وزیراعظم شہباز شریف کی زیر صدارت انسداد پولیو مہم کا جائزہ اجلاس
اشاعت کی تاریخ: 5th, March 2025 GMT
اسلام آباد(نیوز ڈیسک) وزیراعظم محمد شہباز شریف کی زیر صدارت انسداد پولیو مہم کے حوالے سے ایک اہم اجلاس منعقد ہوا، جس میں ملک بھر میں جاری پولیو مہم کی پیشرفت اور اس کے نتائج کا تفصیلی جائزہ لیا گیا۔
اجلاس میں وزیراعظم کو بریفنگ دی گئی کہ فروری 2025 میں پولیو کیسز میں نمایاں کمی واقع ہوئی، جو انسداد پولیو مہم کی مؤثر حکمت عملی اور تمام متعلقہ اداروں کی محنت کا نتیجہ ہے۔ وزیراعظم نے پولیو کے کیسز میں منفی رجحان کو حوصلہ افزا قرار دیتے ہوئے تمام صوبوں کی انتظامیہ کی کاوشوں کو سراہا اور کہا کہ پولیو کا مکمل خاتمہ قومی عزم ہے، جس کے لیے تمام ممکنہ اقدامات کیے جائیں گے۔
وزیراعظم نے وفاق اور صوبوں کے درمیان مؤثر تعاون پر زور دیتے ہوئے کہا کہ پولیو کے مکمل خاتمے کے لیے تمام متعلقہ اداروں کو مزید مستعدی سے کام کرنا ہوگا۔ انہوں نے انسداد پولیو مہم کے دوران سیکیورٹی فورسز کے تعاون کو بھی سراہا اور ہدایت کی کہ پولیو سے متعلق تمام ڈیٹا کو ڈیجیٹائز کیا جائے تاکہ مانیٹرنگ کا عمل مزید سخت اور مؤثر بنایا جا سکے۔
بریفنگ میں بتایا گیا کہ فروری 2025 کی انسداد پولیو مہم کے دوران ملک بھر میں 42.
بریفنگ میں مزید بتایا گیا کہ سال 2025 کے پہلے 6 ماہ میں تین انسداد پولیو مہمات کا منصوبہ بنایا گیا ہے، جن میں سے فروری میں پہلی مہم مکمل ہوچکی ہے جبکہ آئندہ دو مہمات اپریل اور مئی میں منعقد کی جائیں گی۔ پولیو مہم کی مستقل نگرانی کے لیے جدید آئی ٹی ڈیش بورڈ کا استعمال کیا جا رہا ہے، جو ہر مرحلے پر مہم کی پیشرفت کو مانیٹر کرنے میں معاون ثابت ہو رہا ہے۔
اجلاس میں وزیر مملکت برائے صحت ڈاکٹر مختار بھرت، سینیٹر عائشہ رضا فاروق اور متعلقہ اداروں کے اعلیٰ افسران شریک تھے، جنہوں نے پولیو کے مکمل خاتمے کے لیے اپنی بھرپور کوششیں جاری رکھنے کے عزم کا اعادہ کیا۔
ذریعہ: Daily Mumtaz
کلیدی لفظ: انسداد پولیو مہم کے پولیو کے کے لیے مہم کی
پڑھیں:
ٹیکس اصلاحات کے مثبت نتائج آ رہے ہیں، کرپشن کے خاتمے میں مصروف: شہباز شریف، نوازشریف سے ملاقات
اسلام آباد‘ لاہور (اپنے سٹاف رپورٹر سے‘ نوائے وقت رپورٹ) وزیرِ اعظم محمد شہباز شریف نے مالی سال 2025ء میں 59 لاکھ ریکارڈ ٹیکس گوشوارے جمع ہونے پر ایف بی آر حکام کی کارکردگی کی تعریف اور ذمہ داری کا ثبوت دینے پر عوام کا شکریہ ادا کرتے ہوئے کہا ہے کہ 9 لاکھ نئے ٹیکس فائلرز کا ٹیکس نیٹ میں آنا حکومت کی پالیسیوں پر عوام کے اعتماد کا عکاس ہے۔ ہفتے کو وزیراعظم آفس کے میڈیا ونگ سے جاری بیان کے مطابق وزیراعظم نے کہا کہ اللہ کے فضل و کرم سے ٹیکس نظام کی اصلاحات سے مثبت نتائج سامنے آ رہے ہیں، ایف بی آر میں میرٹ کی بالادستی کو اولین ترجیح دی ہے۔ قابل اور محنتی افسران کی حوصلہ افزائی اور ناقص کارکردگی کی حوصلہ شکنی کے نظام سے ایف بی آر میں پرفارمنس کلچر متعارف کرایا گیا۔ وزیرِ اعظم نے کہا کہ ایف بی آر کی ڈیجیٹائزیشن کی نگرانی بذات خود ہر اجلاس کی ہفتہ وار صدارت میں کی، ٹیکس گوشواروں کو آسان اور سہل بنایا گیا، بندرگاہوں پر خود کار کلیئرنس کے نظام سے کرپشن کے خاتمے اور پرفارمنس کی بہتری کو یقینی بنایا گیا۔ وزیرِ اعظم نے کہا کہ غیر رسمی معیشت کے خاتمے کیلئے پوائنٹ آف سیل کی تعداد میں اضافے سے سیلز ٹیکس کی چوری کو روکا گیا، ٹیکس آمدن میں گزشتہ برس کی نسبت 9 ارب کا اضافہ حکومت کی ایف بی آر اصلاحات کا منہ بولتا ثبوت ہے۔ وزیرِ اعظم نے کہا کہ ایف بی آر کے نظام کی مزید اصلاحات کا سلسلہ تسلسل سے جاری ہے، کرپشن اور غیر رسمی معیشت کے مکمل خاتمے کیلئے دن رات مصروف عمل ہیں۔ وزیر اعظم شہبازشریف نے گلگت بلتستان کے عوام اور پوری قوم کو گلگت بلتستان کے یومِ آزادی کے پرمسرت موقع پر دلی مبارکباد پیش کی ہے۔ وزیر اعظم شہبازشریف نے کہا کہ یکم نومبر 1947 کو گلگت بلتستان کے بہادر عوام نے جرات، اتحاد اور حب الوطنی کا مظاہرہ کرتے ہوئے ڈوگرہ راج سے آزادی حاصل کی اور پاکستان کے ساتھ الحاق کا تاریخی فیصلہ کیا۔ یہ دن اس عظیم قربانی، عزم اور وطن سے محبت کی یاد دلاتا ہے جس نے خطے کی تاریخ بدل دی۔ گلگت بلتستان کے عوام کو ترقی کے تمام مواقع فراہم کیے جائیں گے تاکہ وہ قومی دھارے میں بھرپور کردار ادا کر سکیں۔ آج کا دن ہمیں اس عہد کی تجدید کا پیغام دیتا ہے کہ ہم اپنی آزادی، اتحاد اور ترقی کے سفر کو نئی توانائی اور جذبے کے ساتھ جاری رکھیں گے۔ وزیراعظم نے دعا کی کہ اللہ تعالی گلگت بلتستان اور پاکستان کو امن، ترقی اور خوشحالی سے نوازے۔ وزیراعظم شہباز شریف نے جاتی امرا میں قائد مسلم لیگ ن نواز شریف سے ملاقات کی جس میں ملکی سیاسی‘ معاشی صورتحال اور دیگر اہم امور پر تبادلہ خیال کیا گیا۔ شہباز شریف اور نواز شریف نے پارٹی امور اور حکومتی پالیسیوں پر مشاورت کی۔ وزیراعظم شہباز شریف نے نواز شریف کو حکومتی اقدامات پر بریفنگ دی۔ نواز شریف نے قومی معاملات پر وزیراعظم کو رہنمائی فراہم کی۔
اسلام آباد کی طرف کسی نے میلی آنکھ سے دیکھا تو آنکھیں نکال دیں گے،خواجہ آصف