ایرانی عوام کی طرف سے غزہ کے روزہ داروں میں روزانہ 1000فوڈ پیکٹ کی تقسیم جاری
اشاعت کی تاریخ: 10th, March 2025 GMT
مہم کے نگرانوں میں سے ایک ابو خالد صالح نے العالم ٹی وی کو بتایا کہ طوفان الاقصیٰ کی جنگ کے آغاز سے لے کر آج تک ایرانی حمایت لامتناہی ہے اور رمضان کے مقدس مہینے میں ہم غزہ کے بے گھر افراد میں تقسیم کرنے کے لیے روزانہ ایک ہزار کھانے تیار کرتے ہیں۔ اسلام ٹائمز۔ مرکز اطلاعات فلسطین کی طرف سے جاری کی گئی رپورٹ کے مطابق رمضان المبارک کے مقدس مہینے میں ایرانی عوام کی طرف سے یکجہتی اور انسانی امداد کے اعلیٰ ترین مفہوم "ایران ہمدل” کے عنوان سے چلائی جانے والی مہم کے تحت رہبر انقلاب اسلامی حضرت آیت اللہ العظمی سید علی خامنہ ای کی طرف سے غزہ میں فلسطینی عوام کی مدد نے کی اپیل کی گئی ہے۔ اسلامی جمہوریہ ایران کے العالم ٹی وی کے نامہ نگار نے غزہ کی پٹی کے مصیبت زدہ افراد میں "ایران ہمدل” فاؤنڈیشن کی طرف سے تقسیم کیے جانے والے ہزاروں فوڈ پارسل اور افطار کے کھانے تیار کرنے کی وڈیو جاری کی ہے۔
غزہ میں العالم چینل کے نامہ نگار محمد ابو عبید نے تصدیق کی ہے کہ یہ سرگرمی رہبر معظم انقلاب اسلامی حضرت آیت اللہ العظمی سید علی خامنہ ای کی طرف سے عطیات جمع کرنے اور غزہ کے عوام کو فراہم کرنے کی اپیل کے جواب میں کی گئی ہے جو غزہ پر اسرائیلی جارحیت کے سانحات کی زندگی گزار رہے ہیں۔ انہوں نے وضاحت کی کہ فاؤنڈیشن غزہ کی پٹی کے تمام علاقوں میں مصیبت زدہ لوگوں میں تقسیم کرنے کے لیے ہزاروں پارسل اور افطار کھانے تیار کر رہی ہے تاکہ غزہ کی پٹی کے عوام جس مشکل حقیقت میں رہ رہے ہیں، ان پر اسرائیلی محاصرے اور بین الاقوامی امدادی ٹرکوں کو غزہ پہنچنے سے روکنے کے تناظر میں انہیں ریلیف اور مدد فراہم کریں۔
غزہ میں مہم کے نگرانوں میں سے ایک ابو خالد صالح نے العالم ٹی وی کو بتایا کہ طوفان الاقصیٰ کی جنگ کے آغاز سے لے کر آج تک ایرانی حمایت لامتناہی ہے اور رمضان کے مقدس مہینے میں ہم غزہ کے بے گھر افراد میں تقسیم کرنے کے لیے روزانہ ایک ہزار کھانے تیار کرتے ہیں۔ ابو خالد نے مزید کہا کہ وہ روزانہ کھانے کے پارسل، کھجور، انڈے کی ٹرے اور پانی تیار کر رہے ہیں۔ غزہ سے ابو خالد نے کہا کہ ہم ایرانی عوام کے لیے تشکر، محبت اور تعریف کے تمام الفاظ کے ساتھ اسلامی جمہوریہ ایران سے شکریئے کا پیغام بھیجتے ہیں۔
ذریعہ
ذریعہ: Islam Times
کلیدی لفظ: کھانے تیار کر کی طرف سے ابو خالد کے لیے غزہ کے
پڑھیں:
امریکا کی مدد کرنے والے ممالک بھی نشانے پر آسکتے ہیں، ایران کی سخت وارننگ
بشکیک / تہران: ایران نے خبردار کیا ہے کہ اگر کوئی بھی ملک امریکا کی جانب سے ایران پر ہونے والی کسی بھی فوجی کارروائی میں تعاون یا مدد فراہم کرتا ہے تو اسے بھی اس کے نتائج اور بین الاقوامی ذمہ داری کا سامنا کرنا پڑے گا۔
دوسری جانب ایرانی حکام نے دعویٰ کیا ہے کہ امریکا نے شمالی ایران میں پاسداران انقلاب کے ایک بحری اڈے کو نشانہ بنایا ہے۔
ایران کے وزیر خارجہ عباس عراقچی نے کرغزستان میں ایک اجلاس سے خطاب کرتے ہوئے کہا کہ ایران کے خلاف کسی بھی جارحیت میں حصہ لینے، تعاون کرنے یا سہولت فراہم کرنے والے تمام فریق بین الاقوامی قانون کے تحت ذمہ دار ہوں گے۔
انہوں نے کہا کہ ایران اپنے دفاع کے حق کے تحت ضروری اقدامات کرنے کا حق محفوظ رکھتا ہے اور ملکی خودمختاری کے تحفظ کے لیے ہر ممکن اقدام کیا جائے گا۔
ادھر ایرانی سرکاری خبر رساں ادارے ارنا کے مطابق شمالی صوبے گیلان کے نائب گورنر علی باقری نے دعویٰ کیا ہے کہ امریکی میزائلوں نے صبح کے وقت زیباکنار میں واقع پاسداران انقلاب کی بحریہ کے ایک ہیڈکوارٹر کو نشانہ بنایا۔
ایرانی حکام کے مطابق حملے کے نتیجے میں فوجی تنصیب میں موجود کچھ آلات کو نقصان پہنچا، تاہم کسی جانی نقصان یا مزید تفصیلات کے بارے میں فوری طور پر معلومات جاری نہیں کی گئیں۔
تاحال امریکا کی جانب سے ایرانی حکام کے اس دعوے پر کوئی باضابطہ ردعمل سامنے نہیں آیا، جبکہ آزاد ذرائع سے بھی اس حملے کی تصدیق نہیں ہو سکی۔
تجزیہ کاروں کے مطابق ایران اور امریکا کے درمیان بڑھتی ہوئی کشیدگی کے باعث خطے کی سکیورٹی صورتحال مزید پیچیدہ ہو سکتی ہے، جبکہ دونوں ممالک کے بیانات سے سفارتی تناؤ میں مزید اضافے کا خدشہ ظاہر کیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع