حکومت معاشی صورتحال بہتر بنانے کیلئے دن رات کوشاں: نوازشریف
اشاعت کی تاریخ: 5th, February 2025 GMT
راولپنڈی (اپنے سٹاف رپورٹر سے) ایم پی اے، پارلیمانی سیکرٹری ایمرجنسی سروسز ضیاء اللہ شاہ نے صدر مسلم لیگ (ن) محمد نواز شریف سے ملاقات کی۔ ملکی سیاسی صورتحال اور دیگر امور پر تبادلہ خیال کیا گیا۔ ضیاء اللہ شاہ نے وزیراعظم محمد شہباز شریف اور وزیراعلی پنجاب مریم نواز شریف کی ایک سالہ کارکردگی کو سراہتے ہوئے ملک کی معاشی، اقتصادی صورتحال کو بہتر بنانے بالخصوص مہنگائی میں کمی پر مبارکباد دی۔ نواز شریف نے کہا کہ موجودہ حکومت ملک میں معاشی، اقتصادی صورتحال کو بہتر بنانے کے لیے دن رات کوشاں ہیں۔ مسلم لیگ (ن) کے ایم پی اے نے میاں محمد نواز شریف کو (ن) لیگ کے دور حکومت میں راولپنڈی کی تعمیر و ترقی اور میگا پروجیکٹس مکمل کرنے پر مبارک باد دی اور کہا کہ راولپنڈی کل بھی مسلم لیگ (ن) کا قلعہ تھا اور آج بھی مسلم لیگ (ن) کا قلعہ ہے۔ ضیاء اللہ شاہ نے نواز شریف کو سجان سنگھ کی بلڈنگ کو قومی ورثہ قرار دینے، بلڈنگ کی تزئین و آرائش، راولپنڈی کے الائیڈ ہسپتالوں میں ادویات کی فراہمی بالخصوص زچہ بچہ سنٹر، ٹی بی ہسپتال کی تعمیر مکمل کرکے عوام کو صحت کی سہولیات کی فوری فراہمی کی درخواست کی۔ نواز شریف نے تمام مطالبات منظور کرتے ہوئے وزیر اعلی پنجاب کو فوری عملدرآمد کی ہدایات جاری کیں۔
.ذریعہ: Nawaiwaqt
پڑھیں:
وزیراعظم شہباز شریف عرب اسلامی ممالک کے سربراہی اجلاس میں شرکت کیلئے دوحہ روانہ
وزیراعظم شہباز شریف عرب-اسلامی ممالک کے سربراہی اجلاس میں شرکت کے لیے ایک روزہ سرکاری دورے پر قطر کے دارالحکومت دوحہ روانہ ہوگئے۔
وزیر اعظم محمد شہباز شریف آج 15 ستمبر 2025 کو دوحہ میں منعقد ہونے والی ہنگامی عرب اسلامی سربراہی کانفرنس میں شرکت کریں گے، یہ سربراہی اجلاس دوحہ پر اسرائیل کے فضائی حملوں اور فلسطین میں انسانی حقوق کی پامالی کی مسلسل بگڑتی ہوئی صورتحال کے تناظر میں بلایا گیا ہے۔
نائب وزیراعظم و وزیر خارجہ محمد اسحٰق ڈار، وزیر دفاع خواجہ محمد آصف، وفاقی وزیر اطلاعات و نشریات عطا اللہ تارڑ اور معاون خصوصی سید طارق فاطمی وزیراعظم کے ساتھ اعلیٰ سطح کے وفد میں شامل ہیں۔
وزیراعظم محمد شہباز شریف کا دورہ قطر
وزیراعظم محمد شہباز شریف ایک روزہ سرکاری دورے پر قطر کے دارالحکومت دوحہ روانہ
وزیر اعظم محمد شہباز شریف 15 ستمبر 2025 کو دوحہ میں منعقد ہونے والی ہنگامی عرب اسلامی سربراہی کانفرنس میں شرکت کریں گے
یہ سربراہی اجلاس دوحہ پر اسرائیل کے فضائی… pic.twitter.com/Fbl1Nncjnd
— PTV News (@PTVNewsOfficial) September 15, 2025
سربراہی اجلاس میں او آئی سی کے رکن ممالک کے سربراہان اور اعلیٰ حکام کی شرکت متوقع ہے۔
پاکستان قطر کے ساتھ اپنے تعلقات کو انتہائی اہمیت دیتا ہے اور قطر اور دیگر علاقائی ریاستوں کے خلاف اسرائیلی جارحیت کی شدید مذمت کرتا ہے۔
قطر کے ساتھ اظہار یکجہتی اور علاقائی اتحاد کے لیے وزیر اعظم محمد شہباز شریف نے 11 ستمبر 2025 کو دوحہ کا دورہ کیا تھا، اور قطر کی سلامتی اور خودمختاری کے لیے پاکستان کی غیر متزلزل حمایت اور مشرق وسطیٰ میں امن و استحکام کے لیے اس کے عزم کا اظہار کرنے کے لیے قطری قیادت سے ملاقات کی تھی۔
15 ستمبر کو دوحہ میں منعقد ہونے والے ہنگامی اجلاس میں وزیراعظم پاکستان اور دیگر مسلمان ممالک کے سربراہان کی شرکت امت مسلمہ میں مضبوط اتحاد اور علاقائی امن قائم کرنے کے غیر متزلزل عزم کا مظہر ہے۔
Post Views: 6
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام