الاسکا: لاپتا طیارہ سمندری برف پر گر کر تباہ، تمام مسافر ہلاک
اشاعت کی تاریخ: 8th, February 2025 GMT
امریکا میں مسافر بردار طیارہ یونالاکلیٹ سے نوم کے درمیان سفر کرتے ہوئے سمندری برف پر گر کر تباہ ہوگیا اور اس میں سوار تمام 10 افراد ہلاک ہوگئے۔
غیر ملکی میڈیا کی رپورٹ کے مطابق امریکی کوسٹ گارڈ کے ترجمان نے کہا کہ امدادی کارکن ہیلی کاپٹر کے ذریعے طیارے کے آخری معلوم مقام کی تلاش کر رہے تھے کہ انہیں ملبہ دکھا، انہوں نے 2 ریسکیو اہلکاروں کو تحقیقات کے لیے نیچے اتارا۔
محکمہ پبلک سیفٹی الاسکا کے مطابق بیرنگ ایئر کا سنگل انجن ٹربوپروپ طیارہ جمعرات کی سہ پہر انال کلیٹ سے 9 مسافروں اور ایک پائلٹ کے ساتھ روانہ ہوا تھا۔
ریاستی محکمہ برائے عوامی تحفظ نے بتایا تھا کہ ایک چھوٹا ٹربوپروپ سیسنا کیراؤین طیارہ الاسکا میں لاپتا ہوگیا۔
فلائٹ ٹریکنگ ویب سائٹ فلائٹ رڈار24 نے دعویٰ کیا تھا کہ طیارے کے پرواز بھرنے کے 38 منٹ بعد کنٹرول ٹاور سے رابطہ منقطع ہوا تھا۔
یہ طیارہ بیئرنگ ایئر کی ملکیت ہے جو تقریباً 39 طیاروں اور ہیلی کاپٹروں کے ساتھ کام کرتی ہے۔
خیال رہے کہ الاسکا میں دیگر امریکی ریاستوں کے مقابلے میں ایئر ٹیکسی اور چھوٹے طیارے بڑی تعداد میں استعمال ہوتے ہیں۔
اس ریاست میں طیارہ حادثات کی شرح بھی زیادہ ہے۔ جس کی بنیادی وجہ پہاڑی علاقوں کا ہونا اور تیزی سے بدلتے موسمی حالات ہیں۔
الاسکا میں آبادیوں تک سڑکیں نہیں جاتیں جس کی وجہ سے یہاں افراد اور سامان کی نقل و حرکت کے لیے چھوٹے طیارے استعمال کیے جاتے ہیں۔
.ذریعہ: Express News
پڑھیں:
امور ریجن میں تباہ ہونے والے روسی طیارے کا بلیک باکس مل گیا
روسی حکام کے مطابق مشرق بعید کے علاقے امور میں پیش آنے والے مہلک فضائی حادثے کے بعد انتونوف An-24 مسافر طیارے کا بلیک باکس (فلائٹ ریکارڈر) برآمد کر لیا گیا ہے۔
روسی حکومت کے سرکاری ٹیلیگرام چینل پر جاری بیان کے مطابق بلیک باکس کو ماسکو بھیجا جائے گا جہاں حادثے کی جاری تحقیقات کے تحت اس کا تجزیہ کیا جائے گا۔
یہ بھی پڑھیں:روس کے مشرق بعید میں لاپتا ہونے والا مسافر طیارہ تباہ، ملبہ مل گیا
یاد رہے کہ گزشتہ دنوں روسی مسافر طیارہ طیارہ جو انگارا ایئرلائنز کی پرواز تھی، جمعرات دوپہر ایک بجے کے قریب گراؤنڈ کنٹرول سے رابطہ منقطع ہونے کے بعد لاپتہ ہو گیا تھا۔
اس وقت وہ امور ریجن کے شہر تِنڈا کے ہوائی اڈے سے چند کلومیٹر کے فاصلے پر پرواز کر رہا تھا۔ یہ پرواز خاباروفسک سے روانہ ہو کر بلاگوویشچنسک میں رکی تھی اور تِنڈا جا رہی تھی۔
ریسکیو ٹیموں نے کچھ دیر بعد تباہ شدہ طیارے کا جلا ہوا ملبہ تِنڈا سے تقریباً 16 کلومیٹر دور دریافت کیا۔ حادثے میں سوار تمام 48 افراد ہلاک ہو گئے تھے۔
حکام کا کہنا ہے کہ طیارے نے کوئی ہنگامی سگنل یا تکنیکی خرابی کی اطلاع نہیں دی تھی۔
تحقیقات اور قانونی کارروائیروسی تحقیقاتی کمیٹی نے حادثے کی فوجداری تحقیقات کا آغاز کر دیا ہے۔ کمیٹی کے سربراہ الیگزینڈر بسترکین نے ٹرانسپورٹ کے علاقائی تفتیش کاروں کو فوری رپورٹ پیش کرنے کی ہدایت دی ہے۔
یہ بھی پڑھیں:روس میں مسافر طیارے گر کر تباہ، بچوں سمیت 49 ہلاک
روس کی سول ایوی ایشن اتھارٹی روس آویاتسیا نے کہا ہے کہ وہ یہ جائزہ لے رہی ہے کہ آیا انگارا ایئرلائنز نے پرواز کے حفاظتی ضوابط پر عمل کیا یا نہیں۔
اس کی بنیاد پر یہ فیصلہ ہوگا کہ ایئرلائن کو پرواز جاری رکھنے کی اجازت دی جائے یا نہیں۔
متاثرہ خاندانوں کے لیے امدادامور ریجن کے وزیر ٹرانسپورٹ آندرے نکیتن کے مطابق، ہر متاثرہ خاندان کو 50 لاکھ روبل (تقریباً 63 ہزار امریکی ڈالر) بطور معاوضہ دیا جائے گا، اور کوشش ہے کہ یہ رقم جلد از جلد پہنچائی جائے۔
طیارے کی عمر اور حالتیہ طیارہ سوویت دور کا بنایا ہوا 2 انجن والا ٹربو پراپ An-24 ماڈل تھا، جس کی عمر 50 سال سے زائد تھی۔ تاہم، 2021 میں اسے نیا ’ایئر ورتھنیس سرٹیفکیٹ‘ جاری کیا گیا تھا، جو اسے 2036 تک پرواز کی اجازت دیتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امور ریجن بلیک باکس روس روسی طیارہ
سانحہ سر ڈھاکہ، 9 مقتولین کی لاشیں آبائی علاقوں کی طرف روانہ