ٹاک ٹاکر وزیر اعلیٰ کی کوئی پرفارمنس نہیں، میو اسپتال واقعے کا پول کھل گیا، ملک احمد خان
اشاعت کی تاریخ: 10th, March 2025 GMT
اپوزیشن لیڈر پنجاب اسمبلی ملک احمد خان بھچر نے وزیر اعلیٰ مریم نواز پر سخت تنقید کرتے ہوئے کہا ہے کہ میو اسپتال کا واقعہ افسوسناک ہے، اس کی حقیقت سامنے آرہی ہے، پول کھل گیا ہے، ٹاک ٹاکر وزیر اعلیٰ کی کوئی پرفارمنس نہیں ہے۔
لاہور میں میڈیا سے بات چیت کرتے ہوئے انہوں نے کہا کہ ان بی بی کے دور میں پنجاب میں اسپتالوں کی کارکردگی درست نہیں ہے، کل خواتین کو اسلام اباد میں گھسیٹا گیا ہے، صرف پاکستان تحریک انصاف کی خواتین کے گھر توڑنے کے سوا ان کا کوئی کام نہیں ہے، انہوں نے میو اسپتال میں صرف تماشا لگایا۔
ملک احمد خان بچھر نے کہا کہ یہ صرف پنجاب بنک کے زریعے پیسے دے رہے ہیں جہاں لوگوں کی لائنیں لگی ہوئی ہیں، یہ لوگوں کی عزت نفس مجروع کر کے پیسےکیوں دے رہے ہیں، اس حکومت کے پاس سوائے اشتہار بازی کے اور کوئی کام نہیں ہے، یہ مارشل لا کا دور چل رہا ہے۔
ان کا کہنا تھا کہ کل لاہور کیں غلط انجکشن لگنے سے دو افراد جاں بحق ہوئے ہیں، ساڑھے بارہ کروڑ افراد کا صوبہ ہے، اتنے بڑے صوبے کو یہ کس طرح چلا رہے ہیں، ہر اشتہار میں نئے نئے ڈریسز اور پوز بنائے گئے ہیں، میو ہسپتال کا واقعہ افسوسناک ہے اس کی حقیقت سامنے آرہی ہے جو پول کھل گیا ہے۔
انہوں نے کہا کہ ٹاک ٹاکر وزیر اعلیٰ کی کوئی پرفارمنس نہیں ہے سرکاری فنڈز سے صرف اشتہارات دئیے، میو ہسپتال پہنچ کر ایک پروفیسر کو کہہ رہی ہیں انہیں گرفتار کروا دوں تو آپ چیف ایگزیکٹو ہیں اور جعلی ہیں تو استاد کے متعلق یہ بات کررہی ہیں، ایک ایم ایس نے پہلے ہی استعفیٰ دیدیا تھا اکتوبر میں بتایا میو ہسپتال میں تین ارب روپے ادویات کی کمی ہے، اتنا بڑا بلنڈر ہے بی بی کی بے وقوفی سے پردہ اٹھانا تھا گڈ گورننس کا پردہ چاک ہوا۔
ملک احمد خان نے کہا کہ میو ہسپتال میں اگر صحت یہ صورتحال ہے تو پنجاب میں کیا صورتحال ہوگی، ڈسٹرکٹ تحصیل ٹی ایچ کیو اور بی ایچ کیوز میں پتہ کیا ہے وہاں ادویات مل رہی ہیں، پنجاب سرکاری ہسپتالوں میں سال بھر میں او پی ڈی تین فیصد کم ہوئی ہے تو ہسپتال کی کارکردگی بہتر نہیں ہے، پندرہ فیصد او پی ڈیز پچھلے سال کے مقابلے میں کم ہوئی ہے بلز پر ترامیم دیدی ہیں تو وہ اسے بلڈوز کردیں گے۔
ان کا کہنا تھا کہ وہ کہتی ہیں خواتین ریڈ لائن ہیں تو وہ ریڈ لائن کراس کر چکی ہیں اسلام آباد میں خواتین کو سڑکوں پر روندا ہے، ریڈی والوں کےلیے پونے دو لاکھ روپے کا ٹھیکہ دیا ہے اربوں روپے کی کرپشن پر جا رہے ہیں جس طرح ستھرا پنجاب اب ریڑھی اور میو ہسپتال کا تماشا لگاکر لوگوں کی آنکھوں میں دھول جھونکی جا رہی ہے۔
.ذریعہ: Express News
کلیدی لفظ: ملک احمد خان میو ہسپتال وزیر اعلی نے کہا کہ نہیں ہے رہے ہیں
پڑھیں:
مریم نواز سے ساہیوال ڈویژن کے ارکان اسمبلی اور پارٹی ٹکٹ ہولڈرز کی ملاقات
لاہور(ڈیلی پاکستان آن لائن) وزیر اعلیٰ پنجاب مریم نواز شریف سے ساہیوال ڈویژن کے ارکان قومی و صوبائی اسمبلی اور پارٹی ٹکٹ ہولڈرز نے ملاقات کی ہے۔
نجی ٹی وی چینل دنیا نیوز کے مطابق ملاقات کے دوران عوامی فلاح کے منصوبوں، امن و امان، روڈز کی بحالی، ستھرا پنجاب، صحت اور ٹرانسپورٹ کے شعبوں میں جاری اصلاحات پر تفصیلی بات چیت کی گئی، ساہیوال ڈویژن کے ارکان اسمبلی نے پنجاب بھر میں 20 ہزار کلومیٹر طویل سڑکوں کی بحالی پر وزیر اعلیٰ مریم نواز شریف کو سراہا۔
ارکان اسمبلی نے جدید کیتھ لیب کے قیام اور الیکٹرو بسز لانچ کرنے پر وزیراعلیٰ مریم نواز شریف کی قیادت کو خراجِ تحسین پیش کیا۔
کراچی: شاہ فیصل کالونی میں گھر میں آتشزدگی، ماں بیٹی جھلس کر جاں بحق
وزیراعلیٰ پنجاب مریم نواز شریف کا کہنا تھا کہ عوامی خدمت، تیز رفتار ترقی اور شفاف گورننس ہی مسلم لیگ ن کا اصل ایجنڈا ہے، پنجاب میں جرائم کی شرح میں نمایاں کمی آئی ہے، شہروں اور دیہات کا امن بحال ہوا ہے۔
اضلاع میں پبلک ٹرانسپورٹ اور سڑکوں کی بحالی صرف انفراسٹرکچر نہیں بلکہ روزگار اور خوشحالی کا ذریعہ ہے، ستھرا پنجاب پروگرام صرف صفائی نہیں بلکہ ایک نیا کلچر ہے۔
اراکین اسمبلی کا کہنا تھا کہ وزیر اعلیٰ پنجاب کی لیڈرشپ میں پنجاب آج پُرامن، صاف اور برق رفتاری سے ترقی کرتا صوبہ ہے، مریم نواز شریف نے صوبے میں ترقیاتی کاموں کی رفتار کو نئی بلندیوں تک پہنچا دیا ہے۔
پیپلز پارٹی نے کراچی کی نوکریوں پر قبضہ کر رکھا ہے، شہر کو لوٹ مار سے آزاد کرائیں گے: حافظ نعیم
انہوں نے کہا کہ کیتھ لیبز اور الیکٹرو بس سروس جیسے منصوبے عوام دوست قیادت کی روشن مثال ہیں، ہر طبقہ مستفید ہو رہا ہے۔
ڈی جی این سی سی آئی اے وقار الدین سید کو عہدے سے ہٹا دیا گیا