وہ فلم جسے دیکھنے کے بعد طلبا پڑھائی میں بدتر اور بدتمیز ہوگئے
اشاعت کی تاریخ: 25th, February 2025 GMT
فلمیں تفریح کے ساتھ سیکھنے کا ایک بہترین ذریعہ بھی ہیں لیکن کیا آپ جانتے ہیں کہ کچھ فلمیں ایسی بھی ہوتی ہیں جو سیکھنے والوں یا خاص طور پر طلبا کی زندگیوں پر منفی اثرات مرتب کرتی ہیں۔
حیدرآباد دکن کے ایک سرکاری اسکول کے استاد نے دعویٰ کیا ہے کہ الو ارجن کی فلم سیریز ‘پشپا’ کی وجہ سے طلباء کی تعلیمی کارکردگی اور رویے میں منفی تبدیلیاں آئی ہیں۔
بھارتی ریاست تلنگانہ کے علاقے یوسف گوڑا میں واقع اس اسکول کے استاد نے تعلیمی کمیشن کے سامنے میڈیا کے منفی اثرات پر تشویش کا اظہار کیا۔
استاد کا کہنا ہے کہ ‘پشپا’ فلم سیریز مقبول ثقافت کا حصہ بن چکی ہے لیکن اس کے اثرات طلباء پر منفی ہیں۔ انہوں نے بتایا کہ طلباء غیر مناسب ہیئر اسٹائل اپناتے ہیں اور بدتمیزی سے پیش آتے ہیں جو تعلیمی ماحول کے لیے نقصان دہ ہے۔
استاد نے والدین کی بے حسی پر بھی افسوس کا اظہار کیا اور کہا کہ جب ان مسائل پر بات کی جاتی ہے تو والدین توجہ نہیں دیتے جبکہ اس بیان پر انٹرنیٹ صارفین کی جانب سے بھی ملا جلا ردعمل سامنے آیا ہے۔ کچھ نے استاد کی بات سے اتفاق کیا جبکہ دیگر نے طنزیہ تبصرے کیے۔
TagsShowbiz News Urdu.
ذریعہ
ذریعہ: Al Qamar Online
پڑھیں:
بحرالکاہل میں ایل نینو سرگرم، پاکستان کے موسم پر کیا اثرات مرتب ہوں گے؟
— فائل فوٹومحکمۂ موسمیات نے بتایا ہے کہ بحرالکاہل میں ایل نینو سرگرم ہو رہا ہے، جس کے اثرات دنیا بھر کے موسموں پر پڑتے ہیں۔
محکمۂ موسمیات کے مطابق ایل نینو 2016ء کے بعد اب سرگرم ہو رہا ہے، جس کے باعث پاکستان میں معمول سےکم بارشیں ہو سکتی ہیں۔
محکمۂ موسمیات نے بتایا ہے کہ تھر پارکر ریجن سمیت سندھ میں رواں مون سون میں معمول سے کم بارشیں ہونے کا امکان ہے جب کہ ملک کے شمالی علاقوں میں مغربی ہواؤں کے سلسلے بارش کا سبب بنتے رہیں گے۔
امریکی موسمی ادارے کا کہنا ہے کہ رواں سال بحرِ اوقیانوس میں معمول سے کم طوفان متوقع ہیں۔
محکمۂ موسمیات کے مطابق کراچی میں آئندہ دنوں میں بھی موسم گرم اور مرطوب رہےگا، کراچی میں درجۂ حرارت 38 ڈگری سینٹی گریڈ تک رہ سکتا ہے۔
محکمۂ موسمیات نے بتایا ہے کہ ملک کے بالائی علاقوں میں 5 جون تک آندھی اور گرج چمک کے ساتھ بارش کا امکان ہے۔
محکمۂ موسمیات کے مطابق مغربی ہوائیں چلنے کا سلسلہ گزشتہ رات سندھ کے مختلف علاقوں میں بارش کا باعث بنا۔
محکمۂ موسمیات نے بتایا ہے کہ موئن جوداڑو میں گزشتہ 24 گھنٹوں کے دوران 32 ملی میٹر بارش ریکارڈ ہوئی، مانو روہڑی میں 20 ملی میٹر بارش جب کہ ہواؤں کی رفتار 104 کلو میٹر فی گھنٹہ ریکارڈ ہوئی۔
محکمۂ موسمیات کے مطابق اس سسٹم کے زیرِ اثر خیر پور، دادو، گھوٹکی، تھر پارکر اور ملحقہ اضلاع میں بھی بارش کا امکان رہے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ