنتے رہے لاہوری ہونے کے ناتے جامعہ نعیمیہ سے انہوں نے اسلامی تعلیم مکمل کی اسلامک ویژن ان کا جذبہ ایمان تھا ، ان کا دوسرا پرت بہت حیران کن ہے کہ کہاں عالم دین کے گھرمیں جنم لینے والا ایک بچہ قرآن پاک میں حفظ کرتا ہے بہت اچھا قاری اور نعت خوان بن کر پھر پورآواز میں بڑے ردھم میں جب نعت گوئی کرتا ہے تو محفل نور کو چار چاند لگادیتا ہے اور وہی بچہ اچانک ایک ایسے درپہنچ جاتا ہے جہاں رنگینیاں ہی رنگینیاں، روشنیاں ہی روشنیاں ہیں جہاں فلمی ماحول کے شب وروز میں وہاں اس عالم دین کے حافظ قرآن بچے کا اچانک ذہن بدل جاتا ہے اور فیصلہ کر بیٹھتا ہے کہ وہ فلم انڈسٹری کا حصہ بنے گا پھر شفقت چیمہ سلطان راہی کا لڑپکڑ کر بارہ سال تک مختلف فلموں میں چھوٹے چھوٹے رول ادا کرتے اداکاری کا لیبل لگوا لیتا ہے ایک کہاوت ہے کہ ایک وقت میں روڑی کی بھی سنی جاتی ہے یہ وہ دور تھا جب مصطفی قریشی اور سلطان راہی فلم انڈسٹری میں یوں چھائے ہوتے تھے اور دونوں بھرپور راج کررہے تھے گوان دونوں سے قبل بہت سے بڑے ولن آئے جن کا میں نے اوپر ذکر کیا مگر جو شہرت ان دونوں کو ملی اس کے بارے میں کوئی سوچ بھی نہیں سکتا تھا اس دوران ایک فلم کالکا بنتی ہے جس میں پہلی بار شفقت چیمہ کو سلطان راہی کے مقابلے میں ولن کا کردار ملتا ہے اور سامنے ہے اس دور کی خوبرو اور جٹی اداکارہ انجمن یہ بات ہے 1989ء کی جب کالکا پٹ ہوتی ہے تو شفقت چیمہ کی قسمت بھی جاگ جاتی ہے اور پھر وہ رکا نہیں اسی دوران ایک سانحہ ہو جاتا ہے وہ تھا سلطان راہی کا قتل اس قتل سے پہلے کالکا کا ولن اپنی جگہ بنا چکا تھا۔ جیسے ہی سلطان راہی کی جگہ بنتی ہے تو شفقت چیمہ کو کئی فلمیں مل جاتی ہیں ان میں گارڈ فادر، غنڈہ راج، منڈا بگڑاجائے، چوڑیاں، مجاجن، بول ،رانگ نمبر، مولا جٹ جو پاکستان کی سب سے بڑی فلم تھی اس میں راہی کے ساتھ شفقت چیمہ کو بھی بڑا رول ملا تھا سلطان راہی کی مصطفی قریشی کے ساتھ جوڑی ٹوٹ گئی اس کے ساتھ ہی مصطفی قریشی کا زوال شروع ہوگیا ادھر شفقت کے ساتھ شان اور معمر رانا کی جوڑی بنتی گئی اور پھر ایک وقت میں یہ بھی آیا جب فلم کے نقادوں نے شفقت چیمہ کو سلطان راہی کا متبادل قراردے دیا۔
بڑی تیزی کے ساتھ وہ اٹھا اور سب کو نگلتا پاکستان کی فلم انڈسٹری کا سپرسٹار بن چکا تھا اس کی ہیروینوں میں انجمن ، نادرہ اور سب سے زیادہ کام صائمہ نے کیا بطور ہیرو شان اور شفقت رانا کی جوڑی نے سلطان راہی اور مصطفی قریشی کے دور کی یادتازہ کردی اس دوران پاکستان کی فلم انڈسٹری زوال پذیر ہوتے ہوتے بندشوں کی طرف چلی گئی ۔ میں بات کررہا تھا شفقت چیمہ کے دوپرتوں کی جس میں اس کی شخصیت کے ایک نہیں کئی پہلو سامنے آئے ایک حافظ قرآن اور دوسرا اس کی فلم انڈسٹری میں بطور ولن اتنے بڑے کام کرجانا کہ بھارت کی فلم نگری والوں نے اس کو پاکستانی امریش پوری کا خطاب دے ڈالا وہ تین عشروں کاولن رہا اور اس نے اپنے قد کے مطابق فلم انڈسٹری کو جو قددیا اس کی مثال شاید ہی کسی اور اداکار کے نام کے حوالے سے دی جائے گی۔
اور آخری بات …
خداتعالیٰ دوپرتوںکے کھلاڑی شفقت چیمہ کی عمردراز کرے وہ کل بھی ہیرو تھاآج بھی ہیرو ہے اور کل بھی اس ہیرو کا ہے اس ہیرو کیلئے پوری قوم سے دعا کی اپیل ہے ۔
ذریعہ: Nai Baat
کلیدی لفظ: شفقت چیمہ کو فلم انڈسٹری مصطفی قریشی سلطان راہی کے ساتھ ہے اور کی فلم
پڑھیں:
میٹا نے ڈسپلے سے لیس اپنے اولین اے آئی اسمارٹ گلاسز متعارف کرا دیے
میٹا کی جانب سے طویل عرصے سے اسمارٹ فونز کے متبادل کے لیے اگیومینٹڈ رئیلٹی (اے آر) ٹیکنالوجی پر مبنی اسمارٹ گلاسز کی تیاری پر کام کیا جا رہا ہے۔
اب اس حوالے سے کمپنی نے اہم پیشرفت کی ہے اور آرٹی فیشل انٹیلی جنس (اے آئی) ٹیکنالوجی سے لیس پہلے اسمارٹ گلاسز کو متعارف کرایا ہے۔
میٹا کے چیف ایگزیکٹو مارک زکربرگ نے ایک ایونٹ کے دوران میٹا رے بین ڈسپلے نامی ڈیوائس کو پیش کیا۔
انہوں نے کہا کہ یہ اولین اسمارٹ گلاسز ہے جو ایک ڈسپلے سے لیس ہے۔
اس ڈسپلے کو ہاتھوں کے اشاروں سے کنٹرول کیا جاسکے گا اور اس حوالے سے نیورو ٹیکنالوجی سے لیس بریسلیٹ کا استعمال کیا جائے گا۔
میٹا کا نیورل بینڈ بریسلیٹ الیکٹرومائیو گرافی پر کام کرتا ہے اور وہ میٹا رے بین ڈسپلے کا حصہ ہے۔
مارک زکربرگ نے بتایا کہ یہ گلاسز دیکھنے میں عام نظر آتے ہیں، مگر یہ اپنی طرز کے اولین گلاسز ہیں جن میں ایک ہائی ریزولوشن ڈسپلے موجود ہے اور اسے میٹا نیورل بینڈ سے استعمال کیا جاسکتا ہے۔
اس ڈیوائس میں صارفین اسکرین پر ویڈیوز کو دیکھ سکتے ہیں یا ٹیکسٹ میسجز کو دیکھ کر ان کا جواب دے سکتے ہیں۔
اسکرین باہری دنیا کے نظارے میں رکاوٹ نہیں ڈالے گی اور جب استعمال نہیں کیا جا رہا ہوگا تو غائب ہو جائے گی۔
میٹا کے نئے اسمارٹ گلاسز کی قیمت 799 ڈالرز رکھی گئی ہے اور اسے ستمبر کے آخر میں فروخت کے لیے پیش کیا جائے گا۔
اس کے ساتھ ساتھ میٹا کی جانب سے 2 دیگر اسمارٹ گلاسز بھی متعارف کرائے گئے۔
ان میں سے ایک اوکلے میٹا وان گارڈ ہے جسے سنو بورڈنگ یا ماؤنٹین بائیکنگ جیسے کھیلوں کا حصہ بننے والے ایتھلیٹس کے لیے ڈیزائن کیا گیا ہے۔
کمپنی کے مطابق یہ ڈیوائس ری چارج کیے بغیر 9 گھنٹوں تک کام کرسکے گی، 3K ویڈیوز ریکارڈ کرسکے گی اور اس میں لاؤڈ اسپیکرز بھی موجود ہیں۔
اس کی قیمت 499 ڈالرز رکھی گئی ہے۔
تیسری ڈیوائس میٹا کے پہلے رے بین میٹا اسمارٹ گلاسز کا اپ ڈیٹڈ ورژن ہے جس کی قیمت 379 ڈالرز رکھی گئی ہے۔
واضح رہے کہ کہ جولائی 2024 میں مارک زکربرگ نے ایک کانفرنس سے خطاب کے دوران کہا تھا کہ ہر فرد کی آنکھوں پر اے آئی ٹیکنالوجی سے لیس اسمارٹ گلاسز ہوں گے۔
انہوں نے دعویٰ کیا کہ اسمارٹ گلاسز کا استعمال ایک نیا ٹرینڈ بن جائے گا۔
مارک زکربرگ نے بتایا کہ ہمارے خیال میں مستقبل میں مختلف قیمتوں اور مختلف ٹیکنالوجیز سے لیس اسمارٹ گلاسز تیار ہوں گے۔
ان کا کہنا تھا کہ ‘میرے خیال میں اے آئی گلاسز کم قیمت میں دستیاب ہوں گے اور کروڑوں یا اربوں افراد انہیں استعمال کریں گے’۔
خیال رہے کہ میٹا کی جانب سے 2021 میں اپنے اولین اسمارٹ گلاسز Ray Bans نامی کمپنی کے اشتراک سے تیار کیا ہے۔
2024 کے شروع میں کمپنی کی جانب سے اے آئی ٹیکنالوجی کو اسمارٹ گلاسز کا حصہ بنانے کا اعلان بھی کیا گیا تھا۔
مارک زکربرگ ایسے اسمارٹ گلاسز تیار کرنا چاہتے ہیں جو ہولوگرافک ڈسپلے کو ان ایبل کرسکیں۔
ان گلاسز میں کیمرا سنسرز بھی ہوں گے تاکہ لوگ تصاویر ریکارڈ کرسکیں، انسٹا گرام پر لائیو اسٹریم کرسکیں یا واٹس ایپ پر ویڈیو کالز کرسکیں۔
Post Views: 5
’’ڈرو اُس دن سے جب اوپر والے کی پکڑ ہوگی‘‘بینک کے قرض کیس میں عدالت کے ریمارکس