پولیس نے مصطفیٰ عامر کی لاش کیسے تلاش کی؟
اشاعت کی تاریخ: 14th, February 2025 GMT
ایک ماہ قبل تاوان کی غرض سے کراچی سے اغوا کیے جانے والے ایک نوجوان مصطفیٰ عامر کی لاش تلاش کرلی گئی اور پولیس اغواکاروں تک پہنچ بھی چکی ہے۔
یہ بھی پڑھیں: کراچی: بچے کا اغوا کے بعد قتل، زیادتی کی تصدیق
ڈی آئی جی سی آئی اے مقدس حیدر کا کہنا ہے کہ مصطفیٰ عامر کے اغوا کیس میں ایک ملزم گرفتار کیا گیا ہے۔ ان کا مزید کہنا ہے کہ جنوری کے مہینے میں مصطفیٰ عامر لاپتا ہوئے جس کے بعد ساؤتھ پولیس نے ان کو ڈھونڈنے کی کوشش کی اور اسی دوران مصطفیٰ کی والدہ کو تاوان کی کال بھی موصول ہوئی۔
مقدس حیدر نے کہا کہ سی آئی اے اور سی پی ایل سی نے تحقیقات شروع کیں اور کراچی کے علاقے ڈی ایچ اے میں ریڈ کیا جس کے نتیجے میں ایک ملزم کو گرفتار کیا گیا تاہم اس کارروائی میں ایک ڈی ایس پی اور پولیس اہلکار زخمی ہوئے۔
انہوں نے بتایا کہ ملزم کے قبضے سے مغوی کا موبائل فون ملا جس کے بعد پولیس نے حساس ادارے کی مدد سے شیراز بخاری کو گرفتار کیا۔
ان کا کہنا تھا کہ اس اہم گرفتاری سے مغوی کے قتل کے بارے میں اہم معلومات ملی ہیں۔
مزید پڑھیے: کراچی: مشروب ساز کمپنی کے مالک کے اغوا کا مقدمہ داخل دفتر
ڈی آئی جی کے مطابق مصطفیٰ عامر جس دن لاپتا ہوا اس رات وہ اپنے ایک دوست ارغامان کے گھر گیا تھا جہاں جھگڑا اور فائرنگ ہوئی جس کے بعد مغوی کو حب کے علاقے میں پھینک دیا گیا۔
مقدس حیدر نے بتایا کہ ارغمان کے گھر میں موجود کارپٹ پر خون کے نشانات بھی موجود ہیں جبکہ حب کی حدود میں لاش کو گاڑی سمیت جلا دیا گیا تھا۔
ڈی آئی جی نے بتایا کہ ارغامان کرپٹو کرنسی کا کام کرنے والا ارغامان اور مصطفیٰ عامر دونوں دوست تھے اور نیو ائیر کو بھی ان کی کوئی چپقلش ہوئی تھی تاہم تنازعے کی وجہ معلوم نہیں ہوسکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی اغوا اور قتل کراچی قتل مصطفیٰ عامر قتل.ذریعہ: WE News
کلیدی لفظ: کراچی اغوا اور قتل کراچی قتل مصطفی عامر قتل کے بعد
پڑھیں:
لاہور تا راولپنڈی ریل کار کے نئے ریک کا افتتاح
ویب ڈیسک:پاکستان ریلوے نے لاہور سے راولپنڈی کے درمیان چلنے والی ریل کار کے نئے ریک کا باضابطہ افتتاح کردیا۔
افتتاحی تقریب میں چیف ایگزیکٹو آفیسر ریلوے عامر علی بلوچ نے شرکت کی اور نئی بوگیوں کا معائنہ کیا۔
ریلوے حکام کے مطابق ریل کار کے نئے ریک کو دشوار گزار راستوں پر موجود ٹریک سے گزارنے کے لیے بوگیوں کو ری فربش کیا گیا ہے۔
بوگیوں میں مسافروں کی سہولت کے لیے کھانے پینے کی اشیاء، ابتدائی طبی امداد کے لیے ادویات، اور صفائی ستھرائی کا خاص انتظام کیا گیا ہے۔
لاہور :ڈمپر نے موٹر سائیکل کو کچل دیا، 3 افراد جاں بحق
افتتاح کے موقع پر سی ای او ریلوے عامر علی بلوچ نے کہا کہ مزید ٹرینوں میں بھی سہولیات فراہم کی جارہی ہیں۔ کھانے پینے کی اشیاء سے لے کر صفائی اور طبی امداد تک بہترین انتظامات کیے گئے ہیں۔
انہوں نے کہا کہ ریل کا سفر آج بھی دیگر ٹرانسپورٹ ذرائع کے مقابلے میں سستا اور محفوظ ہے۔ ہمارا اصل مقصد مسافروں کو جلد اور بحفاظت اُن کی منزل تک پہنچانا ہے۔
عامر بلوچ کا کہنا تھا کہ لوکو موٹو اور ٹریکس کی مرمت کا کام جاری ہے جبکہ انٹرنیشنل فنانسنگ کے ذریعے ٹریک کی اپ گریڈیشن بھی کی جا رہی ہے تاکہ مستقبل میں ٹرینوں کی رفتار اور سروس کے معیار میں مزید بہتری لائی جا سکے۔
موٹرسائیکل فلائی اوور سے نیچے گر گئی،سوارموقع پر جاں بحق
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟