کیا محبت میں ناکام امریکی خاتون وطن واپسی پر آمادہ ہو گئیں؟
اشاعت کی تاریخ: 7th, February 2025 GMT
پاکستانی نوجوان سے شادی کرنے کی غرض سے کراچی پہنچ جانے والی امریکی خاتون ان دنوں جناح اسپتال کے اسپیشل وارڈ میں رکھا گیا گیا ہے جہاں انہیں درکار طبی سہولیات کی فراہمی کے علاوہ ان کی سیکیورٹی کے بھی سخت انتظامات کیے گئے ہیں۔
یہ بھی پڑھیں: ’امریکی خاتون آنے کے بعد چھیپا صاحب کی انگریزی بہتر ہوگئی‘، ڈونلڈ ٹرمپ کو مبارکباد کی ویڈیو وائرل
ذرائع کے مطابق امریکی خاتون اونیجا اینڈریو رابنس کو امریکی قونصل خانے نے وطن واپسی کے لیے آمادہ کر لیا ہے اور امریکی قونصل خانے کی طرف سے خاتون کی ریٹرن ٹکٹ کا انتظام کیا جا رہا ہے تا کہ وہ اپنے ویزے کی مدت ختم ہونے سے پہلے امریکا روانہ ہو سکیں۔
جناح اسپتال کے ترجمان جہانگیر درانی کے مطابق جناح اسپتال کے میڈیکل بورڈ کے سربراہ پروفیسر چنی لال نے امریکی قونصل خانے کے عملے کو ایک گھنٹے تک مریضہ سے متعلق بریفنگ دی ہے۔
مزید پڑھیے: پاکستانی نوجوان کی محبت میں مبتلا امریکی خاتون اچانک کہاں غائب ہو گئی؟
ترجمان کا کہنا ہے کہ ڈاکٹر نے امریکی قونصلیٹ کے عملے کو بتایا کہ مریضہ کی طبیعت پہلے سے اب کافی بہتر ہے جس وقت انہیں اسپتال لایا گیا تھا اس وقت ان کا ہیموگلوبن صرف 4 تھا تاہم خون کے 3 پیک لگانے کے بعد ہیمو گلوبن 9 ہوگیا ہے جب کہ نفسیاتی مرض بائی پولر ڈس آرڈر کو کنٹرول کرنے کے حوالے سے ان کی حرکات اور سکنات کو مسلسل مانیٹر کیا جا رہا ہے اور ادویات بھی دی جارہی ہیں۔
اسپتال کے ترجمان کے مطابق امریکی قونصلیٹ کے عملے کو مریضہ کو اب تک دی جانے والی ادویات اور ٹیسٹوں کے حوالے سے تفصیلی بریفنگ دی گئی۔
ترجمان نے کہا کہ مریضہ کے دیگر طبی مسائل پر بھی کسی حد تک بہتری آئی ہے اور انہیں میڈیکل بورڈ کی فٹنس کے بعد 11 فروری سے پہلے اسپتال سے ڈسچارج کردیا جائے گا کیوں کہ ان کا 15 دن کا ایگزٹ پرمٹ 11 فروری کو ختم ہو جائے گا۔
ایف آئی اے حکام کے مطابق امریکی خاتون ایگزٹ پرمٹ ایکسپائری تک واپس نہیں گئیں تو 11 فروری کے بعد انہیں پاکستان میں زائد المیعاد قیام کی کارروائی کا سامنا کرنا پڑے گا جس کے تحت خاتون کوفارن ایکٹ کے تحت مقدمہ کا سامنا کرنا ہوگا اور انہیں گرفتار کرکے عدالتی کارروائی کا سامنا کرنا ہوگا جس کے بعد انہیں ڈی پورٹ کیا جائے گا۔
مزید پڑھیں: پاکستان نوجوان کی محبت میں گرفتار امریکی خاتون وطن واپس جانے پر رضامند
امریکی خاتون 11 اکتوبر 2024 کو کراچی پہنچی تھیں۔ وہ اپنے آن لائن بننے والے دوست سے ملنے پاکستان آئی تھیں جو اب منظر سے غائب ہے۔ کراچی آنے کے بعد سے خاتون شہر میں ادھر ادھر گھوم رہی تھیں جس سے اس کی زندگی کو خطرہ لاحق تھا تاہم اب انہیں جناح اسپتال میں رکھا گیا ہے۔
خاتون کو صحت کے دیگر مسائل کے علاوہ بظاہر نفسیاتی مسائل بھی درپیش ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی خاتون آن لائن فرینڈشپ پاکستان آئی امریکی خاتون فیس بک فرینڈشپ کراچی.ذریعہ: WE News
کلیدی لفظ: امریکی خاتون ا ن لائن فرینڈشپ پاکستان ا ئی امریکی خاتون فیس بک فرینڈشپ کراچی امریکی خاتون ا جناح اسپتال اسپتال کے کے مطابق کے بعد
پڑھیں:
’عمر اب کب واپس آئیں گے؟‘ ننھے وی لاگر شیراز اور ان کی بہن مسکان کی محبت بھری ویڈیو وائرل
پاکستان کے معروف چائلڈ انفلوئنسر عمر شاہ کی اچانک وفات سے شوبز انڈسٹری کے فنکار اور ان کے مداح گہرے صدمے میں مبتلا ہیں۔ ننھے فنکار شیراز اور مسکان نے بھی عمر شاہ کے حوالے سے ایک جذباتی ویڈیو شیئر کی ہے، جس میں انہوں نے اپنے پیارے دوست کو یاد کرتے ہوئے غم کا اظہار کیا ہے۔
شیراز نے ویڈیو پیغام میں کہا کہ مجھے ابھی تک یقین نہیں آ رہا کہ عمر شاہ اب ہمارے درمیان نہیں رہے، ان کا کہنا تھا کہ شانِ رمضان میں سب سے اچھا بچہ عمر تھا، وہ کسی کو تنگ نہیں کرتا تھا۔ والدین کا کہنا مانتا تھا اور مجھے اور مسکان کو بہت پیار کرتا تھا، اس سال جب ہم شانِ رمضان سے واپس آ رہے تھے تو اس کو بہت دکھ ہو رہا تھا۔
View this post on Instagram
A post shared by Muhammad Shiraz (@shirazivlogs)
مسکان نے اپنے بھائی سے پوچھا کہ عمر کہاں چلا گیا ہے، شیراز نے کہا کہ وہ اللہ کے پاس چلا گیا ہے۔ مسکان نے پوچھا کہ وہ کب واپس آئے گا جس پر شیراز نے جواب دیا کہ اب عمر شاہ اب کبھی واپس نہیں آئے گا وہ ہمیشہ اللہ کے پاس ہی رہے گا۔
یہ بھی پڑھیں: پاکستان کے معروف چائلڈ انفلوئنسر کے انتقال کا سبب ڈاکٹرز نے بتا دیا
واضح رہے کہ عمر شاہ بھی معروف انفلوئنسر تھے۔ گزشتہ برس جولائی میں ان کی طویل سرجری ہوئی تھی۔ ابتدائی طور پر ان کی صحت میں بہتری کی خبریں آئیں تاہم مزید وقت گزرنے کے ساتھ ساتھ ان کی صحت پھر خرابی کی طرف مائل ہوئی۔
ڈاکٹرز کے مطابق عمر شاہ کو قے آئی جو اس کے پھیپھڑوں میں چلی گئی، جس سے آکسیجن کا نظام متاثر ہوا اور انفلوئنسر کا انتقال ہوگیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد شاہ شانَ رمضان شیراز عمر شاہ عمر شاہ انتقال مسکان وسیم بادامی
زیلنسکی نے ٹرمپ پر سنگین الزام عائد کردیا، امریکا سے تعلقات متاثر ہونے کا خدشہ