لبنان ،غزہ اور شام کے متاثرین کیلئے22 ویں امدادی کھیپ روانہ
اشاعت کی تاریخ: 10th, February 2025 GMT
اسلام آباد (صباح نیوز) نیشنل ڈیزاسٹر مینجمنٹ اتھارٹی (این ڈی ایم اے) نے الخدمت فائونڈیشن کے ساتھ مل کر اتوار کو فلسطین، لبنان اور شام میں جنگ سے متاثرہ افراد کی مدد کے لیے50 ٹن انسانی امداد کی23 ویں امدادی کھیپ روانہ کی۔ ترجمان این ڈی ایم اے کے مطابق وزیراعظم شہباز شریف کی ہدایت کے تحت فلسطین (1,320ٹن)، لبنان (372ٹن) اور شام (111ٹن) میں متاثرہ کمیونٹیز کی مدد کے لیے اب تک مجموعی طور پر 1013 ٹن امدادی سامان پہنچایا جا چکا ہے۔ امدادی سامان میں ٹن پیک گوشت، پاڈر دودھ، حفظان صحت کی کٹس، کپڑے، کمبل، خیمے اور سلیپنگ بیگز شامل تھے۔ یہ امداد کراچی کے جناح انٹرنیشنل ائرپورٹ سے چارٹرڈ فلائٹ کے ذریعے اردن بھیجی گئی۔کراچی کے جناح انٹرنیشنل ائرپورٹ پر امدادی سامان کی روانگی کی تقریب میں این ڈی ایم اے ، وزارت خارجہ اور الخدمت فانڈیشن کے سینئر حکام نے شرکت کی۔ این ڈی ایم اے کے ترجمان نے کہا کہ حکومت پاکستان لبنان، شام اور فلسطین میں جنگ سے متاثرہ کمیونٹیز کی ضروریات کے مطابق امدادی سامان کی فراہمی کے لیے پرعزم ہے۔
لبنان
ذریعہ: Jasarat News
کلیدی لفظ: ڈی ایم اے
پڑھیں:
لاہورمیں الیکٹرک ٹرام منصوبہ مؤخر، فنڈز سیلاب متاثرین کو منتقل
لاہور، پنجاب کے وزیرِ ٹرانسپورٹ بلال اکبر نے اعلان کیا ہے کہ کینال روڈ پرالیکٹرک ٹرام منصوبہ آئندہ سال فروری میں شروع نہیں کیا جا سکے گا۔وزیر ٹرانسپورٹ بلال اکبر کے مطابق منصوبے کے لیے مختص 130 ارب روپے کا فنڈ سیلاب متاثرین کی بحالی کے لیے منتقل کیا جا رہا ہے۔ انہوں نے کہا کہ منصوبے کو مؤخرکرنے کے باوجود محکمہ ٹرانسپورٹ نے تین نئی تجاویز تیار کی ہیں، جو دسمبر میں وزیر اعلیٰ پنجاب کو پیش کی جائیں گی۔انہوں نے بتایا کہ ٹرام منصوبے کے ساتھ لاہور کے ٹرانسپورٹ نیٹ ورک کو ازسرِنوترتیب دیا جا رہا ہے تاکہ مستقبل میں جدید اور پائیدارسفری سہولیات فراہم کی جا سکیں۔
2009 میں لاہور کے لیے چار میٹرولائنز کی ضرورت تھی، تاہم تازہ ترین اسٹڈی کے مطابق اب شہر میں کم از کم چھ میٹرو لائنز درکار ہیں۔چند روزمیں گوجرانوالہ اورفیصل آباد میٹرو منصوبوں کی گراؤنڈ بریکنگ تقریب منعقد کی جائے گی، جس کے بعد کینال روڈ ٹرام منصوبے پر بھی کام شروع کیا جائے گا، ورلڈ بینک کے تعاون سے 25 کروڑ ڈالرز کی لاگت سے لاہور میں 400 نئی الیکٹرک بسیں شامل کی جا رہی ہیں۔حکومت کی کوشش ہے کہ آنے والے برسوں میں لاہور میں ایک سے دو نئی میٹرو لائنز کا اضافہ کر کے شہریوں کے سفر کو مزید آسان اور ماحول دوست بنایا جائے۔
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ