گوادر ، ائرپورٹ پر ہنگامی صورت حال پر قابو پانے کےلیے مشق
اشاعت کی تاریخ: 7th, February 2025 GMT
گوادر (آن لائن) گوادر کے نئے انٹرنیشنل ایئرپورٹ پر ہنگامی صورت حال پر قابو پانے کے لیے ریسکیو کے مختلف ٹیموں کا مشق کرایا گیا۔ پاکستان ایئرپورٹس اتھارٹی (پی اے اے )کی قیادت میں مشق کا انعقاد کیا گیا جس میں مختلف ٹیموں نے حصہ لیا، پی اے
اے حکام کے مطابق گوادر کے نئے انٹرنیشنل ایئرپورٹ پر پہلی ہنگامی انخلا کی مشق کامیابی سے مکمل کر لی گئی ہے ۔ جو ایئرپورٹ کی سیکورٹی اور حفاظتی اقدامات کو مضبوط بنانے کی سمت ایک اہم پیش رفت ہے۔ حکام کے مطابق اس مشق کی قیادت پاکستان ایئرپورٹس اتھارٹی نے کی جس میں اہم ہوا بازی کے اداروں نے بھی حصہ لیا۔پاکستان ایئرپورٹس اتھارٹی کے کے حکام کے مطابق اس مشترکہ مشق کا مقصد گوادر انٹرنیشنل ایئرپورٹ پر ہنگامی ردعمل کے طریقہ کار کا جائزہ لینا تھا اور ان میں بہتری لانا تھا۔ مشق ڈیپارچر لانج میں منعقد کی گئی تھی اور چیف فائر اینڈ ریسکیو آفیسر نے اس کی نگرانی کی اور انھوں نے ہنگامی حالات سے نمٹنے کے پروٹوکول پر اہلکاروں کو تفصیلی بریفنگ بھی دی۔پاکستان ایئرپورٹس اتھارٹی، ایئرپورٹ سیکورٹی فورس، ایئرلائنز اور گرانڈ ہینڈلنگ ایجنسیوں کے نمائندوں نے بھی اس مشق میں حصہ لیا۔ شرکا نے ہنگامی انخلا کے طریقہ کار، مﺅثر مواصلاتی حکمت عملی اور مختلف ٹیموں کے درمیان مربوط کاروائی کی مشق کی تاکہ کسی بھی ممکنہ ہنگامی صورت حال میں فوری اور منظم ردعمل کو یقینی بنایا جا سکے۔
ذریعہ: Jasarat News
پڑھیں:
اے ایس ایف کا کامیاب آپریشن، 1.5 کلو منشیات ضبط
ایئرپورٹس سیکیورٹی فورس نے پشاور اور ملتان انٹرنیشنل ایئرپورٹس پر کارروائیوں کے دوران 1.5 کلو سے زائد منشیات برآمد کی ہے۔ تفصیلات کے مطابق اے ایس ایف اہلکاروں نے مسافروں کے سامان کی کمال مہارت سے تلاشی کے دوران منشیات برآمد کیں۔ ترجمان ایئرپورٹس سیکیورٹی نے بتایا کہ پشاور ایئرپورٹ پر ایک مسافر کے جوتوں کے اندر سے خفیہ طور پر چھپائی گئی 823 گرام چرس برآمد کی گئی جبکہ ملتان ایئرپورٹ پر ایک اور مسافر کے سامان سے 926 گرام آئس ہیروئن برآمد کی جو کے بیگ کے اندر بڑی ہوشیاری سے چھپائی گئی تھی۔ دونوں مسافر بیرون ملک، بالترتیب دبئی اور شارجہ، روانہ ہو رہے تھے۔ یہ کامیابیاں اے ایس ایف کے تربیت یافتہ اہلکاروں کی مسلسل نگرانی، مشکوک مسافروں کی پروفائلنگ، سامان کی ماہرانہ تلاشی اور سٹاف کی شاندار تفتیشی تکنیکوں کا نتیجہ ہیں۔ اے ایس ایف قومی مفاد، بین الاقوامی ساکھ اور مسافروں کے اعتماد کے تحفظ کے لیے کسی بھی ممکنہ خطرے اور غیر قانونی سرگرمی کے خلاف فیصلہ کن اقدام سے دریغ نہیں کرے گی۔ گرفتار ملزمان کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اینٹی نارکوٹکس فورس کے حوالے کر دیا گیا ہے.
پاکستان میں آئندہ حج سستا ہونے کا امکان