چیمپئینز ٹرافی؛ سیمی فائنل میں کون امپائرنگ کے فرائض نبھائے گا؟
اشاعت کی تاریخ: 4th, March 2025 GMT
آئی سی سی چیمپئینز ٹرافی کے سیمی فائنل میچز کیلئے میچ آفیشلز کا اعلان کردیا گیا۔
انٹرنیشنل کرکٹ کونسل (آئی سی سی) کی جانب سے جاری کردہ اعلامیے کے مطابق بھارت اور آسٹریلیا کے درمیان پہلا سیمی فائنل آج دبئی میں کھیل جائے گا، جس کیلئے کرس گیفنی نے اور رچرڈ ایلنگ ورتھ آن فیلڈ امپائر کے طور پر فرائض نبھائیں گے جبکہ مائیکل گف تھرڈ امپائر اور اینڈی پائی کرافٹ میچ ریفری ہوں گے۔
اسی طرح دوسرا سیمی فائنل، جو نیوزی لینڈ اور جنوبی افریقا کے درمیان کھیلا جائے گا وہاں کمار دھرماسینا اور پال ریفل آن فیلڈ امپائرز کے فرائض انجام دیں گے جبکہ جوئل ولسن تھرڈ امپائر اور رنجن مدوگالے میچ ریفری کی خدمات سرانجام دیں گے۔
سیمی فائنل 1: دبئی، بھارت بمقابلہ آسٹریلیا:
آن فیلڈ امپائرز: کرس گیفانی اور رچرڈ ایلنگ ورتھ
تھرڈ امپائر: مائیکل گف
فورتھ امپائر: ایڈرین ہولڈ اسٹاک
میچ ریفری: اینڈی پائکرافٹ
سیمی فائنل 2: لاہور، جنوبی افریقا بمقابلہ نیوزی لینڈ:
آن فیلڈ امپائرز: کمار دھرماسینا اور پال ریفل
تھرڈ امپائر: جوئل ولسن
فورتھ امپائر: احسن رضا
میچ ریفری: رنجن مدوگالے
بھارت اور آسٹریلیا کے درمیان پہلا سیمی فائنل آج 4 مارش کو دبئی میں کھیلا جائے گا جبکہ دوسرا سیمی فائنل نیوزی لینڈ اور جنوبی افریقہ کے درمیان بدھ 5 مارچ کو لاہور میں ہوگا۔
.ذریعہ: Daily Mumtaz
کلیدی لفظ: تھرڈ امپائر سیمی فائنل کے درمیان میچ ریفری
پڑھیں:
پاکستان اور بھارت کے درمیان بات چیت کے دروازے کھلے ہیں، ترجمان دفتر خارجہ
ترجمان دفتر خارجہ نے کہا کہ پاکستان تمام تصفیہ طلب معاملات پربھارت کے ساتھ بات چیت کے لیے تیار ہے، اس ضمن میں ان کے مطابق پاکستان کی پالیسی واضح ہے اور فیصلہ بھارت کو کرنا ہے۔
دفتر خارجہ میں ہفتہ وار پریس بریفنگ میں ترجمان نے بتایا کہ اسحاق ڈار اور امریکی وزیر خارجہ مارکو روبیو کے درمیان ہونے والی ملاقات میں ایران، جنگ بندی اور دیگر علاقائی و عالمی امور زیر غور آئیں گے، ترجمان دفتر خارجہ کے مطابق ایرانی صدر کا دورہ پاکستان ملتوی نہیں ہوا بلکہ تاریخیں طے کی جا رہی ہیں۔
ترجمان دفتر خارجہ شفقت علی خان نے بتایا کہ پاک ایران تعلقات مضبوط ہیں اور دورے کے دوران کئی اہم موضوعات زیر بحث آئیں گے، تاہم انہوں نے واضح کیا کہ پاک ایران گیس پائپ لائن پر بات ہوگی یا نہیں، اس بارے میں ابھی کچھ کہنا قبل از وقت ہے۔
یہ بھی پڑھیں: پاکستان نے بھارت کے 6 جہاز گرائے، جب بھی بات ہوگی مسئلہ کشمیر پر ہوگی، ترجمان دفتر خارجہ
ترجمان کے مطابق نائب وزیراعظم و وزیر خارجہ اسحاق ڈار اس وقت امریکہ کے سرکاری دورے پر ہیں، جہاں انہوں نے اقوام متحدہ میں خطاب کرتے ہوئے پائیدار ترقی، اقتصادی اصلاحات اور ماحولیاتی تبدیلیوں سے نمٹنے کے لیے پاکستان کے عزم کا اعادہ کیا۔
ترجمان دفتر خارجہ کے مطابق اسحاق ڈار نے اقوام متحدہ کے سیکریٹری جنرل سے ملاقات کے دوران خطے اور عالمی سطح پر درپیش چیلنجز پر تفصیلی بات چیت کی، جن میں سندھ طاس معاہدہ، مسئلہ جموں و کشمیر اور کثیرالقومی طریقہ کار سے مسائل کے حل پر زور شامل تھا۔
شفقت علی خان نے بتایا کہ پاکستان کی زیر صدارت اقوام متحدہ کی سلامتی کونسل نے ایک اہم قرارداد نمبر 2788 منظور کی، جس کا مقصد عالمی تنازعات کے پرامن حل کو فروغ دینا ہے۔
مزید پڑھیں: کشن گنگا اور رتلے منصوبوں پر ثالثی عدالت کا ضمنی فیصلہ، پاکستان کا خیرمقدم
فلسطین کے مسئلے پر بات کرتے ہوئے ترجمان نے کہا کہ وزیر خارجہ نے اقوام متحدہ میں اپنی تقریر کے دوران فوری جنگ بندی، اسپتالوں اور اسکولوں پر بمباری روکنے اور انسانی جانوں کے تحفظ کا مطالبہ کیا۔ پاکستان نے اسرائیل کے شام پر حملوں کی بھی شدید مذمت کی اور انہیں بین الاقوامی قوانین کی کھلی خلاف ورزی قرار دیا۔
ترجمان شفقت علی خان نے غزہ میں انسانی امداد پہنچانے کے عزم کا اعادہ کرتے ہوئے کہا کہ جیسے ہی راستے کھلیں گے، پاکستان اپنی امداد فوری طور پر روانہ کرے گا۔
تھائی لینڈ اور کمبوڈیا کے درمیان حالیہ جھڑپوں پر تبصرہ کرتے ہوئے ترجمان نے کہا کہ پاکستان معاملے کو دیکھ رہا ہے اور تمام مسائل کے پرامن حل کا خواہاں ہے۔
مزید پڑھیں: چین نے دریائے برہما پتر پر میگا ڈیم کی تعمیر شروع کر دی، بھارت پریشانی کا شکار
افغان ویزا فراڈ کے معاملے پر ترجمان نے بتایا کہ اس ضمن میں تحقیقات جاری ہیں، وزیر داخلہ محسن نقوی کے حالیہ دورۂ افغانستان پر بات کرتے ہوئے انہوں نے کہا کہ دونوں ملکوں کے تعلقات میں بہتری آئی ہے، تاہم دہشت گردوں کے محفوظ ٹھکانے اب بھی ایک بڑی رکاوٹ ہیں جن پر دونوں ملک بات چیت کر رہے ہیں۔
شفقت علی خان کے مطابق افغان وزیر خارجہ کے آئندہ دورہ پاکستان کی تفصیلات بھی طے کی جا رہی ہیں، جب کہ پاکستان اور افغانستان کے درمیان تجارت میں اضافہ ہو رہا ہے، برکس کی رکنیت سے متعلق سوال پر ترجمان نے کہا کہ پاکستان تنظیم کی رکنیت کے لیے سنجیدہ کوششیں کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان بات چیت بھارت پاکستان ترجمان تصفیہ طلب تھائی لینڈ دفتر خارجہ شفقت علی خان کمبوڈیا
ریکارڈ ترسیلات زر‘ مالی سال 2025ء میں 38.3 ارب ڈالر پاکستان منتقل