کشمیر کوئز رننگ ٹرافی ڈے جے گورنمنٹ سائنس کالج نے جیت لی
اشاعت کی تاریخ: 9th, February 2025 GMT
مزاحمت ہی کشمیریوں کے لیے آزادی کی واحد راہ ہے۔ پروفیسر انیس زیدی
کراچی(سماجی رپورٹر)مزاحمت ہی کشمیریوں کے لیے آزادی کی واحد راہ ہے۔ فلسطینی مسلمانوں کی جہادی تنظیم حماس نے ثابت کر دیا کہ ظلم و بربریت کے خلاف اپنی کمزوریوں سے قطع نظر استقامت کے ساتھ کھڑے رہنے ہی سے حق حاصل کیا جا سکتا ہے ۔وادی کشمیر کی ریاستی تاریخ مسلمانوں کی حق تلفیوں سے عبارت ہے۔ یہ پاکستان کی لائف لائن ہے ۔جذبہ جہاد اور شوق شہادت مومن کی میراث ہے ۔جب تک ہمارے نوجوان میں یہ جذبہ موجزن ہے دشمن کی بڑی سے بڑی عددی قوت ،جدید ترین آلات حرب اور اعلی ترین ٹیکنالوجی ربانی مدد سے بے اثر رہے گی ۔ان خیالات کا اظہار ممتاز ماہر تعلیم سابق پرنسپل گورنمنٹ نیشنل کالج پروفیسر انیس زیدی نے گزشتہ روز پاکستان کوئز سوسائٹی PQSرجسٹرڈ کے زیر اہتمام یومِ یکجہتی کشمیر کے موقع پر “کشمیر کوئز رننگ ٹرافی ” بین الکلیاتی وجامعاتی مقابلہ معلومات کے شرکاء سے بحیثیت صدر نشیں خطاب کرتے ہوئے کیا ۔
تقریب تقسیم انعامات کے مہمان خصوصی سابق سیکرٹری داخلہ وڈائریکٹر نیشنل اکائونٹبلیٹی بیورو NABڈاکٹر شفقت حسین عباسی تھے ۔اس موقع پر مہمان اعزازی سردار بابر عباسی ،بانی چیئرمین PQSحافظ نسیم الدین ،صدر زاہد احمد ،جنرل سیکرٹری ڈاکٹر فیضان احمد ،ڈاکٹرمحمد ایوب عباسی ،ڈاکٹر ایس ایم سعید ،نیشنل کالج کے پرنسپل ڈاکٹر جاوید عباسی، منصفین کرام پروفیسرذکیہ شاہنواز ،پروفیسر ڈاکٹر ذاکر شاہ اور پروفیسر نصرت فاطمہ نے بھی اپنے خیالات کا اظہار کیا ۔حافظ نسیم الدین نے کہا کہ کشمیر تکمیل پاکستان کا نامکمل ایجنڈا ہے اور یہ ہماری ذمہ داری ہے کہ ظلم و جبر کے خاتمے کے لیے ملک کا ہر شہری اپنے اپنے محاذ پر بھرپور کردار ادا کرے۔ PQSرجسٹرڈ معلوماتی مقابلوں کے انعقاد کے ذریعے نوجوانوں میں آگاہی اور جذبہ الوطنی بیدار کرنے کا فریضہ جاری رکھے ہوئے ہے ۔
مہمان خصوصی ڈاکٹر شفقت حسین عباسی نے کہا کہ دنیا بھر کے کشمیر ی مسلمان برسہا برس سے اپنے حق خود ارادیت کے لیے جدوجہد میں مصروف ہیں ،جس کی پاداش میں بھارتی حکومت نے ان پر عرصہ حیات تنگ رکھا ہے۔ ایک لاکھ سے زائد لوگ اپنی جانوں کا نذرانہ پیش کر چکے ہیں ۔ہزاروں مرد و زن لاپتہ ،انگنت بھارتی جیلوں ، عقوبت خانوں اور خفیہ ایجنسیوں کی تحویل میں ہیں۔ نصف صدی سے زیادہ مدت میں ہزاروں بیٹیوں کی عزتیں پامال کی جا چکی ہیں ۔لاکھوں افراد معاشی اعتبار سے تباہ ہو چکے ہیں لیکن دنیا کے منصفوں کے کانوں پر جوں نہیں رینگتی ۔سردار بابر عباسی نے کہا کہ ٓازادی کشمیر کے لیے پاکستانی عوام کے دل مظلوم کشمیریوں کے ساتھ دھڑکتے ہیں۔ پاکستانی حکومت اور عوام کشمیریوں کی اخلاقی و سفارتی مددجدوجہد آزادی کی کامیابی تک جاری رکھیں گے۔
منصفین کرام کے متفقہ فیصلے کے مطابق ڈی جے گورنمنٹ سائنس کالج، جوہر ڈگری کالج، سپیریئرسائنس کالج اور گورنمنٹ ایجوکیشن کالج ایف بی ایریا نے بالترتیب اول ،دوم ،سوم اور خصوصی پوزیشنز حاصل کیں۔”کشمیر کوئز رننگ ٹرافی” ایک سال کے لیے ڈی جے گورنمنٹ سائنس کالج کے حصے میں آئی۔ تقریب میں معروف سماجی رہنما نفیس احمد خان کے نام سے جاری کردہ سماجی خدمات ایوارڈ مسعود احمد وصی کوPQSکی جانب سے پیش کیا گیا۔
.ذریعہ: Jasarat News
کلیدی لفظ: کے لیے
پڑھیں:
دنیا میں اب تک بنائے گئے تمام گانے اسٹور کرنیوالی کیسٹ تیار
چین میں سائنس دانوں نے ایک کیسیٹ ٹیپ بنائی ہے جس میں اب تک ریکارڈ کیے گئے تمام گانے اسٹور کیے جاسکتے ہیں۔
چین کے صوبے گوانگ ڈونگ میں موجود سدرن یونیورسٹی آف سائنس اینڈ ٹیکنالوجی سے تعلق رکھنے والی ٹیم نے یہ کامیابی مصنوعی ڈی این اے کو پلاسٹک ٹیپ پر پرنٹ کر کے اور اس پر ’کرسٹل آرمر‘ چڑھا کر محفوظ کرتے ہوئے حاصل کی۔
100 میٹر طویل یہ ڈی این اے ٹیپ 36 پیٹا بائٹس (36 ہزار ٹیرا بائٹ ہارڈ ڈرائیوز کے برابر) کا ڈیٹا ذخیرہ کر سکتی ہیں۔
عالمی سطح پر ڈیٹا کی مقدار میں اضافے کے پیشِ نظر سائنس دانوں کا کہنا تھا کہ اس کثیر اسٹوریج کے طریقے کو روایتی طریقوں کے متبادل کے طور پر استعمال کیا جا سکتا ہے۔
محققین کا کہنا تھا کہ سیمی کنڈکٹرز پر مبنی نان وولیٹائل میموری مُورز لا کی حد تک پہنچ چکی ہے انتہائی بڑی مقدار کے ڈیٹا کو اسٹور کرنے کے لیے نئے میڈیا کی ضرورت ہے۔
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے