جماعت اسلامی کا ملک گیر یومِ یکجہتی کشمیر منانے کا اعلان
اشاعت کی تاریخ: 4th, February 2025 GMT
لاہور: جماعت اسلامی پاکستان کے امیر حافظ نعیم الرحمن کاکہنا ہے کہ 5 فروری کو ملک بھر میں یومِ یکجہتی کشمیر بھرپور جوش و خروش سے منایا جائے گا، جہاں نہ صرف کشمیری عوام کے حق میں آواز بلند کریں گے بلکہ ملک میں جاری مہنگی بجلی اور معاشی بحران کے خلاف جماعت اسلامی کی احتجاجی تحریک کے آئندہ لائحہ عمل کا بھی اعلان کریں گے۔
حافظ نعیم الرحمن نے کہا کہ پاکستان کے عوام آزادی کشمیر کی صبح تک کشمیری بھائیوں کے ساتھ کھڑے ہیں اور ان کی جدوجہد میں ہر ممکن حمایت جاری رکھیں گے، کشمیر کا معاملہ صرف جہاد کے ذریعے ہی حل ہوسکتا ہے۔
“کشمیر پاکستان کی شہ رگ، آزادی کے بغیر تحریکِ پاکستان نامکمل”
امیر جماعت اسلامی نے کہا کہ کشمیر پاکستان کی نظریاتی، جغرافیائی اور معاشی شہ رگ ہے اور اس کی آزادی کے بغیر تحریکِ پاکستان کی تکمیل ممکن نہیں، بھارت کی ظالمانہ پالیسیوں، مقبوضہ کشمیر میں انسانی حقوق کی خلاف ورزیوں اور مظلوم کشمیریوں پر ڈھائے جانے والے مظالم کے خلاف عالمی برادری کو عملی اقدامات کرنے چاہئیں۔
کشمیریوں کے حق میں عالمی سطح پر مضبوط آواز اٹھانے کا مطالبہ
حافظ نعیم الرحمن نے کہا کہ جماعت اسلامی نہ صرف ملکی سطح پر بلکہ عالمی سطح پر بھی کشمیری عوام کے حقوق کے لیے جدوجہد کر رہی ہے، حکومتِ پاکستان بین الاقوامی سطح پر کشمیر کے مسئلے کو مزید مؤثر انداز میں اجاگر کرے اور او آئی سی، اقوامِ متحدہ اور انسانی حقوق کے عالمی اداروں کو بھارت کے ظلم و جبر کے خلاف متحرک کرنے میں اپنا کردار ادا کرے۔
مہنگی بجلی اور عوامی مسائل پر بھی تحریک کا عندیہ
انہوں نے مزید کہاکہ یومِ یکجہتی کشمیر کے موقع پر مہنگی بجلی، بے روزگاری، مہنگائی اور بدعنوانی کے خلاف بھی جماعت اسلامی کی احتجاجی حکمتِ عملی پیش کرینگے، عوام نہ صرف کشمیریوں کی آزادی کے لیے اپنی جدوجہد جاری رکھیں بلکہ ملک میں جاری مہنگائی، کرپشن اور ظالمانہ معاشی پالیسیوں کے خلاف بھی جماعت اسلامی کے شانہ بشانہ کھڑے ہوں۔
.ذریعہ: Jasarat News
کلیدی لفظ: جماعت اسلامی کے خلاف
پڑھیں:
میاں اظہر مرحوم وضع داری کی سیاست کرتے تھے: حافظ نعیم الرحمٰن
امیر جماعت اسلامی حافظ نعیم الرحمٰن — فائل فوٹوامیر جماعت اسلامی حافظ نعیم الرحمٰن کا کہنا ہے کہ میاں اظہر مرحوم وضع داری کی سیاست کرتے تھے۔
حافظ نعیم الرحمٰن نے میاں اظہر مرحوم کی رہائشگاہ پر ان کے بیٹے حماد اظہر سے ملاقات کی۔
اُنہوں نے دورانِ ملاقات حماد اظہر سے ان کے والد میاں اظہر کی وفات پر تعزیت کی اور مغفرت کے لیے دعائے فاتحہ کی۔
سابق گورنر پنجاب اور پاکستان تحریک انصاف (پی ٹی آئی) کے رہنما حماد اظہر کے والد میاں اظہر انتقال کرگئے۔
امیر جماعتِ اسلامی نے میڈیا سے گفتگو کرتے ہوئے کہا کہ میاں اظہر مرحوم ہمارے بزرگ تھے، جماعت اسلامی سے میاں اظہر مرحوم کا بہت پرانا تعلق تھا۔
اُنہوں نے کہا کہ میاں اظہر مرحوم کا قاضی حسین احمد صاحب سے بھی ذاتی تعلق تھا۔
حافظ نعیم الرحمٰن کا کہنا تھا کہ ملکی سیاست میں گریٹر ڈائیلاگ کی ضرورت ہے، چیزیں طے کرنا پڑیں گی، آئین و قانون کو سامنے رکھنا پڑے گا۔
اُنہوں نے کہا کہ سب کو آئین کے فریم ورک میں رہ کرکام کرنا ہوگا، بیٹھ کر طے کرنا ہوگا ملک نے ایسے ہی چلنا ہے یا بہتری کی طرف جانا ہے۔
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ