اسلام آباد پولیس کیلئے اعزاز، آئی جی سید علی ناصر رضوی نیشنل پولیس فاونڈیشن پاکستان کے سربراہ مقرر
اشاعت کی تاریخ: 14th, March 2025 GMT
اسلام آباد پولیس کیلئے اعزاز، آئی جی سید علی ناصر رضوی نیشنل پولیس فاونڈیشن پاکستان کے سربراہ مقرر WhatsAppFacebookTwitter 0 14 March, 2025 سب نیوز
اسلام آباد(سب نیوز)اسلام آباد پولیس کیلئے اعزاز، آئی جی اسلام آباد سید علی ناصر رضوی کو نیشنل پولیس فانڈیشن پاکستان کا بھی سربراہ مقرر کردیا گیا۔
ترجمان اسلام آباد پولیس کے مطابق آئی جی اسلام آباد پولیس سید علی ناصر رضوی اسلام آباد پولیس کے ساتھ ساتھ نیشنل پولیس فاونڈیشن پاکستان کو بھی کمانڈ کریں گے۔سید علی ناصر رضوی نے باقاعدہ نیشنل پولیس فاونڈیشن کا بھی چارج سنبھال کر کام کا آغاز کردیا۔
سید علی ناصر رضوی اب پاکستان کے تمام پولیس ڈیپارٹمنٹس کی سپاہ اور ان کے خاندانوں کی ویلفئیر کے فرائض بھی سر انجام دیں گے ۔نیشنل پولیس فانڈیشن پاکستان شہدائے پولیس کے خاندانوں، غازیوں، پولیس جوانوں کی ویلفئیر کے لئے نئے پراجیکٹس متعارف کروائے گی۔
اس تعیناتی سے نیشنل پولیس فانڈیشن پاکستان میں نئے عہد کا آغاز ہوگا۔آئی جی اسلام آباد نے اسلام آباد پولیس میں جدید ٹیکنالوجی کے متعدد پراجیکٹس متعارف کروائے۔اب نیشنل پولیس فانڈیشن کو بھی نئی جدت کے ساتھ نئے دور کے تقاضوں کے سے ہم آہنگ کیا جائے گا۔
ذریعہ: Daily Sub News
کلیدی لفظ: سید علی ناصر رضوی اسلام آباد پولیس
پڑھیں:
چائنا میڈیا گروپ اور کامسیٹس یونیورسٹی اسلام آباد کے اشتراک سے فکری و ثقافتی ہم آہنگی پر مبنی تقریب “انڈر اسٹینڈنگ شی زانگ ” کا انعقاد
چائنا میڈیا گروپ اور کامسیٹس یونیورسٹی اسلام آباد کے اشتراک سے فکری و ثقافتی ہم آہنگی پر مبنی تقریب “انڈر اسٹینڈنگ شی زانگ ” کا انعقاد WhatsAppFacebookTwitter 0 1 November, 2025 سب نیوز
تقریب میں طلبہ، اساتذہ، محققین، اور ماہرینِ تعلیم کی بڑی تعداد نے شرکت کی
بیجنگ ()
چائنا میڈیا گروپ کے زیرِ اہتمام، کامسیٹس یونیورسٹی اسلام آباد میں ” انڈر اسٹینڈنگ شی زانگ ” کے عنوان سے ایک پروقار تقریب کا انعقاد کیا گیا۔ اس تقریب کا مقصد چین کی تہذیبی عظمت، سماجی ترقی، اور خود اختیار علاقے شی زانگ کی ثقافتی دلکشی کو اُجاگر کرنا تھا۔
تقریب میں طلبہ، اساتذہ، محققین، اور ماہرینِ تعلیم کی بڑی تعداد نے شرکت کی، جنہوں نے اس موقع کو پاکستان۔چین تعلقات میں عوامی رابطوں کے فروغ کی ایک اہم پیش رفت قرار دیا۔
جمعہ کے روز
وزیرِ مملکت برائے قومی ورثہ و ثقافت، حذیفہ رحمان نے اپنے خطاب میں کہا کہ چین کی ترقی کا محور عوام کی فلاح و بہبود ہے، اور چینی قیادت کا عزم ہے کہ ترقی کے سفر میں کوئی ایک بھی فرد پیچھے نہ رہ جائے۔ انہوں نے کہا کہ شی زانگ اس حقیقت کا مظہر ہے کہ جدید ترقی، ثقافتی ہم آہنگی، اور ماحولیاتی تحفظ باہم ہم آہنگ ہو سکتے ہیں۔ ان کا مزید کہنا تھا کہ چائنا میڈیا گروپ جیسے ادارے دونوں ممالک کے مابین باہمی تفہیم اور ثقافتی تعلقات کو مستحکم بنانے میں اہم کردار ادا کر رہے ہیں۔
پاکستان میں چینی سفارت خانے کے ثقافتی قونصلر چن پھنگ نے اپنے خطاب میں کہا کہ شی زانگ، جو کبھی چین کے پسماندہ ترین علاقوں میں شمار ہوتا تھا، آج تعلیم، زراعت، بنیادی ڈھانچے اور ٹیکنالوجی میں مثالی ترقی کا مظہر بن چکا ہے۔ انہوں نے کہا کہ چین نے اپنے عوام کو جدید سہولیات سے آراستہ کرتے ہوئے ثقافتی اور ماحولیاتی توازن کو برقرار رکھا ہے، جو دنیا کے لیے ایک مثال ہے۔ ان کا کہنا تھا کہ چین اور پاکستان باہمی تعاون کے ذریعے ترقی کی نئی راہیں ہموار کر رہے ہیں۔
چین میں پاکستان کے سابق سفیر، معین الحق نے اس موقع پر کہا کہ پاکستان۔چین تعلقات محض حکومتی سطح تک محدود نہیں بلکہ عوامی سطح پر بھی ایک مضبوط جذبے کی حیثیت رکھتے ہیں۔ انہوں نے اپنے دورۂ شی زانگ کا حوالہ دیتے ہوئے بتایا کہ وہاں کا جدید انفراسٹرکچر، فائیو جی نیٹ ورک، بلند شرحِ خواندگی اور سماجی ہم آہنگی، چین کے پائیدار ترقیاتی ماڈل کی واضح عکاسی کرتے ہیں۔
سابق سی ای او، خیبرپختونخوا بورڈ آف انویسٹمنٹ، ڈاکٹر حسان داؤد بٹ نے کہا کہ چین کی ترقی وژنری قیادت، محنت، اور اجتماعی سوچ کا عملی نمونہ ہے۔ انہوں نے کہا کہ شی زانگ اس حقیقت کا ثبوت ہے کہ روایت اور جدیدیت کا حسین امتزاج ہی پائیدار ترقی کی کنجی ہے۔
پی آر سی سی ایس ایف کے ایگزیکٹو ڈائریکٹر، خالد تیمور اکرم نے کہا کہ شی زانگ، چین کی ترقی اور سماجی توازن کی ایک شاندار علامت ہے۔ انہوں نے کہا کہ اس نوعیت کی تقریبات پاک۔چین تعلقات میں فکری و علمی اشتراک کو فروغ دیتی ہیں اور خطے میں امن، تعاون، اور ترقی کے پیغام کو تقویت بخشتی ہیں۔
کیمپس انچارج، کامسیٹس یونیورسٹی، پروفیسر ڈاکٹر سہیل اصغر نے کہا کہ “انڈر اسٹینڈنگ شی زانگ” پروگرام نے طلبہ کو چین کی ثقافت، جدیدیت، اور سماجی ہم آہنگی سے براہِ راست روشناس کیا۔ انہوں نے چائنا میڈیا گروپ کا شکریہ ادا کرتے ہوئے کہا کہ ایسی تقریبات نہ صرف علمی و تحقیقی روابط کو مضبوط بناتی ہیں بلکہ نوجوان نسل میں باہمی احترام اور عالمی شعور کو بھی فروغ دیتی ہیں۔
سی ایم جی اُردو سروس کی نمائندہ، وانگ بِنگ شیا (عفت) نے شی زانگ سے متعلق سی ایم جی کی دستاویزی فلم کے نمایاں پہلوؤں کو اجاگر کرتے ہوئے چین کے ثقافتی ورثے کی خوبصورتی اور ترقی کے کامیاب سفر کا جامع احاطہ پیش کیا، جو نہ صرف چین بلکہ پوری انسانیت کے مشترکہ خوابوں کی تعبیر ہے۔
” انڈر اسٹینڈنگ شی زانگ” پروگرام نے نہ صرف چین کی تہذیبی رنگا رنگی اور ترقی کے وژن کو اجاگر کیا بلکہ چین اور پاکستان کے درمیان دوستی، باہمی ربط، اور تعاون کے جذبے کو بھی مزید تقویت بخشی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبردوسرا ٹی ٹوئنٹی، پاکستان نے جنوبی افریقہ کو 9 وکٹوں سے شکست دیدی اسپیکر پنجاب اسمبلی کا بلدیاتی ایکٹ کو آئینی تحفظ فراہم کرنے کا مطالبہ، 27ویں ترمیم کی حمایت کردی پاکستان کو سمندر میں تیل و گیس کی دریافت کیلئے کامیاب بولیاں موصول، ایک ارب ڈالر سرمایہ کاری متوقع سہیل آفریدی کو وزیراعلی بننے پر مبارکباد، ملکر دہشت گردی کا مقابلہ کرینگے، وزیراعظم مہمند ڈیم ہائیڈرو پاور منصوبہ، پاکستان کویت کے درمیان 25ملین ڈالر کے قرض پروگرام پر دستخط شاہ محمود قریشی اسپتال منتقل، پی ٹی آئی پرانی قیادت کی ریلیز عمران خان تحریک چلانے کیلئے ملاقات ایف آئی اے کا یوٹرن، شبر زیدی کے خلاف مقدمہ واپس لینے کا فیصلہCopyright © 2025, All Rights Reserved
رابطہ کریں ہماری ٹیم
اسلام آباد کی طرف کسی نے میلی آنکھ سے دیکھا تو آنکھیں نکال دیں گے،خواجہ آصف