رنویر الہ آبادیہ کو کام ملنا بند ہوگیا؟ رونے کی وائرل ویڈیو کا سچ کیا ہے؟
اشاعت کی تاریخ: 14th, February 2025 GMT
بھارتی کامیڈین رنویر الہ آبادیہ کے یوٹیوب شو ’’انڈیاز گوٹ لیٹنٹ‘‘ میں کیے گئے متنازعہ سوال کے بعد سوشل میڈیا پر ان کے رونے کی ایک ویڈیو وائرل ہے۔
وائرل ویڈیو اس دعوے کے ساتھ شیئر کرائی جارہی ہے کہ رنویر الہ آبادیہ حالیہ تنازعے کے بعد کام نہ ملنے سے پریشان ہیں اور اس بات پر رو رہے ہیں۔
ویڈیو میں بیئر بائیسپس کے خالق رنویر الہ آبادیہ کہہ رہے ہیں، ’’مجھے ایسا لگ رہا ہے کہ میں قصوروار ہوں۔‘‘ یہ ویڈیو سوشل میڈیا پر بڑے پیمانے پر شیئر کی جا رہی ہے، جسے ان کے حالیہ قانونی مسائل کا ردعمل سمجھا جارہا ہے۔
ویڈیو میں دیکھا جاسکتا ہے کہ رنویر روتے ہوئے کہہ رہے ہیں ’’مجھے اس لیے برا لگ رہا ہے کیونکہ سارا کام بند ہوگیا ہے۔ مجھے ایسا لگ رہا ہے کہ میں قصوروار ہوں۔ میں نے پوری ٹیم کو اس طرح بے نقاب کردیا۔ میری وجہ سے سارا کام بند ہوگیا ہے۔‘‘
ویڈیو کی حقیقت کیا ہے؟
اگرچہ بہت سے سوشل میڈیا صارفین اس ویڈیو کو رنویر کے حالیہ قانونی مسائل کا ردعمل سمجھ رہے ہیں، لیکن حقیقت یہ ہے کہ یہ ویڈیو پرانی ہے۔
رنویر نے یہ ویڈیو تین سال پہلے کورونا وائرس کی تشخیص کے بعد شیئر کی تھی۔ آٹھ منٹ کی اس ویڈیو کا آغاز رنویر کے کورونا ٹیسٹ سے ہوتا ہے، جس کے بعد وہ کہتے ہیں، ’’ہائے دوستو، میں نے ابھی کورونا کا ٹیسٹ کروایا ہے اور نتیجہ مثبت آیا ہے۔‘‘
واضح رہے کہ رنویر الہ آبادیہ نے سمے رائنا کے شو ’’انڈیاز گوٹ لیٹنٹ‘‘ پر والدین کے بارے میں ایک نازیبا مذاق کیا تھا، جسے بہت سے لوگوں نے ’’غیر ذمہ دارانہ اور غیر اخلاقی‘‘ قرار دیا تھا۔ اس واقعے کے بعد ہندوستانی حکومت کی ہدایت پر یوٹیوب انڈیا نے اس ایپی سوڈ کو ہٹادیا تھا۔
بعد ازاں رنویر الہ آبادیہ نے پیر کو ایک ویڈیو شیئر کرتے ہوئے اپنی غلطی تسلیم کرتے ہوئے معافی مانگی تھی۔ کی اور معافی مانگی۔
انہوں نے کہا تھا کہ ’’میرا تبصرہ نہ صرف نامناسب تھا، بلکہ یہ مزاحیہ بھی نہیں تھا۔ مزاح میرا میدان نہیں ہے۔ میں صرف معافی مانگنے کےلیے یہاں ہوں۔ بہت سے لوگوں نے پوچھا کہ کیا میں اپنے پلیٹ فارم کو اس طرح استعمال کرنا چاہتا ہوں، اور ظاہر ہے کہ میں ایسا نہیں کرنا چاہتا۔ میں جو کچھ ہوا اس کے پیچھے کوئی جواز یا وجہ نہیں دوں گا۔‘‘
رنویر کی معافی مانگنے کی یہ ویڈیو تو حالیہ تھی لیکن کام نہ ملنے پر رونے والی ویڈیو کا حالیہ واقعے سے کوئی تعلق نہیں بلکہ یہ ایک پرانی ویڈیو ہے جسے غلط معلومات کے ساتھ شیئر کیا جارہا ہے۔
ذریعہ: Express News
کلیدی لفظ: یہ ویڈیو رہے ہیں کے بعد
پڑھیں:
ڈان 3 میں رنویر سنگھ کیساتھ ہیروئن کون ہوگی؟ نام سامنے آگیا
بالی ووڈ کی ایکشن تھرلر فرنچائز ڈان کی تیسری فلم میں مرکزی کردار کیلئے اداکارہ کا انتخاب کرلیا گیا۔
بھارتی میڈیا کے مطابق خوبرو اور فٹنس کیلئے مشہور اداکارہ کریتی سینن کو فلم ’ڈان 3‘ میں مرکزی کردار ادا کرنے کے لیے منتخب کرلیا گیا ہے جو ڈان کا کردار ادا کرنے واکے رنویر سنگھ کے ساتھ پہلی مرتبہ اسکرین شیئر کریں گی۔
سال 2024 میں بھارتی میڈیا نے خبر دی تھی کہ رنویر سنگھ کو ’ڈان‘ فرنچائز کے تیسرے ڈان کے طور پر کاسٹ کیا گیا ہے، جو امیتابھ بچن اور شاہ رخ خان کے بعد یہ کردار نبھائیں گے۔ اس کے بعد فلم ’ڈان 3‘ کا باضابطہ اعلان کیا گیا، جس میں فرحان اختر ایک دہائی بعد بطور ہدایتکار واپسی کریں گے۔
View this post on InstagramA post shared by Pinkvilla (@pinkvilla)
پہلے فلم میں کیارا اڈوانی کو مرکزی اداکارہ کے طور پر کاسٹ کیا گیا تھا، لیکن اپنے حمل کی وجہ سے وہ اس پراجیکٹ سے الگ ہو گئیں۔ اب بھارتی میڈیا نے خصوصی طور پر اطلاع دی ہے کہ کریتی سینن ’ڈان 3‘ میں مرکزی کردار کے لیے سب سے مضبوط امیدوار ہیں اور وہ جلد ہی معاہدے پر دستخط کرنے والی ہیں۔
بھارتی کے ذرائع کے مطابق فلم کی شوٹنگ زیادہ تر یورپ میں ہوگی اور مقامات پہلے ہی فائنل کر لیے گئے ہیں۔ فلم کا اسکرپٹ مکمل ہو چکا ہے اور ایکشن مناظر کے لیے بین الاقوامی اسٹنٹ ٹیم کے ساتھ مشاورت جاری ہے۔ شوٹنگ کا آغاز اکتوبر یا نومبر 2025 میں متوقع ہے۔
وزارت مذہبی امور کا پرائیویٹ حج کرنے والوں کے لئے بڑا اعلان