ٹرمپ نے مستقبل کے غزہ پر اے آئی ویڈیو جاری کردی، سوشل میڈیا پر ہنگامہ
اشاعت کی تاریخ: 26th, February 2025 GMT
واشنگٹن: امریکی صدر ڈونلڈ ٹرمپ کی جانب سے 'ٹرمپ غزہ' کے عنوان سے ایک اے آئی جنریٹڈ ویڈیو شیئر کرنے پر سوشل میڈیا صارفین نے شدید ردعمل کا اظہار کیا ہے، حتیٰ کہ ان کے اپنے حامیوں نے بھی اس اقدام کی مذمت کی۔
ویڈیو میں غزہ کو Beach Resort میں تبدیل ہوتے ہوئے دکھایا گیا ہے، جہاں ایلون مسک ساحل پر بیٹھے کچھ کھا رہے ہیں اور نوٹ برس رہے ہیں۔
ویڈیو میں نائٹ کلبز، پارٹیوں اور ہوٹلوں کی تصاویر دکھائی گئی ہیں، جبکہ ایک عظیم الجثہ سنہری مجسمہ ٹرمپ کے ’نجات دہندہ‘ ہونے کا تاثر دیتا ہے۔
’ٹرمپ غزہ’ کے نام سے ایک ہوٹل، بچوں کے ہاتھ میں ٹرمپ کے چہرے والے سنہری غبارے، اور دکانوں میں ٹرمپ کے سنہری مجسمے بھی ویڈیو کا حصہ ہیں۔
حیران کن طور پر ویڈیو میں داڑھی والی رقاصائیں بھی نظر آتی ہیں، جو خود ٹرمپ کی اینٹی-ٹرانس پالیسیوں کے بالکل برعکس ہے۔
صارفین نے ویڈیو کو "گھناؤنا اور شرمناک" قرار دیا۔ ایک انسٹاگرام صارف نے لکھا: "غزہ فلسطینیوں کا ہے، ٹرمپ کی خیالی جنت نہیں‘‘۔
View this post on InstagramA post shared by President Donald J.
سوشل میڈیا صارفین نے اسے نازی نظریے کی علامت قرار دیا اور فلسطینیوں کے قتل عام کے دوران اس طرح کی مضحکہ خیز پروپیگنڈہ ویڈیو کو سنگدلی سے تعبیر کیا۔
ذریعہ: Express News
پڑھیں:
پی ٹی آئی کی سوشل میڈیا ٹیم کی رکن کو بیرون ملک جانے سے روک دیا گیا
data-id="863a0a8" data-element_type="widget" data-widget_type="theme-post-content.default">
اسلام آباد انٹرنیشنل ایئرپورٹ پر تحریکِ انصاف (پی ٹی آئی) کی سوشل میڈیا ٹیم سے وابستہ خاتون خولہ ادریس کو بیرونِ ملک روانگی سے روک دیا گیا، خولہ ادریس اپنے شوہر کے ہمراہ سعودی عرب کے لیے روانہ ہونے والی پرواز میں سوار ہونے والی تھیں، روانگی سے قبل امیگریشن عملے نے انہیں روک کر تفتیشی اداروں کے حوالے کر دیا۔
میڈیا رپورٹس کےمطابق خولہ ادریس چوہدری اور ان کے خاوند کو امیگریشن کلیئرنس کے دوران ہی سائبر کرائم انوسٹی گیشن ایجنسی (FIA Cyber Crime Wing) کی ٹیم نے حراست میں لے لیا، دونوں کو ابتدائی پوچھ گچھ کے بعد مزید تفتیش کے لیے ایف آئی اے کے دفتر منتقل کر دیا گیا ہے۔
حکام کا کہنا ہے کہ خولہ ادریس کے خلاف مبینہ طور پر سوشل میڈیا پر ریاستی اداروں کے خلاف اشتعال انگیز مواد کی اشاعت اور حساس معلومات کے پھیلاؤ سے متعلق تحقیقات جاری ہیں، اسی سلسلے میں ان کا نام ممکنہ طور پر ایگزٹ کنٹرول لسٹ (ECL) یا اسٹاپ لسٹ میں شامل کیا گیا تھا، جس کی بنیاد پر انہیں بیرون ملک جانے سے روکا گیا۔
ذرائع کے مطابق ایف آئی اے سائبر کرائم ونگ خولہ ادریس سے پی ٹی آئی کی آن لائن سرگرمیوں اور چند مخصوص سوشل میڈیا اکاؤنٹس کے حوالے سے معلومات حاصل کرے گا۔
تاحال پی ٹی آئی کی جانب سے اس واقعے پر کوئی باضابطہ ردعمل سامنے نہیں آیا، پارٹی ذرائع کا کہنا ہے کہ سوشل میڈیا ٹیم کے اراکین کو نشانہ بنایا جا رہا ہے اور اس عمل کو سیاسی انتقام قرار دیا جا رہا ہے۔
ادھر ایئرپورٹ حکام نے تصدیق کی ہے کہ خولہ ادریس اور ان کے شوہر کو باقاعدہ تحریری ہدایات کے تحت روکا گیا جبکہ تحقیقات مکمل ہونے تک دونوں کو بیرون ملک سفر کی اجازت نہیں دی جائے گی۔
ڈی جی این سی سی آئی اے وقار الدین سید کو عہدے سے ہٹا دیا گیا