پاکستانی فلم ’قلفی‘ کا ٹیزر جاری
اشاعت کی تاریخ: 21st, February 2025 GMT
معروف اداکار شہروز سبزواری اور اداکارہ و ماڈل سعیدہ امتیاز کی فلم ’قلفی‘ کا ٹیزر ریلیز کر دیا گیا ہے جو ایکشن، کامیڈی، ڈرامہ اور سسپنس سے بھرپور ہے۔
فلم میں شہروز سبزواری، شامل خان، جاوید شیخ، معمر رانا، عدنان شاہ ٹیپو، سعیدہ امتیاز، مریم انصاری، لیلیٰ دستان، بابر علی، ولی حمید علی خان، مشہود قادری، ازمی، محمود اسلم اور فیصل نقوی جیسے سپر اسٹارز شامل ہیں۔
View this post on Instagram
A post shared by Qulfee- The Film (@qulfeeofficial)
فلم کا ٹیزر ایڈونچر سے بھرپور کہانی کی جھلک پیش کرتا ہے۔ ٹیزر کے علاوہ فلم کا ایک گانا بھی منظرِ عام پر آیا ہے جسے راحت فتح علی خان نے گایا ہے۔
ٹیزر سامنے آنے کے بعد صارفین شہروز سبزواری اور سعیدہ امتیاز کو تنقید کا نشانہ بنا رہے ہیں جس کی وجہ اس میں فلمائے گئے چند مناظر ہیں۔ صارفین کا کہنا ہے کہ یہ ڈریسنگ ہمارا کلچر نہیں ہے، جبکہ کئی صارفین کا کہنا تھا کہ یہ فلم بھی فلاپ ہی ہو گی۔
فلم کے پروڈیوسر مشہود قادری کہتے ہیں فلم قلفی صرف ایک فلم نہیں یہ ایک تجربہ ہے اور ہم شائقین کی پسند کو مد نظر رکھتے ہوئے پراسراریت، رومانس، ایکشن اور مزاح سب ایک چھت تلے اکھٹا کر کے دکھانا چاہتے ہیں۔ ان کا کہنا تھا کہ فلم کی تیاری مکمل ہے اور یہ جلد ریلیز کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعیدہ امتیاز شہروز سبزواری قلفی لالی ووڈ.ذریعہ: WE News
کلیدی لفظ: سعیدہ امتیاز شہروز سبزواری قلفی شہروز سبزواری سعیدہ امتیاز
پڑھیں:
پاکستانی فلم انڈسٹری کے نامور پروڈیوسر چوہدری کامران اعجاز انتقال کر گئے
لاہور:پاکستان فلم انڈسٹری کی معتبر شخصیت، نامور پروڈیوسر اور ڈسٹری بیوٹر چوہدری کامران اعجاز انتقال کر گئے۔
انہیں کچھ عرصہ قبل برین ہیمرج کا سامنا ہوا تھا، جس کا علاج جاری تھا لیکن وہ اس بیماری سے صحت یاب نہ ہو سکے۔
چوہدری کامران اعجاز نے اپنی زندگی میں کئی مشہور فلمیں تخلیق کیں جن میں "سلطنت", "بھائی لوگ" اور دیگر شامل ہیں۔
وہ پاکستان فلم انڈسٹری کی کئی تنظیموں کے صدر بھی رہے اور فلم انڈسٹری کے حوالے سے ان کی خدمات ہمیشہ یاد رکھی جائیں گی۔
رائل پارک کو چوہدری کامران اعجاز نے فلم انڈسٹری کے حوالے سے ایک اہم مرکز بنایا اور اس علاقے کو زندہ رکھا۔
ان کی وفات سے پاکستانی فلم انڈسٹری ایک عظیم شخصیت سے محروم ہوگئی ہے۔
چوہدری کامران اعجاز کی نماز جنازہ کا اعلان بعد میں کیا جائے گا۔ ان کی وفات پر ان کے مداحوں اور فلم انڈسٹری کے ساتھیوں میں گہرے رنج و غم کی لہر دوڑ گئی ہے۔
ویمنز ون ڈے رینکنگ، نشرح سندھو 10ویں پوزیشن پر پہنچ گئیں