وفاقی کابینہ میں نئے چہرے شامل، حجم 47 تک پہنچ گیا
اشاعت کی تاریخ: 28th, February 2025 GMT
اسلام آباد (طارق محمودسمیر) وفاقی کابینہ میں توسیع کے بعد اراکین کی تعداد 47 تک پہنچ گئی، وفاقی وزراء بڑھ کر30، وزیراعظم کے مشیروں کی تعداد ایک سے بڑھ
کر چار ہوگئی، وزرائے مملکت کی تعداد9ہوگئی اور چار معاون خصوصی بھی شامل کئے گئے ، علی پرویزملک اور شزافاطمہ کی تسلی بخش کارکردگی کے باعث ترقی دیکر وفاقی وزیر بنادیاگیا ،کابینہ میں چند نئے چہرے بھی شامل کئے گئے ہیں،کابینہ میں سب سے زیادہ فائدہ استحکام پاکستان پارٹی کو پہنچا،قومی اسمبلی میں استحکام پارٹی کے ارکان کی تعداد چار ہے اور عبدالعلیم خان کے بعد اب عون چوہدری کو بھی کابینہ کا حصہ بنادیاگیا اور ان کا نام آخری لمحات میں کابینہ میں شامل کیاگیا،کابینہ حتمی فہرست کو وزیراعظم شہبازشریف اور ان کے عملے نے آخری لمحات تک خفیہ رکھنے کی کوشش کی اورحلف اٹھانے والے وزراء کو تاخیرسے یہ اطلاع دی گئی کہ وہ ایوان صدرپہنچیں، حلف اٹھانے والے ایک وفاقی وزیرنے روزنامہ ممتازکوبتایاکہ انہیں حلف برداری کی تقریب سے 25منٹ قبل ٹیلی فون کرکے آگاہ کیاگیا،وفاقی کابینہ میں ایک اقلیتی رکن کو نمائندگی دی گئی ،ہندوکمیونٹی سے تعلق رکھنے والے سندھ سے ن لیگ کے ایم این اے کئھیل داس کو کابینہ میں شامل کیاگیا ،پہلی بار وفاقی وزراء بننے والوں میں حنیف عباسی،معین وٹو،کھئیل داس، بیرسٹرعقیل ملک،رشیدملک ،ڈاکٹرمختاراحمدبھرتھ،بلال اظہرکیانی ،اورنگزیب کچھی،وجیہہ قمر،کرنل (ر)رانامبشراقبال،ایم کیوایم کے مصطفیٰ کمال ،عون چوہدری شامل ہیں،اورنگزیب کچھی وہاڑی سے تحریک انصا ف کی حمایت سے قومی اسمبلی کے ممبر بنے اور انہوں نے 26ویں آئینی ترمیم کی منظوری میں دیگر پانچ منحرف ارکان کے ہمراہ ووٹ دیاتھا جس پر انہیں تحریک انصاف سے نکال دیاگیااورانہیں اسی وجہ سے وفاقی وزیربنایاگیاجب کہ سیالکوٹ سے تعلق رکھنے والی وجیہہ قمرنے 2022میں عمران خان کے خلاف تحریک عدم اعتماد کے موقع پر راجہ ریاض کی قیادت میں پی ٹی آئی چھوڑکرعلیحدہ گروپ بنایا،2024میں انہیں مسلم لیگ ن نے خواتین کی نشست پر رکن قومی اسمبلی بناکرآج وزیرمملکت بنادیاہے،معین وٹوکاتعلق اوکاڑہ سے ہے،سردارمحمدیوسف تیسری بار وفاقی وزیربنے ہیں،ہزارہ ڈویژن سے ن لیگ کے ٹکٹ پر ایم این اے بنے ،انہیں مذہبی امورکامحکمہ دیا جارہاہے،قصورسے تعلق رکھنے والے رشیدملک ،جنہیں وزیرمملکت بنایاگیاہے ،وہ سپیکرپنجاب اسمبلی ملک احمدخان کے چچاہیں ،وزیراعظم شہبازشریف نے 8فروری کاالیکشن قصورسے لڑکرجیتاتھااور رشید ملک ضمنی الیکشن میں کامیاب ہوکرآئے ،رضاحیات ہراج خانیوال سے آزادحیثیت میں جیتے جب کہ ان کے دوبھائی پنجاب اسمبلی کے بھی ممبرہیں،وہ بعدازاں ن لیگ میں شامل ہوگئے،رضاحیات ہراج پرویزمشرف کے دورمیں بھی وفاقی وزیررہ چکے ہیں،عبدالرحمان کانجودوسری بار وزیرمملکت بنے ہیں ،ان کے والداخترکانجومرحوم نوازشریف کے وزیررہ چکے ہیں، علی پرویز ملک خزانہ کے وزیر مملکت کے طور پر فرائض انجام دے رہے تھے ،وہ پرویزملک کے صاحبزادے ہیں ان کی والدہ بھی قومی اسمبلی کی ممبرہیں،ڈاکٹرمختاراحمدبھرتھ سرگودھاسے دوسری بار قومی اسمبلی کے ممبربنے ،انہوں نے پیپلزپارٹی کے ندیم افضل چن کو شکست دی ،ان کے ایک بھائی پنجاب کابینہ میں بھی وزیرہیں،سب سے اہم تعیناتی تحریک انصاف کے سابق رہنمااور خیبرپختونخواکے سابق وزیراعلیٰ پرویزخٹک کی ہوئی ہے اورانہیں وزیراعظم کامشیربنایاگیاہے ،چندماہ قبل وزیرداخلہ محسن نقوی نے ان سے ملاقات کرکے انہیں یہ عہدہ دیئے جانے کی پیشکش پہنچائی تھی ،وفاقی کابینہ میں ایک وفاقی وزیراور دو وزرائے مملکت جلدحلف اٹھائیں گے ،ان میں پیرعمران شاہ وفاقی وزیر،ڈاکٹرشذرہ منصب اور ارمغان سبحانی وزیرمملکت کا حلف اٹھائیں گے ،حلف برداری کی تقریب سے قبل وزیراطلاعات عطاء تارڑخاصے متحرک نظرآئے ،ڈاکٹرطارق فضل بارباران کے ساتھ سرگوشیاں کرتے رہے ،حلف اٹھانے کے بعد تمام وزراء نے فرداًفرداًصدرآصف زرداری سے ہاتھ ملایا،صدرنے انہیں حلف اٹھانے پر مبارکباددی،چیئرمین سینیٹ یوسف رضاگیلانی نے اورنگزیب کچھی کو خصوصی طورپر اپنے پاس بلاکروفاقی وزیربننے پر مبارکباد دی۔
ذریعہ: Daily Mumtaz
کلیدی لفظ: وفاقی کابینہ میں قومی اسمبلی حلف اٹھانے
پڑھیں:
کابینہ ڈویژن نے نیا توشہ خانہ ریکارڈ جاری کردیا ،تحائف کی مکمل فہرست سب نیوز پر دستیاب
کابینہ ڈویژن نے نیا توشہ خانہ ریکارڈ جاری کردیا ،تحائف کی مکمل فہرست سب نیوز پر دستیاب WhatsAppFacebookTwitter 0 16 September, 2025 سب نیوز
اسلام آباد(سب نیوز) کابینہ ڈویژن نے یکم جنوری 2025 سے 30 جون 2025 تک کا توشہ خانہ ریکارڈ جاری کردیا۔ اس مدت کے دوران وزیراعظم شہباز شریف اور صدرمملکت آصف علی زرداری کو قیمتی تحائف موصول ہوئے۔
ریکارڈ کے مطابق چیف آف آرمی اسٹاف، ایئر چیف اور چیف آف نیول اسٹاف سمیت نائب وزیراعظم اسحاق ڈار اور وزیراعلیٰ پنجاب مریم نواز شریف کو بھی تحائف دیے گئے۔ وزیر داخلہ محسن نقوی اور وزیر اقتصادی امور احد چیمہ بھی تحائف وصول کرنے والوں کی فہرست میں شامل ہیں۔
فہرست میں چیف آف جنرل اسٹاف سید عامر رضا، وائس ایڈمرل راجہ رب نواز، چیئرمین نیب لیفٹیننٹ جنرل (ر) نذیر احمد، وزیر تجارت اور سیکرٹری تجارت بھی شامل ہیں۔ ملک احمد خان، محمد علی رندھاوا، رفعت مختار راجہ، وہاب ریاض، زین عاصم اور عثمان باجوہ سمیت متعدد حکام اور شخصیات کو بھی تحائف ملے۔ طارق فاطمی، خواجہ عمران نذیر اور دیگر شخصیات بھی فہرست میں شامل ہیں۔
کابینہ ڈویژن کے مطابق بیشتر تحائف پاکستانی حکام کو غیر ملکی اعلیٰ حکومتی شخصیات اور دیگر نے دیے۔ وزیراعظم شہباز شریف کو چیف جسٹس سپریم کورٹ آف پاکستان اور چیئرمین ایف بی آر راشد لنگڑیال کی جانب سے ایک ایک شیلڈ بھی پیش کی گئی۔
سال 2025 کے ابتدائی چھ ماہ میں تحائف میں ڈیکوریشن پیسز، گھڑیاں، الیکٹرک گاڑیاں، ریڈی میڈ کارپٹ، بیڈشیٹس، جائے نماز، ٹیبل کلاتھ، کافی سیٹ، ٹی سیٹ اور ٹائیاں شامل رہیں۔ تمام وصول کنندگان نے یہ تحائف توشہ خانہ میں جمع کروا دیے ہیں۔
کابینہ ڈویژن تحائف کے تخمینے کا عمل مکمل کررہا ہے اور پراسیس جاری ہے۔ اس سے قبل شہباز حکومت 2002 سے 31 دسمبر 2024 تک کا ریکارڈ پبلک کرچکی ہے جبکہ 1997 سے 2001 تک کا توشہ خانہ ریکارڈ بھی جاری کیا جاچکا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایشیا کپ: اینڈی پائی کرافٹ ہی میچ ریفری رہیں گے، پاکستان کی درخواست مسترد پنجاب میں مون سون کا 11واں اسپیل، کن شہروں میں بارش کا امکان؟ اسلام آباد ہائی کورٹ کا سی ڈی اے کو (ایچ-16 )ایوارڈ پر کام سے روکنے کا حکم وزیراعظم شہباز شریف کی امیر قطر سے ملاقات، قریبی روابط برقرار رکھنے پر اتفاق دوحہ پر حملے سے 50 منٹ پہلے صدر ٹرمپ کو خبر تھی، امریکی میڈیا کا دھماکہ خیز انکشاف قطر اور دیگر ممالک کی پالیسیوں نے اسرائیل کو عالمی طور پر تنہا کردیا، نیتن یاہو کا اعتراف دولت مشترکہ کا پاکستان میں 2024کے عام انتخابات پر حتمی رپورٹ سے متعلق بیانCopyright © 2025, All Rights Reserved
رابطہ کریں ہماری ٹیم
پاک بھارت کشیدہ تعلقات کے دوران 67 پاکستانی قیدی رہا، برسوں بعد وطن واپسی