سوات؛ نادرا رجسٹریشن سنٹر کا باقاعدہ افتتاح
اشاعت کی تاریخ: 2nd, March 2025 GMT
سٹی 42 : سوات میں عوام کی سہولت کے لیے نادرا رجسٹریشن سنٹر کا باقاعدہ افتتاح کر دیا گیا۔
امیر مقام نے اس موقع پر گفتگو میں کہا کہ نادرا سنٹر کے قیام سے عوام کو شناختی دستاویزات کے حصول میں سہولت ملے گی۔ عوام کو ان کے گھر کے قریب سہولت فراہم کرنا حکومت کی اولین ترجیح ہے، شناختی کارڈ کے اجرا میں مشکلات کا خاتمہ کر رہے ہیں، عوام کو سہولت دیں گے۔ انہوں نے کہا کہ مزید نادرا سنٹرز کھول کر عوام کو سہولتیں دیں گے، نادرا سنٹر کا قیام مسلم لیگ (ن) کی عوامی خدمت کا ثبوت ہے۔
لاہور میں 255 ٹریفک حادثات ، ایک شخص جاں بحق ، 310 زخمی
انہوں نے کہاکہ عمران نیازی کو ٹرمپ کے یوکرینی صدر کے ساتھ رویے سے سبق سیکھنا چاہیے، عمران کے خطوط کا انجام صرف باسکٹ ہی ہوگا، کوئی پڑھنے والا نہیں۔عوام ذاتی مفادات پر مبنی اتحادوں کو خوب جانتی ہے، اگر اتحاد بنانا ہے تو دہشت گردی، معاشی استحکام اور بے روزگاری کے خاتمے کے لیے بنائیں۔ امیر مقام نے کہا کہ اپوزیشن کو سول ملٹری الائنس ہضم نہیں ہو رہا، اگلے عام انتخابات 2029 میں ہی ہوں گے، اپوزیشن انتظار کرے۔
رمضان المبار ک میں پانی کی کمی سے بچنے کے طریقے
امیر مقام نے کہا کہ وزیرِاعظم شہباز شریف کی قیادت میں پاکستان معاشی بحالی اور استحکام کی راہ پر گامزن ہے، مہنگائی میں کمی، برآمدات میں اضافہ اور بڑے ترقیاتی منصوبوں کی بحالی حکومت کی کامیابی کا ثبوت ہیں، مسلم لیگ (ن) عوام کو ریلیف فراہم کرنے کے لیے دن رات کام کر رہی ہے، وزیراعلیٰ پنجاب مریم نواز عوامی خدمت میں مصروف ہیں، پنجاب میں صحت، تعلیم، انفراسٹرکچر اور سوشل ویلفیئر کے منصوبے برق رفتاری سے مکمل کیے جا رہے ہیں۔ انہوں نے کہا کہ نواز شریف کا وژن پاکستان کو ترقی کی راہ پر واپس لانا ہے، مسلم لیگ (ن) کی حکومت نواز شریف کے وژن کے مطابق ملک کو ترقی کی شاہراہ پر ڈال چکی ہے۔
مداحوں نے ہمیشہ سپورٹ کیا، اس محبت کا قرض اچھی فلموں کے ذریعے چکانا چاہتا ہوں, جان ابراہم
انہوں نے مزید کہا کہ اپوزیشن کے حالیہ اتحاد ذاتی مفادات پر مبنی ہیں، عوام ان کے اصل عزائم سے واقف ہیں۔ اگر حقیقی اتحاد بنانا ہے تو ملک میں دہشت گردی، بے روزگاری اور معاشی استحکام کے لیے بنایا جائے۔
.ذریعہ: City 42
پڑھیں:
انتقال کرنے والے افراد کے شناختی کارڈ کیسے منسوخ کروائیں؟ گائیڈ لائنز جاری
نیشنل ڈیٹا بیس اینڈ رجسٹریشن اتھارٹی (نادرا) انتقال کرنے والے کے شناختی کارڈ منسوخ کروانے کے لیے شہریوں کے لیے گائیڈ لائنز جاری کردیں۔
سوشل میڈیا پر جاری پوسٹ میں نادرا کا کہنا ہے کہ اپنے خاندان کے متوفی افراد کا یونین کونسل میں بروقت اور اندراج کروائیں۔یونین کونسل سے جاری شدہ کمپیوٹرائزڈ فوتگی سرٹیفکیٹ کی بنیاد پر ہی متوفی کا شناختی کارڈ منسوخ کیا جاتا ہے۔
نادرا کی جانب سے کہا گیا ہے کہ فوتگی سرٹیفکیٹ میں کوئی بھی غلطی نادرا ریکارڈ میں غلط اندراج کا باعث بنتی ہے جس کا ذمہ دار نادرا ہرگز نہیں ہے۔کسی بھی غلطی کی صورت میں پہلے یونین کونسل سے تصحیح کرانا لازم ہو گا۔یونین کونسل سے سرٹیفکیٹ بنواتے وقت اچھی طرح تسلی کر لیں کہ اس میں درج تمام کوائف درست ہیں۔
واضح رہے کہ وفاقت کی صورت میں شناختی کارڈ منسوخ کرانے کی کوئی فیس نہیں وصول کی جاتی اور منسوخی سرٹیفکیٹ کی فراہمی 7 دن میں ہوتی ہے۔غلط استعمال کو روکنے کے لیے نادرا اس بات کو یقینی بنائے گا کہ رجسٹریشن سنٹر میں متوفی کا اصل شناختی کارڈ ضائع کردیا جائے۔
بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا