مار پڑنا
شازیہ بھٹہ، ڈیرہ غازیخان
خواب : میں نے دیکھا کہ کہیں سڑک پہ لڑائی ہو رہی ہے اور میں اور میرے میاں بھی ادھر موجود ہیں اور جانے کوئی ہماری طرف کیا اشارہ کرتا ہے کہ سب لوگ ہماری طرف لپکتے ہیں اور ہم کو بہت مارتے ہیں ۔ میرے میاں بھی لوگوں کو مارتے ہیں مگر وہ تعداد میں زیادہ ہونے کی وجہ سے ہم کو مارتے ہی چلے جاتے ہیں اور ہم خود کو ان سے چھڑا نہیں سکتے ۔
تعبیر : اس خواب سے ظاہر ہوتا ہے کہ اللہ نہ کرے کوئی پریشانی غم یا خوف مسلط ہو سکتا ہے ۔کاروبار میں رکاوٹ آ سکتی ہے۔ رزق میں بھی اس کی وجہ سے کمی ہو سکتی ہے۔ آپ نماز پنجگانہ ادا کیا کریں اور کثرت سے یاحی یاقیوم کا ورد کیا کریں ۔
جوتا گندا ہونا
محمد اختر، لاہور
خواب : میں نے خواب دیکھا کہ میرے پاوں پہ انسانی گندگی لگ گئی ہے ۔ میں اپنا جوتاصاف کرنے کے لئے گھاس پہ رگڑتا ہوں ۔ وہاں پہ میرے دفتر کے کلرک بھی موجود ہیں ۔
تعبیر : اس خواب سے ظاہر ہوتا ہے کہ اللہ نہ کرے کسی ناگہانی پریشانی و صورتحال کا سامنا ہو سکتا ہے ۔ جس کی وجہ سے گھریلو کاروباری یا تعلیمی معاملات میں کوئی رکاوٹ آپ کے لئے پریشانی کا باعث بنے ۔ آپ نماز پنجگانہ کی پابندی کیا کریں اور کثرت سے یاحی یاقیوم کا ورد کیا کریں ۔
بیل سوکھنا
عبدالرحمان، ملتان
خواب : میں نے خواب دیکھا کہ میں اپنے دفتر کے باہر لگی انگور کی بیل کو حیران ہو کر دیکھ رہا ہوں کہ کل تک تو اتنی ہری بھری تھی اور اچھے خاصے خوشے بھی لٹک رہے تھے اور آج سوکھ گئی ہے ۔ میں اپنے مالی کو بلا کر بہت ڈانٹتا ہوں اور پھر دکھی ہو کر اپنے کمرے میں چلا جاتا ہوں ۔
تعبیر : اس خواب سے اندازہ ہوتا ہے کہ اللہ نہ کرے کسی پریشانی یا غم کا سامنا ہو سکتا ہے ۔ بیماری یا تعلیمی سلسلے میں کوئی رکاوٹ پیش آ سکتی ہے ۔ کاروباری معاملات میں بھی کوئی مسلہ پیش آ سکتا ہے ۔ آپ کوشش کریں کہ نماز پنجگانہ کی پابندی کریں اور حسب استطاعت صدقہ کیا کریں ۔
اخروٹ کا حلوہ بانٹنا
سرور خان، پشاور
خواب : میں نے خواب دیکھا کہ میں اپنے صحن میں بہت زیادہ اخروٹ لے کر بیٹھا ہوں ۔ اپنی بیوی کو دے رہا ہوں کہ میرے ساتھ مل کر ان کو سب لوگوں میں بانٹ دے اور میرے والدین کے لئے اس کا حلوہ بنا دے ۔ اس کے بعد اپنے سارے رشتے داروں کو وہ بھجواتا ہوں ۔
تعبیر : اچھا خواب ہے جو اس بات کو ظاہر کرتا ہے کہ اللہ تعالی کی مہربانی سے آپ کی عزت و وقار میں اضافہ ہو گا ۔ علم حاصل کرنے کی جانب توجہ ہو گی اور ذھن میں بزرگی آئے گی ۔گھر میں بھی آرام و سکون ملے گا ۔ اللہ کے گھر کی زیارت بھی ممکن ہے ۔ آپ نماز پنجگانہ ادا کیا کریں اور کثرت سے یاحی یاقیوم کا ورد کیا کریں ۔ ممکن ہو سکے تو کچھ صدقہ و خیرات بھی کیا کریں ۔
اڑتے ہوئے گرنا
رشیدہ بیگم، کراچی
خواب : میں نے دیکھا کہ جیسے میں ہوا میں تیرتی ہوئی کہیں اڑتی جا رہی ہوں اور میرے پیچھے کچھ پر نما چیز بھی موجود ہے اور میں تیزی سے ہوا میں دائیں بائیں گھوم رہی ہوں۔ اسی اثنا میں ایک بہت بڑا سا پرندہ میری طرف آتا ہے اور مجھے چونچ مارتا ہے جس سے میں ایک دم نیچے گہرائی کی طرف گرنے لگتی ہوں ۔ میں چیختے ہوئے خود کو گرنے سے روکنے کی کوشش کرتی ہوں مگر کوئی فائدہ نہیں ہوتا اور میں تیزی سے گرتی ہی چلی جاتی ہوں ۔
تعبیر : اس خواب سے اندازہ ہوتا ہے کہ اللہ نہ کرے کسی پریشانی یا غم کا سامنا ہو سکتا ہے ۔ بیماری یا تعلیمی سلسلے میں کوئی رکاوٹ پیش آ سکتی ہے۔ کاروباری معاملات میں کسی غیر یقینی صورتحال کا سامنا ہونے کا امکان ہے ۔آپ نماز پنجگانہ ادا کیا کریں اور کثرت سے ہر نماز کے بعد استغفار کیا کریں ۔ آپ کے لئے محفل مراقبہ میں دعا کرا دی جائے گی ۔ ممکن ہو تو کچھ صدقہ و خیرات کیا کریں ۔
دوستوں کے ساتھ پارٹی میں شرکت
ندیم وڑائچ، گوجرانوالہ
خواب : میں نے خواب دیکھا کہ میرے دوست مل کر کسی پارٹی میں گئے ہیں اور میں بھی ان کے ساتھ ہوں وہاں سب لوگ رقص میں مصروف ہیں ۔ میرے دوست مجھے بھی زبردستی ساتھ گھسیٹ لیتے ہیں۔ دل میں مجھے تھوڑی شرمندگی محسوس ہو رہی ہوتی ہے مگر اس کے باوجود میں رکتا نہیں ۔
تعبیر : یہ خواب اس بات کو ظاہر کرتا ہے کہ اللہ نہ کرے کوئی مشکل پیش آ سکتی ہے ۔ گھر کا ماحول بھی کچھ پریشان ہو سکتا ہے ۔ گھریلو سطح پہ تعلقات بھی متاثر ہو سکتے ہیں ۔ کاروبار میں بھی مشکل پیش آ سکتی ہے جس سے مال و وسائل میں کمی آ سکتی ہے۔ آپ یاحی یاقیوم کا زیادہ سے زیادہ ورد کیا کریں ۔ نماز پنجگانہ کی پابندی کیا کریں ۔
مسجد کی صفائی کرنا
احمد علی، کراچی
خواب : میں نے دیکھا کہ کسی چھوٹی سی مسجد میں صفائی کر کے کھانا سجا رہا ہوں اور اس کے بعد نمازیوں میں کچھ دینی کتب تقسیم کر رہا ہوں ۔ اس کے بعد میری آنکھ کھل گئی اور خواب کا اگلا حصہ یاد نہیں رہا ۔
تعبیر : اچھا خواب ہے جو اس بات کو ظاہر کرتا ہے کہ اللہ تعالی کی مہربانی سے آپ کی عزت و وقار میں اضافہ ہو گا ۔ علم حاصل کرنے کی جانب توجہ ہو گی اور ذھن میں بزرگی آئے گی ۔ گھر میں بھی آرام و سکون ملے گا ۔ اللہ کے گھر کی زیارت بھی ممکن ہے ۔ آپ نماز پنجگانہ ادا کیا کریں اور کثرت سے یاحی یاقیوم کا ورد کیا کریں ۔ ممکن ہو سکے تو کچھ صدقہ و خیرات بھی کیا کریں ۔
دعوت میں آگ لگنے سے بھگدڑ
عاشق حسین، فیصل آباد
خواب : میں نے خواب دیکھا کہ ہمارے گھر میں بہت سے مہمان ہیں جو شائد کسی دعوت کے سلسلے میں آئے ہیں ، پھر ایک دم پتہ نہیں کیسے وہاں آگ لگ جاتی ہے سب لوگ جلدی سے باہر نکلنے کی کوشش کرتے ہیں ، مگر الٹا وہاں رش کی وجہ سے کوئی باہر نہیں نکل پاتا ، وہاں کافی خوفناک صورتحال ہو جاتی ہے اور لوگوں اور بچوں کے شور سے بالکل کسی کو کسی کی بات سمجھ نہیں آ رہی ہوتی ۔
تعبیر : اس خواب سے اندازہ ہوتا ہے کہ اللہ نہ کرے کسی پریشانی یا غم کا سامنا ہو سکتا ہے ۔ بیماری یا تعلیمی سلسلے میں کوئی رکاوٹ پیش آ سکتی ہے ۔ کاروباری معاملات میں کسی غیریقینی صورتحال کا سامنا ہونے کا امکان ہے ۔ آپ نماز پنجگانہ ادا کیا کریں اور کثرت سے ہر نماز کے بعد استغفار کیا کریں ۔ آپ کے لئے محفل مراقبہ میں دعا کرا دی جائے گی ۔ ممکن ہو تو کچھ صدقہ و خیرات کیا کریں۔
گھر سے مٹی اٹھا کر باہر پھینکنا
جمیل منصور، اسلام آباد
خواب : میں نے دیکھا کہ میرا سارا گھر مٹی سے بھرا ہوا ہے اور میں اپنی بہن کے ساتھ مل کر اس کو اٹھا اٹھا کر بابر پھینک رہا ہوں ۔ مگر ہر جگہ جیسے کسی نے ٹرک بھر بھر کر پھینکی ہو ایسا محسوس ہوتا ہے ۔
تعبیر : اس خواب سے ظاہر ہوتا ہے کہ اللہ نہ کرے کوئی پریشانی غم یا خوف مسلط ہو سکتا ہے۔ کاروبار میں رکاوٹ آ سکتی ہے ۔ رزق میں بھی اس کی وجہ سے کمی ہو سکتی ہے ۔ آپ نماز پنجگانہ ادا کیا کریں اور کثرت سے یاحی یاقیوم کا ورد کیا کریں ۔
بیڈ کے نیچے سانپ
روبینہ خان ، پشاور
خواب : میں نے خواب دیکھا کہ میرے بیڈ کے پاس کچھ سانپ بل کھائے بیٹھے ہیں اور میں یہ سوچ رہی ہوں کہ آخر میری سہیلی نے ان کو میرے گھر بھیج ہی دیا۔ مگر میں ان کے خوف کی وجہ سے نیچے نہیں اتر پا رہی اور وہیں پتھر بنی بیٹھی رہتی ہوں۔
تعبیر: اس خواب سے ظاہر ہوتا ہے کہ کوئی دشمن نقصان پہنچانے کی کوشش کر رہا ہے۔ ممکن ہے کہ وہ اپنی اس کوشش میں کامیاب ہو جائے ۔ جس کی وجہ سے گھریلو کاروباری یا تعلیمی معاملات میں کوئی رکاوٹ آپ کے لئے پریشانی کا باعث بنے ۔ آپ نماز پنجگانہ کی پابندی کیا کریں اور کثرت سے یاحی یاقیوم کا ورد کیا کریں ۔
تنگ و تاریک جگہ
نثار لالی، سرگودھا
خواب :میں نے دیکھا کہ کوئی تنگ و تاریک جگہ ہے جیسے کوئی قبر نما جگہ ہو جہاں میں ہوں وہاں میرا دل بہت زیادہ گھبرا رھا ہے۔ جیسے سانس رکتے وقت محسوس ہوتا ہے ۔ میں آواز دینے کی کوشش کرتا ہوں مگر گلے سے کوئی آواز نہیں نکلتی ۔ وقت گزرنے کے ساتھ ساتھ میری حالت مزید خراب ہوتی چلی جاتی ہے۔
تعبیر : اس خواب سے اندازہ ہوتا ہے کہ اللہ نہ کرے کسی پریشانی یا غم کا سامنا ہو سکتا ہے ۔ بیماری یا تعلیمی سلسلے میں کوئی رکاوٹ پیش آ سکتی ہے ۔ کاروباری معاملات میں بھی کوئی مسلہ پیش آ سکتا ہے ۔ آپ کوشش کریں کہ نماز پنجگانہ کی پابندی کریں اور حسب استطاعت صدقہ کیا کریں ۔
پودے لگانا
محمد طاہر، حیدر آباد
خواب : میں نے خواب دیکھا کہ میں بہت سارے گلاب کے پھول اور پودے لے کر آیا ہوں کہ اپنے گھر کے ساتھ ساتھ آس پاس کے علاقے میں بھی لگاوں گا، میرے ساتھ میرے کچھ دوست بھی ہیں جو ہر جگہ پودے لگا رہے ہیں ۔
خواب : اچھا خواب ہے جو اس بات کو ظاہر کرتا ہے کہ اللہ تعالی کی مہربانی سے آپ کی عزت و وقار میں اضافہ ہو گا ۔ علم حاصل کرنے کی جانب توجہ ہو گی اور ذھن میں بزرگی آئے گی ۔ گھر میں بھی آرام و سکون ملے گا ۔ اللہ کے گھر کی زیارت بھی ممکن ہے ۔ آپ نماز پنجگانہ ادا کیا کریں اور کثرت سے یاحی یاقیوم کا ورد کیا کریں ۔ ممکن ہو سکے تو کچھ صدقہ و خیرات بھی کیا کریں ۔
چھت سے گرنا
غلام عباس، گجرات
خواب : میں نے دیکھا کہ میں کسی اونچی بلڈنگ پہ کھڑا ہوں اور جانے کیسے گر جاتا ہوں ۔ میں بہت چیختا چلاتا ہوں مگر پکڑنے کے لئے کچھ ہاتھ نہیں آتا ۔ شائد میں زمیں پہ گر جاتا ہوں، اب یہ مجھے یاد نہیں ۔
تعبیر : اس خواب سے اندازہ ہوتا ہے کہ اللہ نہ کرے کسی پریشانی یا غم کا سامنا ہو سکتا ہے ۔ بیماری یا تعلیمی سلسلے میں کوئی رکاوٹ پیش آ سکتی ہے ۔ دشمن کے غالب آنے کا خدشہ ہے ۔کاروباری معاملات میں کسی غیریقینی صورتحال کا سامنا ہونے کا امکان ہے ۔آپ نماز پنجگانہ ادا کیا کریں اور کثرت سے ہر نماز کے بعد استغفار کیا کریں ۔ آپ کے لئے محفل مراقبہ میں دعا کرا دی جائے گی ۔ ممکن ہو تو کچھ صدقہ و خیرات کیا کریں ۔
خراب پیاز
نذیر بوسال، منڈی بہاؤالدین
خواب : میں نے خواب دیکھا کہ ہم نے منڈی سے بہت سارا پیاز خریدا ہے جو گھر آ کر دیکھا تو گندا بھی تھا اور بدبو دار بھی۔ خود کو پریشان دیکھتا ہوں کہ اتنا پیسہ لگانے کے بعد مجھے اتنا نقصان اٹھانا پڑا ۔
تعبیر : یہ خواب اس بات کو ظاہر کرتا ہے کہ اللہ نہ کرے کوئی مشکل پیش آ سکتی ہے۔گھر کا ماحول بھی کچھ پریشان کن ہو سکتا ہے ۔ گھریلو سطح پہ تعلقات بھی متاثر ہو سکتے ہیں۔ کاروبار میں بھی مشکل پیش آ سکتی ہے جس سے مال و وسائل میں کمی آ سکتی ہے ۔ آپ یاحی یاقیوم کا زیادہ سے زیادہ ورد کیا کریں ۔ نماز پنجگانہ کی پابندی کیا کریں۔
گلاب کے پھول
سہیل رانا، مریدکے
خواب : میں نے دیکھا کہ ہمارے گھر بہت بڑے بڑے گلاب کے پھول کھلے ہیں جن کی خوشبو بہت زیادہ دل و دماغ کو معطر کر رہی ہے ۔ میری والدہ کا نماز کا تخت بھی ادھر رکھا ہے کہ معطر ماحول میں عبادت کی جا سکے ۔
تعبیر : اچھا خواب ہے جو اس بات کو ظاھر کرتا ھے کہ اللہ تعالی کی مہربانی سے آپ کی عزت و وقار میں اضافہ ہو گا ۔ علم حاصل کرنے کی جانب توجہ ہو گی اور ذھن میں بزرگی آئے گی ۔ گھر میں بھی آرام و سکون ملے گا ۔ اللہ کے گھر کی زیارت بھی ممکن ہے ۔آپ نماز پنجگانہ ادا کیا کریں اور کثرت سے یاحی یا قیوم کا ورد کیا کریں ۔ ممکن ہو سکے تو کچھ صدقہ و خیرات بھی کیا کریں ۔
آندھی میں کچھ دکھائی نہ دینا
نیلوفر خان، کوئٹہ
خواب : میں نے دیکھا کہ بہت شدید آندھی ہے اور مٹی بہت زیادہ اڑ رہی ہے۔ میں چھت پہ کھڑی ہوں مگر مجھے شدید آندھی کی وجہ سے دروازہ نہیں مل رہا ۔ میں زور زور سے اپنی امی کو آواز دیتی ہوں مگر وہ بھی جانے کہاں ہیں کہ مجھے کوئی آواز سنائی نہیں دیتی۔
تعبیر : اس خواب سے اندازہ ہوتا ہے کہ اللہ نہ کرے کسی پریشانی یا غم کا سامنا ہو سکتا ہے ۔ بیماری یا تعلیمی سلسلے میں کوئی رکاوٹ پیش آ سکتی ہے ۔ کاروباری معاملات میں کسی غیریقینی صورتحال کا سامنا ہونے کا امکان ہے ۔آپ نماز پنجگانہ ادا کیا کریں اور کثرت سے ہر نماز کے بعد استغفار کیا کریں ۔آپ کے لئے محفل مراقبہ میں دعا کرا دی جائے گی ۔ ممکن ہو تو کچھ صدقہ و خیرات کیا کریں ۔
کمرہ سامان سے بھرا ہوا
ناصرہ عباسی، راولپنڈی
خواب : میں نے خواب دیکھا کہ میں اپنے گھر میں بہت زیادہ اجناس دالیں وغیرہ اکٹھی کر رہی ہوں اور اپنے بھائی سے کہہ رہی ہوں کہ وہ سارے پیسے بھی ادھر لا کر جمع کر لے ۔ خواب میں پورا کمرہ ہی چیزوں سے بھرا ہوا تھا مگر میرا دل مزید سامان لا کر رکھنے کو کر رہا تھا، پھر میں اپنے بھائی کو بلاتی ہوں کہ میرے ساتھ مل کر جگہ بنائے تا کہ ھم اور سامان رکھ سکیں ۔
تعبیر : یہ خواب ظاہر کرتا ہے کہ آپ کا دماغ بہت زیادہ دنیا داری میں لگا ہوا ہے ۔ اور زیادہ تر وقت پیسوں اور دنیا کے متعلق سوچتے ہوئے گزرتا ہے ۔ بہتر ہے کہ اس دنیا داری سے ذھن نکال کر اللہ کی طرف دھیان لگائیں ۔ نماز پنجگانہ کی پابندی کریں ۔ رات کو سونے سے پہلے سیرت النبی کا مطالعہ کیا کریں جو کہ ہمارے لئے مشعل راہ ہے ۔ کثرت سے یاحی یاقیوم کا ورد کیا کریں ۔
والدہ دودھ کا گلاس دیتی ہیں
رشیدہ خاتون، کراچی
خواب : میں نے دیکھا کہ میری والدہ نے مجھے دودھ کا گلاس دیا ہے مگر وہ ذائقے میں بہت ہی خراب اور بدبو دار ہے ۔ میں اپنی بہن کو کہتی ھوں کہ اس کو چکھ کر دیکھو کتنا بد ذائقہ ہے مگر وہ پینے سے انکار کر دیتی ہے ۔ میں اپنی والدہ کے خوف سے پینے کی کوشش کرتی ہوں مگر مجھ سے پیا نہیں جاتا، عجیب کھٹا اور بدبودار ہوتا ہے ۔
تعبیر : اس خواب سے ظاہر ہوتا ہے کہ اللہ نہ کرے کوئی پریشانی غم یا خوف مسلط ہو سکتا ہے ۔کاروبار میں رکاوٹ آ سکتی ہے ۔ رزق میں بھی اس کی وجہ سے کمی ہو سکتی ہے ۔ آپ نماز پنجگانہ ادا کیا کریں اور کثرت سے یاحی یا قیوم کا ورد کیا کریں ۔
.ذریعہ: Express News
کلیدی لفظ: علم حاصل کرنے کی جانب توجہ ہو گی اور ذھن میں بزرگی ا ئے گی ا پ نماز پنجگانہ ادا کیا کریں اور کثرت سے یاحی ا پ کے لئے محفل مراقبہ میں دعا کرا دی جائے گی صورتحال کا سامنا ہونے کا امکان ہے نماز پنجگانہ کی پابندی کیا کریں کاروباری معاملات میں کسی صورتحال کا سامنا ہو کاروبار میں کی کوشش کر مشکل پیش ا بہت زیادہ کی وجہ سے میں اپنے اور میں رہا ہوں ہوں اور رہی ہوں ہوں مگر ہیں اور کہ میرے رکاوٹ ا سکتی ہے میں بہت کے ساتھ ہے اور مگر وہ ہوں کہ
پڑھیں:
لبنان میں کون کامیاب؟ اسرائیل یا حزب اللہ
اسلام ٹائمز: اسرائیل ایک ایسے سراب کا پیچھا کر رہا ہے، جو اسے فوری عسکری حل دکھاتا ہے، مگر حقیقت میں دوررس سیاسی و سماجی نتائج کو نظر انداز کرتا ہے۔ حزبِ اللہ وقتی دھچکوں کے بعد دوبارہ منظم ہونے اور عسکری و سیاسی سطح پر خود کو برقرار رکھنے کی صلاحیت رکھتی ہے۔ اگر امن چاہتے ہیں تو طاقت کے استعمال کی بجائے سیاسی تصورِ امن، لبنانی خود مختاری اور بین الاقوامی معاونت (اقتصادی و سیاسی) کو اولین ترجیح دی جانی چاہیئے۔ اس تمام تر صورتحال کا جائزہ لینے سے معلوم ہوتا ہے کہ امریکہ اور اسرائیل نے اربوں ڈالرز خرچ کرنے کے بعد بھی لبنان میں کچھ حاصل نہیں کیا، سوائے اس کے کہ عمارتوں کو تباہ کیا، شخصیات کو قتل کیا، لیکن فتح آج بھی حزب اللہ کی ہے، کیونکہ عقیدہ اور نظریہ آج بھی زندہ ہے اور پہلے سے زیادہ توانائیوں کے ساتھ میدان میں آنے کے لئے تیار ہے۔ یہی امریکہ اور اسرائیل کی شکست کا ثبوت ہے۔ تحریر: ڈاکٹر صابر ابو مریم
سیکرٹری جنرل فلسطین فائونڈیشن پاکستان
لبنان پر حالیہ اسرائیلی جارحیت اور جنگ بندی معاہدے کے بعد اسرائیلی خلاف ورزیوں میں روز بروز اضافہ دیکھا جا رہا ہے، ایسے حالات میں عالمی سطح پر مبصرین کے مابین ایک سوال اہمیت اختیار کرتا جا رہا ہے کہ کیا اسرائیل کو لبنان میں کامیابی نہیں ملی۔؟ حالانکہ امریکہ اور اسرائیل نے حزب اللہ لبنان کے اہم ترین کمانڈروں اور بالخصوص سید حسن نصراللہ اور سید ہاشم صفی الدین کو قتل کرنے کے بعد پوری دنیا کو یہی تاثر دیا ہے کہ حزب اللہ کو لبنان میں ختم کر دیا گیا ہے اور اب لبنان میں حزب اللہ کمزور ہوچکی ہے۔ ایسے حالات میں پھر اسرائیل کو مسلسل جنوبی لبنان اور دیگر علاقوں پر بمباری کی کیا ضرورت ہے۔؟ اس عنوان سے اسرائیلی مبصرین بعض اوقات لبنان کی موجودہ کشیدگی کو ایک سنگین صورتحال قرار دے رہے ہیں۔ اسرائیلی مبصرین کے مطابق اسرائیل پوری کوشش کر رہا ہے کہ وہ موجودہ صورتحال کو اپنے لئے ایک موقع میں تبدیل کرے اور یہ ایک ایسا موقع ہو، جس سے حتمی طور پر حزبِ اللہ کو کمزور یا غیر مسلح کیا جاسکے۔
اس تجزیہ کی بنیاد سے لگتا ہے کہ اس سے پہلے اسرائیل اور امریکہ کے کئے گئے دعوے سب کھوکھلے اور بے بنیاد ہیں۔ موجودہ صورتحال میں لبنان کا توازن یہ بتا رہا ہے کہ حزب اللہ بھرپور عوامی حمایت کی حامل ہے اور سیاسی سطح پر بھی اچھی پوزیشن میں ہے۔ اسی صورتحال کو دیکھتے ہوئے اسرائیل کے سابق میجر جنرل تامیر ہیمن نے کہا ہے کہ اسرائیلی فوج کے جنوبی لبنان اور دیگر ملحقہ علاقوں میں فضائی حملے ایک اچھی حکمتِ عملی نہیں ہیں، کیونکہ بمباری عمارتیں تباہ کر دیتی ہے، مگر نظریات اور سیاسی سرمایہ کو نیست و نابود نہیں کرتی۔ جنرل تامیر نے تاکید کے ساتھ کہا کہ اسرائیل عمارتوں اور شخصیات کو ختم کر رہا ہے، لیکن عقائد ختم نہیں کئے جا سکتے۔ اسرائیل کے حالیہ حملے خود اس کی اپنی عارضی کمزوری کی طرف اشارہ کر رہے ہیں، جبکہ مخالف قوتوں کو منظم ہونے، تجربات سے سیکھنے اور دوبارہ تیار ہونے کا عزم حاصل ہو رہا ہے۔
اسرائیلی مبصرین کا کہنا ہے کہ حزب اللہ نے ایک بڑی جنگ کا سامنا کیا ہے اور ابھی تک اسرائیلی جارحیت کا سامنا کر رہی ہے۔ اس تمام تر صورتحال میں ہمیشہ کی طرح اس مرتبہ بھی مشاہدہ کیا جا رہا ہے کہ حزب اللہ اپنی طاقت کو منظم کر رہی ہے اور جنگ میں ہونے والے نقصانات اور جنگی تجربات سے سبق حاصل کرکے آگے کے لئے مضبوط اور موثر حکمت عملی بنانے میں مصروف ہے۔ دوسری جانب اسرائیل ہے کہ جو صرف اپنی فضائی قوت کی برتری پر لبنان کے علاقوں پر بمباری کر رہا ہے، جو اب اس کے خلاف ایک سیاسی حکمت عملی بنتی چلی جا رہی ہے۔ حالیہ دنوں میں بلیدا (Blida) پر اسرائیلی حملے اور اس کے بعد صدر جوزف عون کی فوجی ردعمل کی ہدایت نے صورتحال کو مزید گرم کر دیا ہے۔ لبنانی صدر عون نے آئندہ کسی بھی اسرائیلی دراندازی کے خلاف فوج کو کارروائی کا حکم دیا ہے۔ حزبِ اللہ اور سیاسی حلقوں نے بھی سخت موقف اپنایا ہے۔
یہ واقعہ اس حقیقت کی طرف اشارہ ہے کہ کشمکش ابھی ختم نہیں ہوئی ہے۔ نہ صرف یہیبلکہ اسرائیلی جارحیت نے لبنان کے تمام حلقوں اور گروہوں کو اتحاد کی طرف پلٹنے کا بھی ایک موقع فراہم کیا ہے۔ اسرائیلی مبصرین نے مختلف ٹی وی چینلز پر بات کرتے ہوئے کہا ہے کہ میدانی رپورٹس بتاتی ہیں کہ اگرچہ حزبِ اللہ بعض علاقوں سے پیچھے ہٹ گئی تھی، لیکن وہ اپنی فوجی صلاحیتوں کو دوبارہ منظم کر رہی ہے۔ زمینی روٹس، ذخائر اور مقامی نیٹ ورکس کی بحالی کا کام بھی جاری ہے، جسے اسرائیل اور مغربی حلقے تشویش کا باعث قرار دے رہے ہیں۔ اس کا مطلب یہ ہے کہ محض فضائی بمباری سے بقاء کے مسائل حل نہیں ہوں گے۔
لبنانی حکومت اور فوج کو بین الاقوامی دباؤ کا سامنا ہے کہ وہ جنوبی علاقوں میں اسلحہ کی گزرگاہیں بند کریں یا مخصوص مقامات سے اسلحہ نکالا جائے، مگر یہ عمل داخلی سیاسی حساسیت اور وسائل کی کمی کی وجہ سے پیچیدہ ہے۔ فوج کا کردار پارٹیوں کے مابین توازن برقرار رکھنے تک محدود رہنے کا خدشہ ہے۔ لبنان کے اندرونی معاملات میں امریکی شرکت یا ساز باز کے شواہد بھی موجود ہیں، کیونکہ امریکہ اور اسرائیل جہاں ایک طرف جنگی کارروائیوں کی مدد سے حزب اللہ کو ختم کرنے کی کوشش کر رہے ہیں، وہاں ساتھ ساتھ سیاسی سطح پر مختلف سیاسی گروہوں کے ساتھ ساز باز کے ذریعے حزب اللہ کے اسلحہ کے خلاف اور سیاسی حیثیت پر بھی سوال اٹھانے کی کوشش کر رہے ہیں، لیکن نتیجہ یہ ہے کہ دونوں میدانوں میں ان کو کامیابی حاصل ہوتی دکھائی نہیں دیتی ہے۔
امریکہ اور اسرائیل کی موجودہ حکمت عملی یہی ہے کہ وہ کسی بھی طرح لبنان کو اندر سے کمزور کر دیں۔ اگر اسرائیل براہِ راست حزبِ اللہ کو عسکری طور پر ختم نہیں کرسکتا تو بعض مبصرین کہتے ہیں کہ وہ اب سیاسی اور سماجی انتشار پیدا کرکے لبنان کو اندر سے کمزور کرنے کی کوشش کر رہا ہے۔ لبنانی فوج کو الجھانا، معاشرتی تقسیم کو ہوا دینا اور بیرونی شراکت داری کے ذریعے مقامی تنازعات کو گرم رکھنا۔ یہ حکمتِ عملی خطرناک اور غیر مستحکم ہے، کیونکہ اس کے طویل مدتی نتائج پورے خطے میں تباہ کن ہوسکتے ہیں۔ کسی بھی مسئلہ کے حل کے لئے لمبے عرصے کے لیے امن سیاسی حل، اعتماد سازی اور معاشی استحکام کے منصوبوں کے بغیر حاصل نہیں ہوسکتا۔ فضائی مہمات اور بار بار کے حملے وقتی فتح دکھا سکتے ہیں، مگر وہ تنازعے کے بنیادی اسباب قبضہ، سلامتی کے توازن اور علاقائی مداخلت کو حل نہیں کرتے۔ بین الاقوامی اداروں کو فوجی دباؤ کے بجائے بحالی، ڈپلومیسی اور واضح سیاسی ڈھانچے کی حمایت پر زور دینا چاہیئے۔
خلاصہ یہ کہ اسرائیل ایک ایسے سراب کا پیچھا کر رہا ہے، جو اسے فوری عسکری حل دکھاتا ہے، مگر حقیقت میں دوررس سیاسی و سماجی نتائج کو نظر انداز کرتا ہے۔ حزبِ اللہ وقتی دھچکوں کے بعد دوبارہ منظم ہونے اور عسکری و سیاسی سطح پر خود کو برقرار رکھنے کی صلاحیت رکھتی ہے۔ اگر امن چاہتے ہیں تو طاقت کے استعمال کی بجائے سیاسی تصورِ امن، لبنانی خود مختاری اور بین الاقوامی معاونت (اقتصادی و سیاسی) کو اولین ترجیح دی جانی چاہیئے۔ اس تمام تر صورتحال کا جائزہ لینے سے معلوم ہوتا ہے کہ امریکہ اور اسرائیل نے اربوں ڈالرز خرچ کرنے کے بعد بھی لبنان میں کچھ حاصل نہیں کیا، سوائے اس کے کہ عمارتوں کو تباہ کیا، شخصیات کو قتل کیا، لیکن فتح آج بھی حزب اللہ کی ہے، کیونکہ عقیدہ اور نظریہ آج بھی زندہ ہے اور پہلے سے زیادہ توانائیوں کے ساتھ میدان میں آنے کے لئے تیار ہے۔ یہی امریکہ اور اسرائیل کی شکست کا ثبوت ہے۔
کوئٹہ، خاتون ٹیچر کے قتل میں ملوث مرکزی ملزم گرفتار