چاند اور مریخ انتہائی قریب، محسور کردینے والا نظارہ آج آسمان پر ہوگا
اشاعت کی تاریخ: 9th, February 2025 GMT
کراچی: چاند اور مریخ بہت قریب آگئے، محسور کردینے والا نظارہ آج مشرقی آسمان پر نظر آئے گا۔
اسپارکو نے کہا کہ آج مشرقی آسمان پر غروب آفتاب کے بعد چاند اور مریخ ایک دوسرے کے قریب دکھائی دے رہے ہیں۔
پاکستان کے خلائی تحقیقی ادارے (اسپارکو) نے کہا کہ 9 فروری (یعنی آج) آپ کو آسمان پر ایک مسحور کر دینے والا نظارہ چاند کے طلوع ہونے کے بعد نظر آئے گا، جب لگ بھگ مکمل چاند شام کو طلوع ہوا تو ہمارا پڑوسی سرخ سیارہ یعنی مریخ اس کے بالکل نیچے نظر آیا۔
درحقیقت مریخ کو دیکھنے کے لیے دوربین کی بھی ضرورت نہیں ہوگی بلکہ آنکھوں سے ہی اسے دیکھنا ممکن ہوگا، مریخ چاند کے جنوبی کونے کی جانب سے جھانکتا ہوا نظر آئے گا۔
اگر آپ روزانہ رات کو چاند کو دیکھیں تو آپ کو اندازہ ہوگا کہ وہ اپنی پوزیشن مسلسل بدلتا رہتا ہے۔ یہی وجہ ہے کہ ہر ماہ آسمان پر اپنے چکر کے دوران وہ اکثر مختلف سیاروں کے قریب پہنچ جاتا ہے یا ایسا ہمیں محسوس ہوتا ہے۔مگرآج شب مریخ اور چاند بہت زیادہ قریب ہیں یا کم از کم محسوس ہوں گے۔ حقیقت میں دونوں کے درمیان بہت زیادہ فاصلہ ہوگا۔
آج شب 12 بجے کے قریب چاند کے جنوب میں واضح نظر آئے گا اور آپ کو لگے گا کہ وہ اکٹھے ہیں یا یوں کہہ لیں کہ آپ چاند اور مریخ کو کیمرے کے فریم میں محفوظ کرسکیں گے۔
.ذریعہ: Jasarat News
کلیدی لفظ: چاند اور مریخ نظر ا ئے گا
پڑھیں:
انگلینڈ میں مچھیرے نے اتفاقاً انتہائی نایاب سمندری مخلوق پکڑلی، وہ بھی دو بار
انگلینڈ میں ایک مچھیرے نے اتفاقاً انتہائی نایاب نیلا لوبسٹر پکڑا ہے اور وہ بھی ایک ہی رات میں دو بار۔
حال ہی میں انگلینڈ میں کوسٹ آف ڈینوو کے قریب کریس پکی نامی ایک مچھیرے نے اپنے جال میں ایک نایاب نیلا لوبسٹر پکڑا۔
لوبسٹر میں یہ رنگ ایک جینیاتی تغیر کے باعث ہوتا ہے جس کا امکان 20 لاکھ واقعات میں سے ایک بار ہوتا ہے۔
اس نایاب لوبسٹر کو مقامی ایکویریم میں محفوظ کروا دیا گیا کیوں کہ اس کو پھر سے خطرہ لاحق ہو سکتا تھا۔
تصاویر میں اس کی نیلی چمک اور غیر معمولی شکل نمایاں ہے۔ اس جینیاتی میکنزم کو کرومیٹوفورز کہا جاتا ہے جس میں نیلے رنگ کی پروٹین کی زیادتی ہوتی ہے۔
زیادہ تر رپورٹس میں اسے "blue lobster" کہا گیا، حالانکہ عام بول چال میں "کیکڑا" بھی بیان ہوتا ہے۔
روس کا یوکرین پر اب تک کا سب سے طاقتور حملہ، 5 ہلاکتیں اور 20 زخمی