شہاب علی شاہ چیف سیکرٹری خیبرپختونخوا تعینات
اشاعت کی تاریخ: 13th, February 2025 GMT
پشاور:
وفاقی حکومت نے خیبرپختونخوا میں چیف سیکرٹری کے عہدے پر شہاب علی شاہ کی تقرری کردی۔
شہاب علی حال ہی میں بلوجستان میں خدمات انجام دے رہے تھے، گریڈ 21 کے شہاب علی شاہ اس سے پہلے بھی خیبر پختونخوا میں ایڈیشنل چیف سیکرٹری پی اینڈ ڈی، کمشنر پشاور اور پرنسپل سیکرٹری ٹو وزیراعلی خیبر پختونخوا رہ چکے ہیں۔
حکومت نے سابق چیف سیکرٹری ندیم اسلم چوہدری کو بورڈ آف انویسٹمنٹ اسلام آباد میں تعینات کر دیا ہے۔
.
ذریعہ: Express News
کلیدی لفظ: چیف سیکرٹری شہاب علی
پڑھیں:
خیبر پی کے میں علی بابا چالیس چوروں کی حکومت: فیصل کنڈی
ڈیرہ اسماعیل خان (نا مہ نگار) گورنر خیبرپی کے فیصل کریم کنڈی نے کہا ہے کہ صوبہ میں علی بابا چالیس چوروں کا راج ہے، صوبائی حکومت ڈیرہ میں وفاقی حکومت کے ترقیاتی منصوبوں میں روڑے اٹکا رہی ہے، قیام امن پہلی ترجیح ہے۔ ہمارے نوجوانوں کو بھی وہی ماحول اور سہولیات میسر ہوں جو کراچی اور اسلام آباد کے نوجوانوں کو میسر ہیں۔ ان خیالات کا اظہار انہوں نے اپنی رہائش گاہ کنڈی ماڈل فارم پر میڈیا سے گفتگو کے دوران کیا۔ انہوں نے کہا کہ عید کے موقع پر میں تمام پاکستانیوں اور امت مسلمہ کو عید کی مبارک پیش کرتا ہوں۔ ساتھ ان جوانوں کو جو سرحدوں اور چیک پوسٹوں پر ریاست اور شہریوں کی حفاظت کررہے ہیں، ان شہیدوں کو سلام جنہوں نے معرکہ حق میں 78 گھنٹوں میں انڈیا کو سبق سکھایا اور دنیا پاکستان سے جنگ بندی کی درخواست پر مجبور ہوئی۔ انہوں نے کہا کہ وزیر اعظم اور فیلڈ مارشل دنیا میں حامی ممالک کا شکریہ ادا کررہے ہیں۔ ایک وفد چیئرمین بلاول بھٹو زرداری کی قیادت میں امریکہ اور دیگر ممالک کے دورہ پر ہیں۔ بلاول نے عالمی سفارتی محاذ پر نانا اور والدہ کی یاد تازہ کی ہے اور ثابت کیا کہ بھٹو خاندان ہر وقت پاکستان کے دفاع کے لئے مثالی کردار ادا کر رہا ہے۔ انہوں نے کہا کہ اس جنگ میں پاکستانی میڈیا کو خراج تحسین پیش کرتا ہوں۔ انڈیا کا میڈیا ایک بالی ووڈ فلم کا منظر پیش کررہا تھا جبکہ ہمارا میڈیا ذمہ دارانہ کردار ادا کررہا تھا۔ گورنر ہائوس میں ایک تقریب اسی ماہ منعقد کی جارہی ہے جس میں میڈیا سمیت دیگر افراد کو ایوارڈز دیئے جائیں گے۔
ہماری معاشی خود انحصاری کا دارومدار سستی بجلی اور زراعت پر ہے: وزیراعظم