وزیراعظم کی جانب سے نوجوانوں کو تربیتی پروگرامز فراہم کرنے کے منصوبے کی منظوری
اشاعت کی تاریخ: 6th, March 2025 GMT
وزیراعظم شہباز شریف نے نوجوانوں کو مارکیٹ اور صنعتوں میں درکار ہنر اور کھپت کے مطابق تربیتی پروگرامز فراہم کرنے کے منصوبے کی منظوری دے دی۔وزیراعظم منصوبے پر عملدرآمد کے عمل کی خود نگرانی کریں گے جبکہ اس حوالے سے ماہانہ جائزہ اجلاس کی خود صدارت کرنے کا فیصلہ بھی کیا ہے۔شہباز شریف نے نوجوانوں کو مختلف شعبوں میں تربیت کیلئے مقامی صنعتوں سے مسلسل روابط اور افرادی قوت کے بین الاقوامی اداروں کی کھپت کو مد نظر رکھنے جبکہ مقامی صنعتوں میں درکار ہنر کے حوالے سے جامع ڈیٹا بیس قائم کرنے کی بھی ہدایت دی۔وزیراعظم نے کہا کہ پاکستان کے باصلاحیت نوجوان ملک کا سب سے قیمتی اثاثہ ہیں، نوجوانوں کو پیشہ ورانہ تربیت اور ضروری ہنر کی فراہمی سے با اختیار اور بر سر روزگار بنا رہے ہیں، پاکستانی نوجوانوں کو بین الاقوامی معیار کی تربیت کی فراہمی سے افرادی قوت کی برآمد کے فروغ کیلئے اقدامات کر رہے ہیں۔قبل ازیں وزیرِ اعظم شہباز شریف کی زیرصدارت نیشنل یوتھ ایمپلائمنٹ پلان پر جائزہ اجلاس ہوا جس میں وزیراعظم کو آئندہ 4 برس میں مختلف اداروں کے ذریعے تربیت اور روزگار کے مواقع فراہم کرنے کے لائحہ عمل سے آگاہ کیا گیا۔اجلاس کو بتایا گیا کہ آئندہ 4 برس میں 24 لاکھ سالانہ سے لے کر 60 لاکھ سالانہ تک نوجوانوں کو پیشہ ورانہ تربیت اور ہنر کی فراہمی سے روزگار کے مواقع حاصل کرنے میں مدد کی جائے گی جبکہ نوجوانوں کی ہنر و پیشہ ورانہ تربیت کی فراہمی کیلئے مارکیٹ اور صنعتوں و بین الاقوامی سطح پر افرادی قوت کی کھپت کو مد نظر رکھا جا رہا ہے۔اجلاس میں وزیراعظم کو بتایا گیا کہ ڈیجیٹل یوتھ حب حتمی مراحل میں ہے جس کا اجرا رواں ماہ کر دیا جائے گا، وزیراعظم شہباز شریف نے متعلقہ تمام وزارتوں و اداروں کی اس حوالے سے کاوشوں کی تعریف کی۔اجلاس میں وفاقی وزرا احد خان چیمہ، شزہ فاطمہ، چیئرمین وزیراعظم یوتھ پروگرام رانا مشہود خان، چیئرمین ہائر ایجوکیشن کمیشن ڈاکٹر مختار احمد اور متعلقہ اعلیٰ حکام نے شرکت کی۔
.ذریعہ: Nawaiwaqt
کلیدی لفظ: نوجوانوں کو شہباز شریف کی فراہمی
پڑھیں:
پنجاب ہیومن آرگن ٹرانسپلانٹیشن اتھارٹی کی استعدادکار میں اضافہ کیاجارہاہے‘ خواجہ سلمان رفیق
لاہور (اُردو پوائنٹ اخبارتازہ ترین - این این آئی۔ 24 جولائی2025ء) صوبائی وزیرصحت خواجہ سلمان رفیق کی زیرصدارت محکمہ سپیشلائزڈہیلتھ کئیراینڈمیڈیکل ایجوکیشن میں پنجاب ہیومن آرگن ٹرانسپلانٹیشن اتھارٹی کی مانیٹرنگ اتھارٹی کا 35 واں اجلاس منعقدہوا۔اجلاس میں سپیشل سیکرٹری آپریشنز طارق محمود رحمانی، ایڈیشنل سیکرٹری ٹیکنیکل ڈاکٹرمحمدوسیم،ڈائریکٹر جنرل پی ہوٹا پروفیسرمحمد عامرزمان خان،پاکستان میڈیکل ایسوسی ایشن سے پروفیسر اظہار چوہدری، سی ای او پنجاب ہیلتھ انشی ایٹو مینجمنٹ کمپنی ڈاکٹر علی رزاق، محکمہ مال، محکمہ داخلہ و دیگر محکمہ جات کے افسران نے بطور ممبران شرکت کی۔وڈیولنک کے ذریعے سی ای او پنجاب ہیلتھ کئیرکمیشن ڈاکٹر محمد ثاقب عزیز، ڈین پاکستان کڈنی اینڈلیورانسٹی ٹیوٹ پروفیسرفیصل سعودڈار اور ٹرانسپلانٹیشن سوسائٹی سے یاسرخان نے اجلاس میں شرکت کی۔(جاری ہے)
ڈائریکٹر جنرل پی ہوٹا پروفیسرمحمد عامرزمان خان نے اجلاس کے دوران منظوری کیلئے مختلف ایجنڈازپیش کئے۔اجلاس کے دوران مانیٹرنگ اتھارٹی کی34 ویں اجلاس کے فیصلوں کی عملدرآمدرپورٹ بھی پیش کی گئی۔
اجلاس کے دوران مانیٹرنگ اتھارٹی کی34 ویں اجلاس کے منٹس کی منظوری دی گئی۔اجلاس کے دوران پی ہوٹا کو مختلف سرکاری و نجی ہسپتالوں کی گردوں جگر اور آنکھوں کی پتلی کی ٹرانسپلانٹیشن کے لیے رجسٹریشن کرنے کی بھی منظوری دی گئی۔اجلاس کے دوران بیگم اختر رخسانہ میموریل ٹرسٹ آرچرڈ ہسپتال کی لیور ٹرانسپلانٹیشن جبکہ ساہیوال ٹیچنگ ہسپتال، انڈی پینڈنٹ یونیورسٹی ہسپتال فیصل آباد اور مدینہ ٹیچنگ ہسپتال فیصل آباد کی کورنیل ٹرانسپلانٹیشن کیلئے اگلے تین سال کیلئے رجسٹریشن رینوئل کی منظوری دی گئی۔اجلاس کے دوران سٹی ہسپتال ملتان، پی کے ایل آئی اینڈ ریسرچ سنٹر لاہور، نیشنل ہسپتال اینڈ میڈیکل سنٹر لاہور اور عادل ہسپتال لاہور کی رینل ٹرانسپلانٹیشن کیلئے اگلے تین سال کیلئے رجسٹریشن رینوئل کی منظوری دی گئی۔اجلاس کے دوران پنجاب ہیومن آرگن ٹرانسپلانٹیشن اتھارٹی کے بجٹ تخمینہ برائے مالی سال 26-2025 اور ریوائزڈ بجٹ تخمینہ برائے مالی سال 25-2024 کی منظوری دی گئی۔اجلاس کے دوران پی ہوٹا کو ہیومن آرگن اینڈ ٹشو ٹرانسپلانٹیشن ایسینشلز کے موضوع پر 5 روزہ تربیتی ورکشاپ منعقد کروانے کی منظوری دی گئی۔اجلاس کے دوران پنجاب میں بون(ہڈی) بینکنگ اینڈ ٹرانسپلانٹیشن، پینکریاز(لبلبہ) ٹرانسپلانٹیشن کرنے کی منظوری دی گئی ہے اور اس کے علاوہ پنجاب میں بچوں کی گردوں کی پیوندکاری کے لیے ایک کمیٹی تشکیل کرنے کی بھی منظوری دی گئی ہے۔صوبائی وزیرصحت خواجہ سلمان رفیق نے کہاکہ وزیراعلیٰ پنجاب مریم نواز شریف کے ویژن کے مطابق پنجاب ہیومن آرگن ٹرانسپلانٹیشن اتھارٹی کی استعدادکار میں اضافہ کیاجارہاہے۔عوام تک صحت کی بہترین سہولیات کی فراہمی کیلئے کوشاں ہیں۔خواجہ سلمان رفیق نے کہاکہ پنجاب میں انسانی اعضاء کی غیر قانونی پیوندکاری کے خلاف سخت ایکشن لیاجارہاہے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست