ورلڈ ایئرکوالٹی رپورٹ میں پاکستان دنیا کا تیسرا آلودہ ترین ملک قرار
اشاعت کی تاریخ: 12th, March 2025 GMT
ورلڈ ایئر کوالٹی رپورٹ 2024 کے مطابق گزشتہ سال میں سب سے زیادہ آلودہ ممالک کی فہرست میں پاکستان تیسرے نمبر پر ہے جہاں پی ایم 2.5 کی قومی اوسط مقدار 73.7 مائیکروگرام فی مکعب میٹر ریکارڈ کی گئی ۔
قومی اوسط میں تبدیلی کے باوجود اسلام آباد، راولپنڈی، فیصل آباد، لاہور اور پشاور سمیت اہم شہروں میں پی ایم 2.
رپورٹ میں کہا گیا کہ پاکستان کے 12 شہروں میں سالانہ اوسط مقدار ڈبلیو ایچ او کی ہدایات سے 10 گنا زیادہ یا 50.0 مائیکروگرام فی مکعب میٹر سے زیادہ ہے۔
سوئٹزرلینڈ کی ایئر کوالٹی ٹیکنالوجی کمپنی آئی کیو ایئر کی جانب سے جاری کردہ رپورٹ میں چاڈ کو دنیا کا آلودہ ترین ملک قرار دیا گیا جس کے بعد بنگلہ دیش، پاکستان، ڈی آر کانگو اور بھارت کا نمبر آتا ہے۔
مجموعی طور پر 138 ممالک اور خطوں میں سے 126 نے ڈبلیو ایچ او کی سالانہ پی ایم 2.5 گائیڈ لائن ویلیو 5 جی/ایم 3 سے تجاوز کیا۔
رپورٹ کے مطابق نومبر خاص طور پر آلودہ مہینہ تھا، جب پی ایم 2.5 کی اوسط 5 شہروں میں ماہانہ 200 گرام/میٹر سے زیادہ تھی۔
اس کے بعد دسمبر شدید آلودہ مہینہ رہا، جس میں 9 شہروں میں ماہانہ اوسط 120 گرام فی مربع میٹر سے زیادہ پی ایم 2.5 ریکارڈ کیا گیا، ملک کے سب سے آلودہ شہر لاہور میں 2018 کے بعد پہلی بار پی ایم 2.5 کی سالانہ اوسط مقدار 100 گرام فی میٹر سے تجاوز کر گئی۔
رپورٹ میں کہا گیا کہ بہت سے شہروں کو خزاں سے موسم سرما تک آلودگی کی مسلسل بلند سطح کا سامنا کرنا پڑا، جو موسمی ہوا کے معیار کے چیلنجز کی عکاسی کرتا ہے۔
پاکستان کو مختلف ذرائع سے آلودگی کی مسلسل بلند سطح کا سامنا ہے جس میں فصلوں کی باقیات جلانا، صنعتی سرگرمیاں، گاڑیوں سے دھویں کے اخراج، اینٹوں کے بھٹے اور تعمیراتی سائٹس سے اٹھنے والی دھول سے مسائل شامل ہیں۔
موسم سرما کے دوران پی ایم 2.5 کی سطح اکثر خطرناک حد تک بڑھ جاتی ہے، جس کی وجہ زرعی باقیات جلانے اور درجہ حرارت میں تبدیلیاں ہوتی ہیں، جو زمین کے قریب ذرات کو پھنساتی ہیں۔
موسم سرما کے مہینوں کے دوران مسلسل زیادہ آلودگی ہوتی ہے، جس میں کئی مہینوں میں پی ایم 2.5 کی اوسط مقدار 100 گرام/ایم 3 سے زیادہ ریکارڈ کی جاتی ہے، جو ڈبلیو ایچ او کی تجویز کردہ گائیڈ لائنز سے 20 گنا زیادہ ہے۔
نومبر میں تہوار کی تقریبات، اینٹوں کے بھٹے کے اخراج، اور خراب موسمی حالات کی وجہ سے ہوا کا معیار خطرناک سطح پر پہنچ گیا تھا، شدید آلودگی کی وجہ سے اسکولوں کو بند کرنا پڑا، عوامی مقامات جیسے چڑیا گھر، پارکوں اور کھیل کے میدانوں کو بند کر دیا گیا تاکہ خاص طور پر بچوں کے لیے خطرے کو کم سے کم کیا جا سکے۔
خراب ہوا کے معیار کی وجہ سے بہت سے لوگوں کو سانس کی بیماری کے ساتھ ہسپتال میں داخل کروایا گیا، اگرچہ حکومت نے اینٹوں کے بھٹوں سے آلودگی کو منظم کرنے کی کوششیں کی ہیں لیکن متعدد بھٹے اب بھی مضر آلودگی کا اخراج جاری رکھے ہوئے ہیں۔
مزید برآں بھارت میں دیوالی کی تقریبات اور پٹاخوں کے وسیع پیمانے پر استعمال نے پورے خطے میں بین السرحدی آلودگی میں اضافہ کیا۔
2024 کی ورلڈ ایئر کوالٹی رپورٹ میں سال 2024 کے لیے ہوا کے معیار کی عالمی صورتحال کا جائزہ لیا گیا ہے، یہ جامع رپورٹ 138 ممالک، خطوں اور خطوں کے 8 ہزار 954 شہروں سے جمع کردہ پی ایم 2.5 ہوا کے معیار کے اعداد و شمار پیش کرتی ہے۔
صرف 12 ممالک، خطوں اور علاقوں میں پی ایم 2.5 کی مقدار ڈبلیو ایچ او کے سالانہ پی ایم 2.5 رہنما خطوط سے کم ریکارڈ کی گئی، جن میں سے زیادہ تر لاطینی امریکا اور کیریبین یا اوقیانوسی خطے میں تھے، تاہم 2024 میں رپورٹ میں شامل 17 فیصد شہروں نے ڈبلیو ایچ او کی سالانہ پی ایم 2.5 گائیڈ لائن کی سطح کو پورا کیا، جو 2023 میں 9 فیصد تھا۔
7 ممالک ڈبلیو ایچ او کی سالانہ اوسط پی ایم 2.5 گائیڈ لائنز پر پورا اترتے ہیں اور ان میں آسٹریلیا، بہاماس، بارباڈوس، ایسٹونیا، گریناڈا، آئس لینڈ اور نیوزی لینڈ شامل ہیں۔ Post Views: 1
ذریعہ: Daily Mumtaz
کلیدی لفظ: ڈبلیو ایچ او کی پی ایم 2 5 کی اوسط مقدار ریکارڈ کی رپورٹ میں سے زیادہ ا لودہ
پڑھیں:
ٹرمپ، شہباز شریف متوقع ملاقات میں تیسرا شریک کون ہوگا؟ بھارت میں کھلبلی مچ گئی
جب سے وزیراعظم محمد شہباز شریف اور امریکی صدر ڈونلڈ ٹرمپ کی اگلے ہفتے متوقع ملاقات کی بھنک بھارت کو پڑی ہے، انڈیا میں ایک کھلبلی سے مچ گئی ہے۔ مسلسل 2 سوالات کے جوابات کی کھوج لگائی جارہی ہے کہ اس ملاقات کا ایجنڈا کیا ہوگا اور ملاقات میں وزیراعظم محمد شہباز شریف کے ساتھ کون کون شریک ہوگا۔
بھارتی میڈیا میں شائع ہونے والی رپورٹس کے مطابق وزیراعظم شہباز شریف اور چیف آف آرمی اسٹاف فیلڈ مارشل عاصم منیر آئندہ ہفتے نیویارک میں ہونے والی اقوامِ متحدہ کی جنرل اسمبلی (UNGA) کے موقع پر صدر ڈونلڈ ٹرمپ سے ملاقات کریں گے۔ ملاقات کی تاریخ متوقع طور پر 25 ستمبر 2025 ہے۔
شہباز شریف ٹرمپ ملاقات کا ایجنڈا کیا ہوگا؟وزیراعظم محمد شہباز شریف اور ڈونلڈ ٹرمپ ملاقات میں پاکستان میں تباہ کن سیلابوں کا معاملہ زیربحث آنے کا امکان ہے جبکہ قطر پر اسرائیلی حملے کے بعد خطے میں آنے والی تبدیلی پر بھی بات ہوگی۔ علاوہ ازیں بھارت اور پاکستان کے درمیان کشیدگی اور سفارتی صورتحال پر بھی گفتگو ہوگی۔
اب تک پاک فوج برائے تعلقات عامہ (Inter-Services Public Relations) یا واشنگٹن میں پاکستان کے سفارتخانے کی جانب سے اس ملاقات کی سرکاری طور پر تصدیق نہیں کی گئی۔
یہ بھی پڑھیے وزیراعظم شہباز شریف کی امریکی صدر ڈونلڈ ٹرمپ سے 25 ستمبر کو ملاقات کی تیاریاں
بھارتی میڈیا رپورٹس جن حالات میں یہ ملاقات ہو رہی ہے، ان کا بھی تجزیہ کیا ہے۔ رپورٹس میں بتایا گیا ہے کہ یہ ملاقات اس پسِ منظر میں ہو رہی ہے کہ واشنگٹن اور اسلام آباد کے تعلقات اس وقت سازگار انداز میں بہتر ہوئے ہیں، خاص طور پر تجارتی معاہدے اور توانائی و معدنیات کے شعبے میں تعاون کے امکانات کی بنا پر۔
وزیراعظم شہباز شریف کی امریکی صدر ڈونلڈ ٹرمپ سے 25 ستمبر کو ملاقات کی تیاریاںبطور میزبان امریکی صدر ڈونلڈ ٹرمپ کی جانب سے23 ستمبرکواقوام متحدہ کی جنرل اسمبلی کے سیشن میں شرکت کے لیے آئے ہوئے سربراہانِ مملکت سمیت اعلٰی عہدیداران کے اعزاز میں عشائیہ دیا جائے گا۔
اس موقع پر وزیراعظم شہباز شریف اور امریکی صدر کے درمیان سرسری ملاقات بھی متوقع ہے لیکن اِس کے ساتھ ساتھ واشنگٹن اور اقوام متحدہ میں پاکستانی سفارتی عملہ جنرل اسمبلی اجلاس کے موقع پر دونوں رہنماؤں کے درمیان باضابطہ ملاقات کے لیے بھی کوشاں ہے۔
یہ بھی پڑھیں: امریکا پاکستان کے لیے بہت سے دروازے کھولنے والا ہے، محمد عاطف
سفارتی ذرائع کے مطابق امریکا میں پاکستانی سفارتخانے نے اس ضمن میں امریکی اسٹیٹ ڈیپارٹمنٹ سے اس مجوزہ ملاقات کے ضِمن میں درخواست بھی کی ہے لیکن ابھی اس کی تصدیق نہیں کی جا سکتی۔
پاکستانی دفترِخارجہ نے فی الحال اِس بات کی تصدیق نہیں کی ہے تاہم اتنا ضرور کہا ہے کہ ملاقات کے ہونے یا نہ ہونے کے بارے میں جلد کنفرم کیا جائے گا۔
مزید پڑھیں: ڈونلڈ ٹرمپ کا نیویارک ٹائمز پر 15 ارب ڈالر ہرجانے کا دعویٰ
لیکن اس سے ہٹ کر کئی ذرائع بتا رہے ہیں 25 ستمبر 2025 کو متحدہ اقوام متحدہ کی جنرل اسمبلی کی سائیڈ لائنز پر نیویارک یا واشنگٹن میں صدر ٹرمپ اور وزیراعظم شہباز شریف کے درمیان ملاقات متوقع ہے۔
روزنامہ دی نیوز کی خبر کے مطابق اس دورے میں وزیراعظم شہباز شریف کے ساتھ ساتھ آرمی چیف فیلڈ مارشل عاصم منیر بھی ہوں گے اور یہ ملاقات پاکستان کی قطراورسعودی عرب کے ساتھ مشاورت کے بعد عمل میں آئے گی۔
مزید پڑھیں: پاکستان امریکا تعلقات کو پاک چین دوستی کے تناظر میں نہ دیکھا جائے، اسحاق ڈار
واضح رہے کہ حالیہ دنوں میں پاکستان، سعودی عرب اور قطر کے درمیان دوحہ پر اسرائیلی حملے کے تناظر میں طویل مشاورت ہوئی ہے۔
وزیراعظم شہباز شریف 21 سے 27 ستمبر تک امریکا کا دورہ کریں گے، جہاں وہ 26 ستمبر کو اقوام متحدہ جنرل اسمبلی سے خطاب کریں گے، اس موقع پر وہ عالمی رہنماؤں سے ملاقاتیں بھی کریں گے۔
اپنے اس دورے کے دوران وزیراعظم شہباز شریف اقوام متحدہ کے سیکریٹری جنرل انتونیو گتیریس سے ملاقات بھی کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شہباز ٹرمپ ملاقات فیلڈ مارشل سید عاصم منیر
وزیراعظم شہباز شریف سے ترک وزیر دفاع کی ملاقات، دوطرفہ تجارت میں 5 ارب ڈالر کے ہدف پر زور