یہود کے پشت پناہ عیسائی سربراہ
اشاعت کی تاریخ: 14th, February 2025 GMT
امریکا کے صدر ٹرمپ کی غزہ پر قبضے کی دھمکی اور عرب ممالک پر دھونس کہ وارثین غزہ کو اپنے ممالک میں جگہ دو ورنہ دھما دھم ہوگا نے پوری دنیا میں تشویش کی لہر دوڑا دی اور عالم تمام میں خطرے کی گھنٹیاں بجا دی ہیں۔ یہ دھمکی کوئی جذباتی نہیں بلکہ سوچی سمجھی گریٹر اسرائیل کی تشکیل اور تکمیل کا پلان ہے۔ ماہرین کے مطابق شام پر بشارالاسد کی حکومت کا خاتمہ بھی اس سلسلے کی کڑی ہے۔ روس کو قابو کرنے اور شام کی جنگ سے دور رکھنے کے لیے لانگ رینج میزائل کا استعمال کیا تھا۔ یہ بات درست ہے کہ بشارالاسد اسرائیل کو روک نہیں رہے تھے لیکن ایران کے میزائل کا اسرائیل تک پہنچنے کا ایک راستہ ضرور تھا جو اب ختم ہوگیا۔ ٹرمپ کی دھمکی کیا تیسری عالم جنگ پر منتج ہوگی۔ ایک حدیث یوں آتی ہے، بادشاہ اسلام شہید ہوجائے گا۔ عیسائی ملک شام پر قبضہ کرلیں گے اور آپس میں ان دونوں عیسائی قوموں کی صلح ہوجائے گی۔ بقیہ السیف مجاہدین مدینہ منورہ چلے آئیں گے، عیسائیوں کی حکومت خیبر تک (جو مدینہ سے قریب ہے) پھیل جائے گی، مسلمان امام مہدی کی تلاش میں سرگرداں ہوں گے تا کہ ان مصائب کے دفعیہ کے موجب ہوں اور دشمن کے پنجے سے نجات دلائیں۔ ایک اور حدیث اس کی خوب وضاحت کرتی ہے۔ سیدنا ثوبانؓ نے روایت کی ہے کہ رسول اللہؐ نے فرمایا کہ ایک ایسا زمانہ آنے والا ہے کہ جس میں کفار ایک دوسرے کو ممالک اسلامیہ پر قابض ہونے کے لیے اس طرح مدعو کریں گے جیسے دستر خوان پر کھانے کو ایک دوسرے کو بلاتے ہیں، کسی نے عرض کیا یا رسول اللہ کیا اس وقت ہماری تعداد قلیل ہوگی، فرمایا نہیں بلکہ اس وقت تم کثرت سے ہو گے، لیکن ایسے بے بنیاد جیسے رو کے سامنے خش و خاشاک اور تمہارا رعب داب دشمنوں کے دلوں سے اُٹھ جائے گا اور تمہارے دلوں میں وہن پڑ جائے گا۔ ایک صحابی نے عرض کیا حضورؐ وہن کیا چیز ہے۔ آپؐ نے فرمایا تم دنیا کو دوست رکھو گے اور موت سے خوف کرو گے۔ (ابودائود، امام احمد بہقی) آپ اس میں کوئی دورائے ہرگز نہیں کہ مسلم حکمرانوں میں عیش و عشرت نے موت کا خوف غالب کردیا ہے۔ اور اس وقت دنیا میں مسلم ریاستوں اور مسلمانوں کی تعداد اتنی کثرت سے ہے کہ شاید کبھی نہ تھی۔ مگر ان کا رعب داب جو ماضی میں کفر پر لرزہ طاری کرتا تھا اب وہ مغلوب کفر ہوگیا ہے۔ مسلم جن کی ٹھوکر سے دو نیم صحرا و دریا ہوا کرتے تھے اب مسلکوں میں بٹ کر ایک دوسرے سے دست و گریبان ہو کر نوالہ تر بن چکے ہیں اور کفر کی سہولت کاری پر فخر کررہے ہیں۔
شام میں پراسرار تبدیلی اور اب عرب ممالک کی بھاگ دوڑ اس معرکہ کی خبر دے رہی ہے کہ امام مہدی کی آمد آمد ہے۔ جن کی قیادت باسعادت میں افواج عرب کا اجتماع ہوگا اور صحیح مسلم کی روایت کے مطابق عیسائی دنیا بھر سے فوج کو جمع کرکے امام مہدی سے مقابلہ میں شام کو مرکز بنائیں گے اور امام مہدی مکہ سے کوچ فرما کر مدینہ پہنچیں گے اور زیارت رسولؐ کی زیارت کے بعد شام کی جانب روانہ ہوں گے۔ دمشق کے قریب و جوار میں عیسائیوں کی فوج سے آمنا سامنا ہوگا اور اس وقت امام مہدی کی فوج کے تین گروہ ہوجائیں گے ایک گروہ نصاریٰ کے خوف سے بھاگ جائے گا، اللہ ان کی توبہ ہرگز قبول نہ فرمائے گا۔ باقی ماندہ فوج میں سے کچھ تو شہید ہو کر بدر واحد کے شہید کے مراتب کو پہنچیں گے اور کچھ بتوفیق ایزدی فتح یاب ہو کر ہمیشہ کے لیے گمراہی اور انجام بد سے چھٹکارہ پالیں گے۔ امام مہدی دوسرے روز پھر عیسائیوں (نصاریٰ) کے مقابلے میں نکلیں گے اس روز مسلمانوں کی ایک بڑی جمعیت عہد کرے گی کہ بغیر فتح یا شہادت کے میدان جنگ سے نہ پلیٹیں گے پس یہ کل کے کل شہید ہوجائیں گے۔ یوں ہی تیسرے دن ایک اور جمعیت مسلمانوں کی قسم کھا کر شہید ہوجائے گی۔ چوتھے روز امام مہدی رسد گاہ کی محافظ جماعت کو لے کر جو تعداد میں بہت کم ہوگی۔ دشمن سے نبرد آزما ہوں اور اللہ ان کو فتح مبین عطا کرے گا۔ عیسائی اس قدر قتل و غارت ہوں گے کہ باقیوں کے دماغ سے حکومت کی بُو تک نکل جانے وہ ذلت رسوائی سے بھاگیں گے مسلمان ان کا تعاقب کرکے اکثر کو واصل جہنم کریں گے۔
.ذریعہ: Jasarat News
کلیدی لفظ: جائے گا شہید ہو گے اور
پڑھیں:
میٹا کے سربراہ زکربرگ کا ہالووین لُک وائرل، رومن بادشاہ بن کر انٹری
میٹا کے سربراہ مارک زکربرگ نے ہالووین 2024 کے موقع پر اپنے خاندان کے ساتھ رومن تھیم والے لباس میں تصویر شیئر کرتے ہوئے سوشل میڈیا پر دھوم مچا دی۔ انسٹاگرام پر پوسٹ کی گئی تصویر میں زکربرگ نے بتایا کہ اس بار ہالووین کا تھیم انہوں نے خود منتخب کیا۔
یہ بھی پڑھیں: مارک زکربرگ کا مارک زکربرگ کیخلاف مقدمہ، امریکا میں حیران کن قانونی جنگ
زکربرگ نے لکھا کہ وہ کم ہی ایسا موقع پاتے ہیں جب وہ خود لباس کا موضوع طے کریں، لیکن جب بھی ایسا ہوتا ہے تو وہ اسے رومن ہی رکھتے ہیں۔ مزید یہ بھی لکھا کہ اگر مارس سلائیڈز پہنتا تو وہ ایڈیڈاس ہی ہوتے۔
View this post on Instagram
A post shared by Mark Zuckerberg (@zuck)
سوشل میڈیا پر جاری کردہ تصویر میں مارک زکربرگ کو سنہری ہیلمٹ، سرخ کیپ، سفید ٹیونک اور روایتی رومن آرمر میں دیکھا جا سکتا ہے جبکہ ان کی اہلیہ پرسِلا چان بیج رنگ کے رومن لباس میں کھلونوں کی کمان اور ایک فاؤن تھامے ہوئے نظر آئیں۔ ان کی بیٹیاں میکسیما چان، آگسٹ چان اور اوریلیا چان زکربرگ بھی اسی تھیم کے مطابق تیار ہوئیں۔
یہ بھی پڑھیں: بانی فیس بک مارک زکربرگ دنیا کے تیسرے امیر ترین شخص بن گئے
زکربرگ نے اپنی انسٹاگرام اسٹوری میں ہالووین کے لباس میں موبائل فون استعمال کرتے ہوئے ایک اور تصویر بھی شیئر کی اور ساتھ لکھا کہ مارس کے لیے میسیجنگ کا ایک عام دن۔
یہ بھی قابلِ ذکر ہے کہ گزشتہ سال زکربرگ نے کیانو ریوز کے مشہور کردار جان وِک کے روپ میں آ کر سوشل میڈیا پر خاصی توجہ حاصل کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آگسٹ چان اوریلیا چان زکربرگ رومن شہنشاہ مارک زکربرگ میٹا میکسیما چان ہالووین
اسلام آباد کی طرف کسی نے میلی آنکھ سے دیکھا تو آنکھیں نکال دیں گے،خواجہ آصف