جسٹس نعیم اختر افغان کا پی ٹی آئی سے وابستگی پر سلمان اکرم راجہ سے کیا مکالمہ ہوا؟
اشاعت کی تاریخ: 12th, February 2025 GMT
فوجی عدالتوں میں سویلین ٹرائل کیس سے متعلق انٹرا کورٹ اپیل کی سماعت کے دوران جسٹس نعیم اختر افغان نے وکیل سلمان اکرم راجہ کو یاد دلایا کہ جس سیاسی جماعت یعنی پی ٹی آئی کی وہ نمائندگی کرتے ہیں اس کے دور میں گرم جوشی سے آرمی ایکٹ سے متعلق قانونی سازی ہوئی تھی۔
فوجی عدالتوں میں سویلین ٹرائل کیس کی سماعت جسٹس امین الدین کی سربراہی میں سپریم کورٹ کے 7 رکنی آئینی بینچ نے کی، جہاں فوجی عدالت سے سزا یافتہ مجرم ارزم جنید کے وکیل سلمان اکرم راجہ نے اپنے دلائل جاری رکھے۔
مزید پڑھیں: فوجی عدالتوں میں سویلینز کے ٹرائل: آرمی ایکٹ ایک بلیک ہول ہے، سلمان اکرم راجہ کا موقف
جسٹس نعیم اختر افغان نے تمہید باندھتے ہوئے کہا کہ وہ ہلکے پھلکے انداز میں کہہ رہے ہیں، بُرا نہ مانیے، آپ کی ایک سیاسی جماعت کے ساتھ آجکل سیاسی وابستگی بھی ہے۔
سلمان اکرم راجہ کا مخاطب کرتے ہوئے جسٹس نعیم اختر افغان نے مسکراتے ہوئے ریمارکس دیے کہ جب آپ کی سیاسی پارٹی کی حکومت تھی اس وقت آرمی ایکٹ میں ایک ترمیم کی گئی، اس وقت پارلیمنٹ نے بڑی گرم جوشی کیساتھ آرمی ایکٹ سے متعلق قانون سازی کی۔
مزید پڑھیں: فوجی عدالتوں کا کیس: صرف دیکھنا ہے کہ کون سے مقدمات کہاں سنے جاسکتے ہیں، آئینی بینچ
سلمان اکرم راجہ بولے؛ میں اس وقت پی ٹی آئی کا حصہ نہیں تھا، میں تو ہمیشہ اپوزیشن والی سائیڈ پر رہا۔
جسٹس محمد علی مظہر کا کہنا تھا کہ2 ون ڈی کی حیثیت کو ہر مرتبہ سپریم کورٹ ہی کیوں نظر ثانی کرے، سلمان اکرم راجہ کا موقف تھا کہ لیگل فریم ورک تبدیل ہوجائے تو عدالتی نظر ثانی کی جاسکتا ہے، آرٹیکل آٹھ 3 کا استثنی 2 ون ڈی کے لیے دستیاب نہیں۔
مزید پڑھیں:سندھ حکومت نے ملٹری کورٹ میں سویلینز ٹرائل کالعدم قرار دینے کا فیصلہ چیلنج کردیا
جسٹس جمال خان مندوخیل نے دریافت کیا کہ کیا آرمی ایکٹ کے تابع سول ملازم کیخلاف جاسوسی پر تادیبی کاروائی الگ اور ملٹری ٹرائل الگ ہوگا، جس پر سلمان اکرم راجہ کاموقف تھا کہ ایسا نہیں کہ 2 ون ڈی کے بغیر ریاست کا کاروبار نہیں چل سکتا۔
جسٹس حسن اظہر رضوی نے دریافت کیا کہ اگر کوئی سویلین مڈل مین خفیہ راز دشمن کے حوالے کرنے تو ٹرائل کہاں ہوگا، سلمان اکرم راجہ کا موقف تھا کہ اس کا ٹرائل اسپیشل انڈر آفیشیل سیکرٹ ایکٹ کے تحت ہوگا، جس میں ٹرائل کا مکمل طریقہ کار موجود ہے۔
مزید پڑھیں: آئینی بینچ نے ملٹری کورٹس کو فیصلہ سنانے کی اجازت دے دی
سلمان اکرم راجہ کا موقف تھا کہ وہ اصول اور قانون کے خلاف اپنی مرضی سے توڑ موڑ کر دلائل نہیں دیں گے، کلبھوشن یادیو کا کیس آپ کے سامنے ہے، دنیا میں ایسا نہیں ہوتا کہ آئین میں بنیادی حقوق دے کر انگلی کے ایک اشارے سے چھین لیے جائیں، ایسا نہیں ہو سکتا کہ کمانڈنگ آفیسر کہے مجھے ارزم جنید کو میرے حوالے کرو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی ایکٹ آئینی بینچ پی ٹی آئی جسٹس جمال خان مندوخیل جسٹس نعیم اختر افغان سپریم کورٹ سلمان اکرم راجہ کلبھوشن یادیو ملٹری ٹرائل.ذریعہ: WE News
کلیدی لفظ: آرمی ایکٹ پی ٹی ا ئی جسٹس جمال خان مندوخیل جسٹس نعیم اختر افغان سپریم کورٹ سلمان اکرم راجہ ملٹری ٹرائل سلمان اکرم راجہ کا موقف جسٹس نعیم اختر افغان فوجی عدالتوں موقف تھا کہ مزید پڑھیں آرمی ایکٹ
پڑھیں:
ملک پر مافیا کا راج، چینی گندم کے برآمدی، درآمدی کھیل سے اربوں لوٹے جارہے ہیں، حافظ نعیم الرحمان
اسلام آباد( ڈیلی پاکستان آن لائن ) امیرجماعت اسلامی حافظ نعیم الرحمان نے کہاہے کہ حکومت بجلی کے بنیادی ٹیرف، پٹرول کی قیمت اور لیوی میں کمی لائے، بجٹ میں اشرافیہ،جاگیرداروں کو نوازا گیا، حکمران مراعات، عیاشیاں، پروٹوکول کم کرنے کو تیار نہیں، عوام کو نچوڑا جارہا ہے، ملک پر مافیا کا راج، چینی گندم کے برآمدی، درآمدی کھیل سے اربوں لوٹے جارہے ہیں۔ ٹرمپ سے کشمیر پر منصفانہ ثالثی کی توقع رکھنا احمقوں کی جنت میں رہنے کے مترادف ہے، کسی نے بھی اسرائیل کو تسلیم کرنے کی جرأت کی تو عوامی قوت سے اسے ناکام بنائیں گے۔ جماعت اسلامی بھرپور طریقے سے میدان میں ہے، عوام کو ریلیف دلائیں گے۔ان خیالات کا اظہار انہوں نے جماعت اسلامی اسلام آباد کے دفتر میں پریس کانفرنس سے خطاب کرتے ہوئے کیا۔امیر جماعت اسلامی شمالی پنجاب ڈاکٹر طارق سلیم،امیر اسلام آباد نصراللہ رندھاوا اور امیر راولپنڈی سید عارف شیرازی بھی اس موقع پر موجود تھے۔
پنجاب کے دریاؤں اور ندی نالوں میں پانی کی سطح میں اضافے کا خدشہ ، پی ڈی ایم اے الرٹ جاری
امیرجماعت اسلامی نے کہاکہ بجٹ منظور کرلیاگیا حکومت کے پاس تعداد ہے جس کہ وجہ سے وہ ہرچیز کو پاس کرالیتی ہے۔عدالتی فیصلے کے بعدمخصوص نشستیں بھی حکومت کو مل جائیں گی،یہ عمل انصاف کے منافی ہے۔26ویں آئینی ترمیم کے وقت ہم نے کہا تھا کہ اس ترمیم کو مکمل مسترد ہونا چاہئے،اس وقت بعض جماعتوں نے26ویں ترمیم ضروری قرار دی،ثابت ہوگیا 26ویں ترمیم کے بعد ہر ادارے پر کنٹرول مضبوط کیا جارہا ہے عدلیہ کو مکمل محکوم کرکے رکھ دیا گیا، اب حکومت زیادہ سے زیادہ اختیارات لے رہی ہے،دوتہائی اکثریت دینے کا سپریم کورٹ کا فیصلہ مسترد کرتے ہیں، سپریم کورٹ کا فیصلہ انصاف کے منافی ہے، مخصوص نشستوں پر سپریم کورٹ کا فیصلہ جمہوری نظام کے لئے تباہی لارہا ہے، اسمبلیاں ربڑ سٹمپ بن کر رہ گئی ہیں، 26 آئینی ترمیم کو غیر آئینی طریقہ سے پاس کیا گیا۔ 26 آئینی ترمیم کلی طور پر مسترد ہونی چاہیے،یہ سارا عمل اپنی گرفت کو مضبوط کرنے اور جمہوریت کو مسمار کرنے کا ہے۔ایک مرتبہ پھر سے لوٹ سیل، انسانوں کی منڈی لگنا شروع ہوگئی ہے۔
حافظ نعیم الرحمان نے کہاکہ بجٹ میں عوام پر ٹیکس کا بوجھ آدھا کرنا چاہیے تھا تاکہ لوگ ملک سے باہر نہ جائیں،ہوناتو یہ چاہیے تھاکہ ایوان ہائے صدر و وزیراعظم کا خرچ کم ہوتا،حکمران گاڑیاں چھوٹی، مراعات کم کرتے، مگر اشرافیہ کو نوازنے کا عمل جاری ہے، عوام پر ٹیکسوں کا بوجھ بڑھایا جا رہا ہے، پیٹرول کی قیمتوں میں دو مرتبہ اضافہ کیا گیا ہے جس سے مہنگائی میں اضافہ ہوا ہے۔پٹرولیم مصنوعات مہنگی کرنے سے سارا بوجھ عوام پر آجاتا ہے، وزیراعظم کے ایک روپے بجلی کی قیمت کم کرنے کے اعلان سے کچھ نہیں ہوگا،پیٹرولیم مصنوعات میں اضافے کی مخالفت کرتے ہیں، عالمی مارکیٹ میں قیمت کم ہوئی تو حکومت نے لیوی بڑھانا شروع کردی،حکومت کو پیٹرول کی قیمت اور لیوی کم کرنی چاہیے، آئی ایم ایف سے بات کریں کہ ہمارے خطے میں جنگ ہے،اس لیے لیوی نہیں لگاسکتے ہیں۔
امیر جماعت اسلامی حافظ نعیم الرحمان نے کہاکہ جاگیرداروں پر ٹیکس نہیں لگایا جارہاہے،شوگر مافیا پہلے چینی برآمد کرتا ہے اور بعد میں درآمد کی جاتی ہے، پی ڈی ایم کے پہلے دور میں گندم درآمد کرنے کے بعد 1 ارب ڈالر کا نقصان ہوا ہے، اس کا حکومت جواب دے۔ مافیا حکومت کے ساتھ مل کر معیشت کا بیڑا غرق کرتا ہے،اس وقت ملک پر مافیا کا راج ہے، چینی و گندم باہر بھیج کر اور واپس منگواکر اربوں روپے لوٹے جاتے ہیں، پچھلے سال مریم نواز نے گندم کا ریٹ دیا مگر اس ریٹ پر خریداری نہیں کی جس سے اس سال گندم کی پیدوار کم ہوگئی، ن لیگ، پی پی نے مل کر زراعت کا بیڑا غرق کیا، ان کی وجہ سے ملک میں زرعی بحران پیدا ہوگیا ہے۔پنجاب میں کسانوں کو ریلیف کے نام پر اشتہار چلاتے ہیں۔ گندم نیشنل فوڈ سiکیو رٹی کا معاملہ ہے، حکومت بتائے اس کی کیا زرعی پالیسی کیا ہے،ایف بی آر کے 25 ہزار ملازمین ہدف پورا نہیں کرتے ہیں مگر ان کو اختیارات مل رہے ہیں کہ وہ لوگوں کو گرفتار کریں، معیشت ٹھیک ہورہی ہے تو پٹرول کی قیمت کیوں کم نہیں ہورہی ہے،حکومت جھوٹ بول رہی ہے اگر ہم دھرنے نہ دیتے تو بجلی جتنی تھوڑی بہت سستی ہوئی ہے وہ بھی نہ ہوتی، پاکستان میں بجلی بنانے کی قیمت بہت کم ہے،25 ہزار میگاواٹ کی رقم آئی پی پیز کو دیئے جارہے ہیں جو بجلی پیدا ہی نہیں کرتی ہیں، یہ معاہدے غلط اعداد وشمار پر کئے گئے ہیں بجلی کے ٹیرف میں کمی کی جائے۔
”اپنی چھت، اپنا گھر“ پراجیکٹ تیزی سے کامیابی کی طرف گامزن، چند ماہ میں 50 ہزار سے زائد گھروں کی تعمیر کا ریکارڈ قائم
امیر جماعت اسلامی نے کہا پاکستانی قوم پر مشکل وقت آیا تو حکومت کا ساتھ دیا،بھارت کے ساتھ جنگ میں پاکستان سرخرو ہوا، اب اس پوزیشن سے کشمیر کا مسئلہ حل کیوں نہیں کیا جارہاہے؟ پاکستان پر جنگ مسلط کرنے پر امریکہ نے بھارت کا ساتھ دیا جب تک بھارت نے حملے کئے امریکہ نے کچھ نہیں کیا جب پاکستان نے جواب دیا تو امریکہ آگیا، کشمیر کے بغیر کوئی ثالثی نہیں ہوسکتی ہے.بلاول کا بیان کہ’’ را‘‘ اور آئی ایس آئی مل کر دہشتگردی کے خلاف کام کرے سمجھ سے بالاتر ہے، اس طرح کے بیان سے امریکہ اور دیگر لابیز کو خوش کیا جاتا ہے۔ ’’ را‘‘ پاکستان میں دہشت گردی میں ملوث ہے۔ٹرمپ کون سے ثالثی کررہاہے اس نے سندھ طاس معاہدے،مقبوضہ کشمیر کی ریاستی حیثیت ختم کرنے پر کیا بیان دیا ہے۔فلسطین میں روزانہ لوگ شہید ہورہے ہیں اور امریکہ کہتا ہے کہ ہم جنگ بندی کرارہے ہیں، ایران نے جب اسرائیل کو جواب دیا تو امریکہ نے جنگ بند کروائی ہے،امریکہ کشمیر کا مسئلہ حل نہیں کرے گا، جو یہ سمجھتا ہے کہ امریکہ مسئلہ حل کرائے گا وہ احمقوں کی جنت میں رہتا ہے۔
حافظ نعیم الرحمان نے کہاکہ ایک بار پھر ابراہم اکارڈ میں عرب ممالک اور پاکستان پر اسرائیل کو تسلیم کرنے کے لئے دباؤ آرہا ہے اگر کسی نے بھی اسرائیل کو تسلیم کرنے کی کوشش کی تو عوامی قوت سے اسے ناکام بنائیں گے۔
امیر جماعت اسلامی نے کہاکہ جماعت اسلامی کی 20لاکھ ممبرشپ ہوگئی ہے، اب 30ہزار عوامی کمیٹیاں بنائیں گے، جو عوامی مسائل کو حل کریں گی۔ ملک بھر میں بلدیاتی ادارے مفلوج ہیں، کراچی میں مئیر شپ پر پیپلزپارٹی نے قبضہ کیا ہوا ہے۔ تاثر یہ بنایا ہوا ہے کہ پنجاب میں دودھ شہد کی نہریں بہہ رہی ہیں جبکہ پنجاب کے کئی شہروں میں بارش کے بعد ساری سڑکوں پر پانی کھڑا تھا۔جب تک بلدیاتی ادارے مضبوط نہیں ہوں گے، مسائل حل نہیں ہوگے۔ اسلام آباد میں بھی بلدیاتی انتخابات نہیں ہورہے ہیں، کے پی کے میں بھی بلدیاتی ادارے تباہ ہیں۔ سوات میں صوبائی حکومت کی کوتاہی کی وجہ سے شہری جاں بحق ہوئے ہیں۔ صوبائی حکومت کام نہیں کررہی تو این ڈی ایم اے کہاں ہے؟ کراچی میں نعمت اللہ کے دور میں بلدیات کا بجٹ 45ارب روپے تھا اور آج بھی 45 ارب روپے ہی ہے۔ سیاسی جماعتیں خوف کی وجہ سے بلدیاتی انتخابات نہیں کراتی ہیں۔ اسلام آباد میں 30 سال سے پانی کی کوئی نئی سکیم نہیں بنی ہے۔ اسلام آباد میں بھی پانی کا بحران ہے۔ عوامی مسائل حل کرنے میں حکومت سنجیدہ نہیں ہے۔
وزیراعلیٰ مریم نواز مری سے واپسی پر فیلڈ ہسپتال دیکھ کر رک گئیں،ادویات کی مفت فراہمی اور ورکنگ کے بارے میں تفصیلات حاصل کیں
مزید :
حافظ نعیم نے مخصوص نشستوں کے فیصلے کو عدالتی تاریخ کا بدنما داغ قرار دے دیا