خطے کی سب سے بڑی بین الاقوامی سولر پاکستان نمائش کا لاہور میں افتتاح
اشاعت کی تاریخ: 22nd, February 2025 GMT
فیکٹ ایگزیبیشنز کے زیر اہتمام خطے کی سب سے بڑی بین الاقوامی ’سولر پاکستان نمائش‘کا آغاز ہو گیا ۔ نمائش21 سے23 فروری تک ایکسپو سینٹر لاہور میں جاری رہے گی۔افتتاحی تقریب میں شاہ جہاں مرزا (ایم ڈی) پرائیویٹ پاور انفراسٹرکچر بورڈ وزارت توانائی نے شرکت کی اور پاکستان کے مستقبل میں قابل تجدید توانائی کے اہم کردار کو اجاگر کیا۔ انہوں نے کہا، سولر پاکستان ہماری قوم کی پائیداری کی طرف سفر میں ایک اہم قدم ہے۔ اس طرح کی نمائش اختراعات، سرمایہ کاری اور ماحولیاتی عمل کے لیے راہ ہموار کرتی ہیں۔ جو پاکستان کو صاف، سبز اور اقتصادی طور پر مضبوط بناتی ہے
فیکٹ ایگزیبیشنز کے سی ای او سلیم خان تنولی نے اس موقع پر کہا کہ” سولر پاکستان کا مقصد ملک میں سولر انرجی کے استعمال کو فروغ دینا ہے۔ پاکستان میں قابل تجدید توانائی کے شعبے میں سرمایہ کاری کے وسیع مواقع موجود ہیں اور اس نمائش کے ذریعے اسٹیک ہولڈرز کو مل کر کام کرنے کا موقع ملے گا۔ ان کا مزید کہنا تھا کہ یہ نمائش پاکستان کی توانائی کی ضروریات کو پورا کرنے کے لئے اہم سنگ میل ثابت ہو گی۔ “
تین روزہ نمائش میں 10 ممالک کی 350 سے زائد مقامی و بین الاقوامی کمپنیوں نے شرکت کی، جو کاروباری افراد، سرمایہ کاروں اور ماہرین صنعت کے لئے ایک طاقتور پلیٹ فارم فراہم کرتی ہے تاکہ وہ حکمت عملی کی بنیاد پر شراکت داریوں کو فروغ دیں اور صاف توانائی کے مستقبل کی تشکیل میں اہم کردار ادا کریں ۔سولر پاکستان نمائش ہمارے ملک کو روشن اور سرسبز مستقبل کی طرف لے جانے میں مددگار ثابت ہوگی۔
سولر پاکستان نمائش غیرملکی سرمایہ کاری میں اضافے کو فروغ دینے کے ساتھ ساتھ توانائی کی صنعت میں کارکردگی کو بڑھانے، تخلیقی صلاحیتوں کو پروان چڑھانے میں مدد فراہم کرےگی ۔
اشتہار
.ذریعہ: Al Qamar Online
پڑھیں:
پاکستان میں ’’گوو ڈونگ گروپ‘‘ کی سرمایہ کاری میں ایس آئی ایف سی کا اہم کردار
اسلام آباد:ایس آئی ایف سی کی جانب سے غیر ملکی سرمایہ کاری کے لیے ٹھوس اقدام کے باعث وفاقی وزیر برائے آئی ٹی اور ٹیلی کام شزہ فاطمہ خواجہ کی ’’چین کے گوو ڈونگ گروپ‘‘ کے وفد سے شنگھائی میں ملاقات ہوئی۔
گوو ڈونگ گروپ کا شمار چین کے مواصلاتی شعبے کی صف اول کی کمپنیوں میں ہوتا ہے۔ گروپ نے پاکستان میں ٹیلی کمیونیکیشن کے شعبے میں سرمایہ کاری پر دلچسپی کا اظہار کیا۔
گروپ ای وی چارجنگ اور توانائی کے شعبوں میں سرمایہ کاری پر بھی دلچسپی رکھتا ہے۔ گوو ڈونگ گروپ کے وفد کو اسلام آباد آنے کی دعوت دی گئی ہے۔
واضح رہے کہ ایس آئی ایف سی ملک میں سرمایہ کاری کی راہ ہموار کرنے میں کلیدی کردار ادا کر رہا ہے۔
اب صرف ‘ٹَیپ’ کریں اور کیش حاصل کریں، پاکستان میں نئی اے ٹی ایم سہولت متعارف