رمضان میں پرسکون رہنا ہے تو ان غذائی عادتوں کو چھوڑنا ہوگا
اشاعت کی تاریخ: 12th, March 2025 GMT
ماہ رمضان میں روزے داروں کو اپنی صحت کا خاص خیال رکھنا چاہیے اور کچھ بری غذائی عادات سے اجتناب کرنا چاہیے۔ غذائی ماہرین کی ہدایات کے مطابق ان عادات سے پرہیز کرنا ضروری ہے:
عین سحری کے وقت (خاص طور پر آخری وقت) بہت زیادہ پانی پینے سے گردوں پر بوجھ پڑتا ہے اور جسم میں نمکیات کا توازن بگڑ سکتا ہے۔
روغنی کھانوں کا بے دریغ استعمال:
تلی ہوئی اور چکنائی والی غذائیں کھانے سے معدے میں تیزابیت اور بدہضمی ہو سکتی ہے۔
افطار میں ٹھنڈا پانی پینا:
روزہ کھولنے کے فوراً بعد بہت ٹھنڈا پانی پینے سے معدے میں تکلیف ہو سکتی ہے۔
افطار کے فوراً بعد میٹھی اشیا کھانا:
میٹھی اشیا کھانے سے خون میں شکر کی مقدار تیزی سے بڑھتی ہے اور پھر کم ہو جاتی ہے، جس سے کمزوری محسوس ہو سکتی ہے۔
مسالوں اور نمک کا زیادہ استعمال:
زیادہ مسالے اور نمک کھانے سے پیاس زیادہ لگتی ہے اور بلڈ پریشر بڑھ سکتا ہے۔
چکنائی سے بھرپور غذائیں:
چکنائی والی غذائیں کھانے سے وزن بڑھ سکتا ہے اور دل کی بیماریوں کا خطرہ بڑھ جاتا ہے۔
گیس والے مشروبات پینا:
گیس والے مشروبات پینے سے معدے میں گیس اور بدہضمی ہو سکتی ہے۔
سخت ورزش:
روزے کے دوران سخت ورزش کرنے سے جسم میں پانی کی کمی ہو سکتی ہے۔
صحت مند غذائی عادات جو اختیار کرنی چاہییں:
سحری میں ہلکی اور متوازن غذا کھائیں۔
افطار میں کھجور اور پانی سے روزہ کھولیں۔
افطار اور سحری کے درمیان مناسب مقدار میں پانی پیجیے۔
پھل، سبزیاں اور فائبر سے بھرپور غذائیں کھائیں۔
تلی ہوئی اور چکنائی والی غذاؤں سے پرہیز کریں۔
ہلکی ورزش کریں۔
.ذریعہ: Express News
کلیدی لفظ: ہو سکتی ہے کھانے سے ہے اور
پڑھیں:
غزہ میں شدید غذائی بحران: بچے بھوک سے مرنے لگے، لوگ چلتی پھرتی لاشیں بن گئے
غزہ میں اسرائیل کے جاری محاصرے اور حملوں کے باعث بدترین انسانی بحران پیدا ہو چکا ہے، جہاں غذائی قلت کی وجہ سے پانچ میں سے ایک بچہ غذائی کمی کا شکار ہے۔
اقوام متحدہ، بین الاقوامی امدادی تنظیمیں، اور خود مقامی افراد اس صورتحال کو "انسانی پیدا کردہ قحط" قرار دے رہے ہیں۔
اقوام متحدہ کی فلسطینی پناہ گزین ایجنسی (انروا) کے کمشنر جنرل فلپ لازارینی نے کہا ہے کہ غزہ میں لوگ نہ زندہ ہیں نہ مردہ بلکہ ’’چلتی پھرتی لاشیں‘‘ بن چکے ہیں۔ ان کا کہنا ہے کہ اب تک 100 سے زائد افراد صرف بھوک کی وجہ سے شہید ہو چکے ہیں، جن میں زیادہ تر بچے شامل ہیں۔
انہوں نے اسرائیل سے مطالبہ کیا ہے کہ وہ انسانی امداد کی راہ میں حائل رکاوٹیں ختم کرے تاکہ خوراک، دوا اور پینے کا پانی بروقت غزہ میں پہنچ سکے۔
بی بی سی کی رپورٹ کے مطابق، مقامی شہری ہانا المدہون نے بتایا کہ مارکیٹوں میں کھانا دستیاب نہیں اور اگر ہو بھی تو وہ اتنا مہنگا ہے کہ لوگ سونا اور ذاتی سامان بیچ کر آٹا خریدنے پر مجبور ہیں۔
ایک ماں نے بتایا کہ اس نے بچوں کو کچرے کے ڈھیر سے کھانے کے ٹکڑے تلاش کرتے دیکھا ہے، جب کہ ایک امدادی کارکن طہانی شہادہ نے کہا کہ ’’کھانا پکانا اور نہانا بھی اب پرُتعیش کام بن چکے ہیں۔‘‘
ڈبلیو ایچ او کے سربراہ نے کہا ہے کہ غزہ میں بھوک کی ایسی صورتحال پہلے کبھی نہیں دیکھی گئی اور یہ ’’انسانوں کی بنائی ہوئی قحط‘‘ ہے۔
دیئرالبلح سے حاملہ خاتون ولا فتحی نے بی بی سی کو بتایا کہ وہ دعا کر رہی ہیں کہ ان کا بچہ ان حالات میں دنیا میں نہ آئے، کیونکہ یہ حالات ’’ناقابلِ تصور آفت‘‘ سے کم نہیں۔
غزہ میں امدادی مراکز کے قریب اسرائیلی حملوں میں صرف گزشتہ دو ماہ میں ایک ہزار سے زائد فلسطینی شہید ہو چکے ہیں۔ امداد کے لیے جانے والے عام شہریوں پر گولیاں چلائی جا رہی ہیں، جس کی وجہ سے بہت سے لوگ خوف کے مارے امدادی مراکز تک جانے سے بھی قاصر ہیں۔
برطانوی فلاحی ادارے سے وابستہ ایک ڈاکٹر نے کہا کہ غزہ قحط کے قریب نہیں بلکہ "قحط زدہ" ہو چکا ہے۔
حکومت کا ایران،عراق اور شام جانے والے زائرین کے متعلق اہم فیصلہ