پاپ اسٹار شکیرا اسپتال میں داخل، کانسرٹ منسوخ
اشاعت کی تاریخ: 17th, February 2025 GMT
ویب ڈیسک—کولمبیا سے تعلق رکھنے والی معروف پاپ اسٹار شکیرا کو معدے میں تکلیف کے باعث لاطینی امریکہ کے ملک پرو کے ایک اسپتال منتقل کیا گیا ہے۔
گلوکارہ نے اپنے انسٹاگرام اکاؤنٹ پر جاری بیان میں بتایا کہ وہ معدے میں تکلیف کے باعث اسپتال میں داخل ہیں۔
انہوں نے مداحوں کو آگاہ کیا کہ ڈاکٹروں کی ہدایت کے مطابق وہ اس حالت میں اپنا کانسرٹ نہیں کر سکتیں۔
خبر رساں ادارے ‘ایسوسی ایٹڈ پریس’ کے مطابق گلوکارہ جمعے کی شام پرو کے دارالحکومت لیما پہنچی تھیں۔ یہاں وہ اتوار اور پیر کو پرفارم کرنے والی تھیں۔
گلوکارہ ان دنوں لاطینی امریکہ کے ٹور پر ہیں اور پرو ان کا دوسرا اسٹاپ تھا۔
شکیرا جب پرو پہنچی تھیں تو ان کے مداحوں کی بڑی تعداد مین ایئرپورٹ پر ان کے استقبال کے لیے پہنچے تھے۔
شکیرا نے رواں ماہ کے آغاز میں موسیقی کے سب سے بڑے ایوارڈز ‘گریمی’ میں بہترین لاطینی پاپ البم کا ایوارڈ اپنے نام کیا تھا۔
شکیرا نے اپنے چاہنے والوں سے کہا کہ وہ اور ان کی ٹیم شو کی اگلی تاریخ پر کام کر رہے ہیں اور اس سسے متعلق جلد آگاہ کریں گے۔
اس خبر میں شامل بعض معلومات ایسوسی ایٹڈ پریس سے لی گئی ہیں۔
.ذریعہ: Al Qamar Online
پڑھیں:
طالبات سے بھری وین میں آگ لگ گئی، ایک طالبہ جاں بحق، 8 زخمی
احمدپور شرقیہ: احمد پور ایسٹ ٹول پلازہ کے نزدیک طالبات سے بھری ہائی ایس وین میں اچانک آگ بھڑک اٹھی، جس کے نتیجے میں ایک طالبہ جاں بحق جب کہ 8 زخمی ہو گئیں۔
موٹروے پولیس کے ترجمان سید عمران احمد کے مطابق وین میں آگ شارٹ سرکٹ کے باعث لگی،جب گاڑی میں 18 طالبات سوار تھیں جو امتحان دے کر واپس جا رہی تھیں۔
حادثے کی اطلاع ملتے ہی موٹروے پولیس فوری طور پر موقع پر پہنچی اور طالبات کو وین سے نکالا گیا جب کہ زخمی طالبات کو موٹروے پولیس نے ریسکیو 1122 کی مدد سے تحصیل ہیڈ کوارٹر (ٹی ایچ کیو) اسپتال منتقل کر دیا، جہاں انہیں طبی امداد فراہم کی جا رہی ہے۔
موٹروے پولیس نے بعد ازاں جائے حادثہ کو محفوظ بناتے ہوئے ٹریفک کی روانی بحال کرائی۔ ترجمان کے مطابق حادثے کے فوراً بعد ڈرائیور موقع سے فرار ہو گیا، جس کی تلاش اور قانونی کارروائی جاری ہے۔
چیئرمین جوائنٹ چیفس آف اسٹاف کمیٹی کا دورہ آسٹریلیا