جماعت اسلامی اور پی پی کراچی کیلیے ملکر کام کرینگے، مرتضیٰ وہاب
اشاعت کی تاریخ: 4th, February 2025 GMT
کراچی (اسٹاف رپورٹر) میئر کراچی بیرسٹر مرتضیٰ وہاب نے کہا ہے کہ پیپلز پارٹی اور جماعت اسلامی مشترکہ اعلان کرتے ہیں کراچی کی ترقی کے لیے مل کر کام کریں گے، وفاق کے ساتھ ہمیں بہت سے مسائل کا سامنا ہے، حافظ نعیم الرحمان شہر کی توانا آواز ہیں تو بلاول موثر آواز کے حامل ہیں، دونوں مل کر آواز اٹھائیں گے تو وفاقی حکومت کو ہماری بات سننی پڑے گی۔ یہ بات انہوں نے منگل کے روز جناح ٹاؤن میں جگر مراد آبادی روڈ کا افتتاح کرنے کے بعد میڈیا کے نمائندوں سے گفتگو کرتے ہوئے کہی۔ انہوں نے کہا کہ کراچی کی ترقی کیلیے سیاسی اختلافات کو پس پشت ڈالتے ہوئے مل کر کام کرنا ہوگا، ہر سیاسی جماعت کا ہدف عوام کی خدمت ہونا چاہیے اور ہم اس سوچ کو عملی جامہ پہنا رہے ہیں، اختیارات کا رونا رونے والوں نے شہر کو بہت نقصان پہنچایا ہے، بلدیہ عظمیٰ کراچی شہر کی بہتری کیلیے خود پہلا قدم بڑھائے گی، ہمارے کارکنان اور جماعت اسلامی کے کارکنان نے مل کر پہل کی ہے، اتحاد بین الکراچی کی مثال قائم کی جارہی ہے۔ میئر کراچی نے کہا کہ کراچی کی تعمیر و ترقی کیلیے یہ اچھی سوچ ہے کہ جماعت اسلامی اور پیپلزپارٹی کے دوست اور تنظیمی عہدیدار اپنے سیاسی اختلافات کو ایک طرف رکھ کر یہاں موجود ہیں۔ ہم نے کل دعوت ملنے کے بعد یہ فیصلہ کیا تھا کہ ہم چیئرمین جناح ٹاؤن رضوان عبدالسمیع صاحب کے مہمان بنیں گے، انہوں نے کہا کہ امیر جماعت اسلامی حافظ نعیم الرحمان فلسطین کے مسئلے پر چیئرمین بلاول زرداری سے بات کرنے آئے تھے، کراچی میں گیس اور بجلی کے شدید مسائل ہیں جن پر وفاقی حکومت کو سنجیدگی سے غور کرنا ہوگا، ہم آج یہ مشترکہ پیغام دینا چاہتے ہیں کہ کراچی کی تعمیر و ترقی کیلیے مل کر چلیں گے، ہمارے نظریاتی اختلافات ہوسکتے ہیں، ہر سیاسی جماعت کا اپنا منشور ہے۔ آج یہاں بلدیہ عظمیٰ کراچی اور جناح ٹاؤن ساتھ بیٹھے ہیں، ہم نے طے کیا ہے کہ شہر میں کسی بھی جگہ تجاوزات قائم نہیں ہونے دیں گے۔ شہر کے مسائل کے حل کیلیے ہر سیاسی جماعت کو ساتھ لے کر چلیں گے، میئر کراچی نے کہا کہ بلدیہ عظمیٰ کراچی کے انتظامی اور مالی معاملات کو شفاف بنایا جا رہا ہے جس کے تحت ایک جدید اور موثر سیپ سسٹم تشکیل دیا ہے اور درست ڈیجیٹل طریقہ کار اپنا کر ادارے نے جعلی بھرتیاں روکی ہیں، اس کے علاوہ بھی مزید اقدامات عمل میں لائے جا رہے ہیں تاکہ شہریوں کو بلدیاتی خدمات کی ادائیگی کا عمل موثر بنایا جاسکے۔ اس موقع پر ڈپٹی میئر کراچی سلمان عبداللہ مراد، جناح ٹاؤن کے چیئرمین رضوان عبدالسمیع، سٹی کونسل کے رکن جمن دروان اور دیگر بھی موجود تھے۔
.ذریعہ: Jasarat News
کلیدی لفظ: جماعت اسلامی میئر کراچی جناح ٹاو ن نے کہا کہ کراچی کی
پڑھیں:
پی پی نے کراچی کی نوکریوں پر قبضہ کر رکھا ، شہر کو لوٹ مار سے آزاد کرائیں گے، حافظ نعیم
پی پی نے کراچی کی نوکریوں پر قبضہ کر رکھا ، شہر کو لوٹ مار سے آزاد کرائیں گے، حافظ نعیم WhatsAppFacebookTwitter 0 2 November, 2025 سب نیوز
کراچی (سب نیوز)امیر جماعت اسلامی پاکستان حافظ نعیم الرحمان کا کہنا ہے شہر میں سڑکیں بنی ہوئی نہیں ہیں لیکن شہریوں کو ہزاروں کے ای چالان آ رہے ہیں، ہم لوٹ مار اور قبضے کے نظام سے شہر کو آزادی دلائیں گے۔ایک تقریب سے خطاب میں حافظ نعیم الرحمان کا کہنا تھا کراچی میں جماعت اسلامی کے منتخب اراکین اپنی بساط سے زیادہ کام کر رہے ہیں اور کریں گے، ایک مرتبہ پھر 9 ٹاونز میں ترقیاتی کاموں کا سلسلہ دوبارہ شروع ہو گیا ہے۔ان کا کہنا تھا مرتضی وہاب کے کام بھی ان کو دیکھنے پڑتے ہیں، ایس تھری منصوبہ کہاں چلا گیا، شہر میں ٹرانسپورٹ ہے نہیں، سڑکیں بنی نہیں ہیں اور ای چالان ہزاروں میں آرہا ہے، کراچی سرکلر ریلوے نہیں بن رہا ہے، ریڈ لائن نے یونیورسٹی روڈ کا برا حال کر رکھا ہے، اورنج لائن میں بھی پورے اورنگی کو کور نہیں کیا گیا۔
حافظ نعیم الرحمان کا کہنا تھا کراچی میں قبضے کی سیاست جاری ہے، گاوں اور دیہات پر قبضے کے بعد شہروں پر قبضہ کر لیا گیا ہے، لاہور میں جو چالان 200 روپے کا ہے سندھ میں 5 ہزار روپے کا ہے، یہ کیا ڈرامہ ہے سڑکیں ٹھیک نہیں اور مہنگے ای چالان کیے جارہے ہیں، ہم لوٹ مار اور قبضے کے نظام سے کراچی شہر کو آزادی دلائیں گے۔انہوں نے کہا کہ بلدیاتی انتخابات میں پیپلزپارٹی کی سیٹوں میں من پسند حلقہ بندیوں کی وجہ اضافہ ہوا، پیپلز پارٹی نے دھاندلی کرکے اپنا میئر بنایا، بلدیاتی انتخابات جیت کر لوگ کہتے تھے اختیارات ملیں گے نہیں تو کام کیسے کریں گے، ابھی تک پیپلزپارٹی نے ٹاون کو اختیارات منتقل نہیں کیے۔امیر جماعت اسلامی کا کہنا تھا کچرا اٹھانے کے اختیارات بھی سندھ حکومت کے پاس ہے، گھر سے جو کچرا اٹھایا جاتا ہے اس کے پیسے لوگ خود ادا کرتے ہیں، سالڈ ویسٹ منیجمنٹ کے پاس گھر سے کچرا اٹھا کر لینڈ فیلڈ سائٹ تک پہنچانے کا پورا میکنزم موجود ہے۔انہوں نے کہا کہ ٹاونز کو کام کرنے سے روکا جا رہا ہے، سٹی وارڈنز کو استعمال کرکے کام میں روڑے اٹکائے جا رہے ہیں، جماعت اسلامی اپنے ٹاون میں اختیارات سے بڑھ کر کام کر رہی ہے، جماعت اسلامی کے تحت تعمیر و ترقی کا سلسلہ شروع ہوگیا ہے، نارتھ ناظم آباد میں کچھ بلاک کے لوگ شکایت کر رہے ہیں، ٹان چیئرمین وہاں پر بھی کام کریں، شہر کی اونر شپ لیں۔
ان کا کہنا تھا 12 سے 15 سال سے کراچی کے بڑے منصوبے تاخیر کا شکار ہیں، 15 سالوں میں پیپلز پارٹی نے کراچی کے لیے کچھ نہیں کیا، سیوریج کا نظام بھی ٹان کو دیکھنا پڑ رہا ہے۔امیر جماعت اسلامی کا کہنا تھا پیپلز پارٹی نے کراچی کی نوکریوں پر قبضہ کر لیا ہے، کراچی کے نوجوانوں کو روزگار سے دور کر دیا گیا۔حافظ نعیم الرحمان کا کہنا تھا تعلیم خیرات نہیں یہ ہمارے بچوں کا حق ہے، جنریشن زی دنیا میں انقلاب لا رہی ہے، اسی جنریشن زی کو مایوس کیا جا رہا ہے، جنریشن زی اگر مایوس ہوگئی تو پھر غلط راہ پر لگے گی، جماعت اسلامی بنو قابل پروگرام کے ذریعے جنریشن زی کو باصلاحیت بنا رہی ہے۔انہوں نے کہا حکومت سے کہنا چاہتا ہوں ہمیں کام کرنے دو، قبضہ کی سیاست اور کرپشن بند کرو، جماعت اسلامی تیاری کر رہی ہے اگر لوگ ہمارے ساتھ نکلے تو آپ کو جانا ہو گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمریم نواز سے ساہیوال ڈویژن کے ارکان اسمبلی اور پارٹی ٹکٹ ہولڈرز کی ملاقات مریم نواز سے ساہیوال ڈویژن کے ارکان اسمبلی اور پارٹی ٹکٹ ہولڈرز کی ملاقات پاکستان سے اب تک 8لاکھ 28 ہزار سے زائد افغان مہاجرین وطن واپس چلے گئے حق سچ کی آواز اٹھانے والے صحافیوں پر ظلم و تشدد بند ہونا چاہیے، مریم نواز پاکستان سے امریکا کیلئے براہ راست پروازوں کی بحالی کے سلسلے میں بڑی پیشرفت سفیر پاکستان رضوان سعید شیخ کا پاک امریکا معاشی تعلقات مضبوط بنانے پر زور پی ٹی آئی کا پنجاب لوکل گورنمنٹ بل 2025کورٹ میں چیلنج کرنے کا فیصلہCopyright © 2025, All Rights Reserved
رابطہ کریں ہماری ٹیم
برطانیہ خلیجی ممالک کے ساتھ ترقی کے لیے مزید آگے بڑھے گا، چانسلر ریچل ریوز