ایم کیو ایم میں اختیارات کی جنگ، فاروق ستار کے جانے کے بعد مصطفیٰ کمال کی اجلاس میں شرکت
اشاعت کی تاریخ: 9th, February 2025 GMT
متحدہ قومی موومنٹ (ایم کیو ایم) پاکستان میں اختیارات کی جنگ شدت اختیار کرگئی ہے، آج بہادرآباد مرکز میں ہونے والے اعلیٰ سطح کے اجلاس کی صدارت فاروق ستار نے کی، ان کی موجودگی میں مصطفیٰ کمال تشریف نہ لائے، تاہم جب وہ چلے گئے تو مصطفیٰ کمال تشریف لائے۔
فاروق ستار نے اجلاس میں شرکت کے بعد کراچی میں میڈیا سے گفتگو کرتے ہوئے کہاکہ جو بھی تنظیمی نظم و ضبط کی خلاف ورزی کرےگا اس کے خلاف کارروائی کی جائےگی۔
یہ بھی پڑھیں ایم کیو ایم پاکستان اختلافات کا شکار، کارکنان کا بہادرآباد مرکز پر دھاوا، تصادم میں 10 افراد زخمی
انہوں نے کہاکہ ہماری مرکزی کمیٹی باصلاحیت ہے جو کسی بھی طرح کے مسائل کو حل کرسکتی ہے، آج ہم نے منتخب عوامی نمائندوں کے ساتھ بیٹھ کر تعمیر و ترقی کا لائحہ عمل طے کیا ہے۔
فاروق ستار نے کہاکہ سیاسی جماعتوں میں تمام مسائل بات چیت کے ذریعے حل کرلیے جاتے ہیں۔
دریں اثنا مصطفیٰ کمال نے میڈیا سے گفتگو کرتے ہوئے کہاکہ جب فیصلہ کرنے میں وقت لگتا ہے تو بات باہر نکلتی ہے، ایم کیو ایم میں کوئی اختلافات نہیں، سیاسی پارٹیوں میں مختلف آرا ہوتی ہیں۔
انہوں نے کہاکہ ایم کیو ایم جتنی متحرک ہوگی عوام کے مسائل حل ہوں گے، اس وقت ہم اپنے مقاصد میں 100 فیصد کامیاب نہیں ہورہے۔
مصطفیٰ کمال نے کہاکہ کراچی اور حیدرآباد کے لوگوں نے ہمیں مینڈیٹ دیا ہے، ان کے مسائل حل ہونے چاہییں۔
واضح رہے کہ اس سے قبل متحدہ قومی موومنٹ میں عہدوں کی تقسیم پر اختلافات سامنے آئے تھے، اور گزشتہ روز کارکنوں نے بہادرآباد مرکز پر دھاوا بھی بولا تھا اور گورنر کے خلاف نعرے لگائے گئے تھے۔
ایم کیو ایم کے چیئرمین خالد مقبول صدیقی نے اپنے پیغام میں کہا تھا کہ کامران ٹیسوری ہی گورنر رہیں گے، پارٹی کو ان پر بھرپور اعتماد ہے۔
یہ بھی پڑھیں ایم کیو ایم رکن قومی اسمبلی کیوں مستعفی ہوئے؟ وجہ سامنے آگئی
دوسری جانب ایم کیو ایم کے ترجمان نے کہا ہے کہ کارکنان شر انگیزی کا شکار نہ ہوں، کیونکہ کچھ عناصر ہمیں آپس میں لڑا کر اپنے مذموم مقاصد کی تکمیل چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختیارات کی جنگ ایم کیو ایم بہادرآباد مرکز خالد مقبول صدیقی کارکنان متحدہ قومی موومنٹ مصطفٰی کمال منتخب عوامی نمائندے وی نیوز.ذریعہ: WE News
کلیدی لفظ: اختیارات کی جنگ ایم کیو ایم بہادرا باد مرکز خالد مقبول صدیقی کارکنان متحدہ قومی موومنٹ مصطف ی کمال منتخب عوامی نمائندے وی نیوز بہادرا باد مرکز ایم کیو ایم فاروق ستار نے کہاکہ
پڑھیں:
اقتصادی رابطہ کمیٹی کا اہم اجلاس آج ہوگا، سستے گھروں کی اسکیم سمیت اہم فیصلے متوقع
اسلام آباد:وفاقی کابینہ کی اقتصادی رابطہ کمیٹی (ای سی سی) کا اہم اجلاس آج طلب کیا گیا ہے، جس میں 9 نکاتی ایجنڈے پر غور کیا جائے گا۔
ذرائع کے مطابق اجلاس میں ملک کی معاشی صورتِ حال کے تناظر میں اہم فیصلے متوقع ہیں، جن میں عوامی ریلیف اور صنعتی ترقی کے پہلو نمایاں ہوں گے۔
اجلاس میں کم آمدنی والے طبقات کے لیے 50 ہزار رہائشی یونٹس کے لیے مارک اپ سبسڈی کی منظوری دیے جانے کا امکان ہے۔ سستے گھروں کی اسکیم کے تحت سبسڈی اور رسک شیئرنگ ماڈل بھی ایجنڈے کا حصہ ہیں، جن پر منظوری متوقع ہے۔
علاوہ ازیں عوامی مفاد کے حوالے سے ایک اور اہم معاملہ گھی اور کوکنگ آئل کی قیمتوں کا ہے، جس کا تفصیلی جائزہ ای سی سی کے اجلاس میں لیا جائے گا تاکہ مہنگائی میں کمی لانے کے لیے مؤثر اقدامات کیے جا سکیں۔
اجلاس میں پاکستان گرین ٹیکس انومی کے نفاذ کی بھی منظوری دیے جانے کا امکان ہے۔ ساتھ ہی پاکستان اسکل امپیکٹ بانڈ کے لیے ایک ارب روپے کی حکومتی گارنٹی کی منظوری بھی متوقع ہے، جس کا مقصد نوجوانوں کی مہارتوں میں اضافہ اور روزگار کے مواقع پیدا کرنا ہے۔
اسٹیل سیکٹر کی ترقی کے لیے ایک جامع رپورٹ بھی ای سی سی اجلاس میں پیش کی جائے گی، جس میں اس شعبے کو مستحکم بنانے کے لیے مختلف تجاویز شامل ہیں۔ اسی طرح شپ بریکنگ اور ری سائیکلنگ کے شعبے کو باقاعدہ صنعت کا درجہ دینے سے متعلق وزارت میری ٹائم افیئرز کی جانب سے سمری پیش کیے جانے کی توقع ہے، جس سے ملکی معیشت میں نئے امکانات پیدا ہو سکتے ہیں۔
ایجنڈے میں ریڈیو بیسڈ سروس چارجز پر نظرثانی اور نیکسٹ جنریشن موبائل براڈبینڈ سروسز سے متعلق تجاویز بھی شامل ہیں، جن پر بھی تفصیلی مشاورت کی جائے گی۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست