سرکاری سطح پر یوم تحفظ ناموس رسالتؐ منانا قادیانیوں کی شکست ہے، متحدہ علماء محاذ
اشاعت کی تاریخ: 15th, March 2025 GMT
ایک بیان میں علماء مشائخ نے کہا کہ عقیدہ ختم نبوتؐ، ناموس رسالتؐ و اصحاب رسولؐ و اہل بیت اطہارؑ کا تحفظ و تقدس ایمان کا بنیادی تقاضا ہے، ناموس رسالتؐ کا تقدس و تحفظ ہر چیز پر مقدم ہے جس کیلئے کسی بھی قربانی سے دریغ نہیں کریں گے۔ اسلام ٹائمز۔ متحدہ علماء محاذ پاکستان میں شامل مختلف مکاتب فکر کے جید علماء مشائخ نے حکومتی سطح پر 15 مارچ کو یوم تحفظ ناموس رسالت ؐمنائے جانے کا خیر مقدم کرتے ہوئے اسے باغیان ختم نبوت دشمنان ملک و ملت قادیانیوں کی شکست قرار دیاہے اور کہا ہے کہ قادیانیت نوازی، اسرائیلی حمایت کرنے والوں کا ہر سطح پر محاسبہ کریں گے۔ ان خیالات کا اظہار حجۃ الاسلام علامہ مرزا یوسف حسین، مرکزی چیئرمین علامہ عبدالخالق فریدی سلفی، بانی سیکریٹری جنرل مولانا محمد امین انصاری، علامہ پروفیسر ڈاکٹر سید شمیل احمد قادری حنبلی، شیخ الحدیث مولانا مفتی محمد داؤد، جمعیت علمائے پاکستان کے مرکزی رہنما علامہ سید محمد عقیل انجم قادری، مولانا منظرالحق تھانوی، علامہ مرتضیٰ خان رحمانی، قانونی مشیر ناصر احمد ایڈووکیٹ ہائی کورٹ، مولانا مفتی علی المرتضیٰ، قاری محمد اقبال رحیمی، مولانا پیر حافظ گل نواز خان ترک سمیت دیگر علماء مشائخ نے مرکزی سیکریٹریٹ گلشن اقبال میں یوم تحفظ ناموس رسالتؐ سیمینار سے خطاب کرتے ہوئے کیا۔
انہوں نے کہا کہ حکومت مذہبی شخصیات کی توہین کو بین الاقوامی سطح پر جرم تسلیم کرانے کیلئے او آئی سی کی سطح پر مؤثر جدوجہد کرے، خاتم النیینﷺ سمیت تمام انبیاء علیہ السلام کی توہین و گستاخی کو قرآن کریم، بائبل، انجیل و دیگر الہامی مقدس کتابوں میں سنگین جرم قرار دیا گیا ہے، جن گستاخوں کو عدالت کے ذریعے سزا سنائی گئی ہے اور جو مقدمات زیر التواء تاخیری حربوں کا شکار ہیں ان کا جلد بلاتاخیر فیصلہ کرکے سزاؤں کو یقینی بنایا جائے اور توہین مذہب کے قانون کے غلط استعمال کو روکنے کیلئے بھی اقدامات کئے جائیں، عقیدہ ختم نبوتؐ، ناموس رسالتؐ و اصحاب رسولؐ و اہل بیت اطہارؑ کا تحفظ و تقدس ایمان کا بنیادی تقاضا ہے، ناموس رسالتؐ کا تقدس و تحفظ ہر چیز پر مقدم ہے جس کیلئے کسی بھی قربانی سے دریغ نہیں کریں گے۔
ذریعہ: Islam Times
کلیدی لفظ: ناموس رسالت
پڑھیں:
وزیراعظم آزادیِ صحافت کے تحفظ، صحافیوں کو محفوظ ماحول فراہم کرنے کیلئے پُرعزم
وزیراعظم شہباز شریف نے آزادیِ صحافت کے تحفظ اور صحافیوں کو محفوظ ماحول فراہم کرنے کے عزم کا اعادہ کیا ہے۔ صحافیوں کے خلاف جرائم کے خاتمے کے عالمی دن کے موقع پر اپنے پیغام میں وزیراعظم شہباز شریف نے کہا کہ آج کا دن ہمیں اس حقیقت کی یاد دہانی کراتا ہے کہ آزاد، باخبر اور ذمہ دار صحافت کسی بھی جمہوری معاشرے کی بنیاد ہے۔ ان کا کہنا تھا کہ صحافی حقائق تک عوام کی رسائی کو ممکن بناتے ہیں اور سچائی کے علمبردار ہوتے ہیں، اپنے پیشہ ورانہ فرائض کی انجام دہی کے دوران ان کے خلاف تشدد، دھمکی یا انتقام پر مبنی جرائم دراصل آزادی اظہار پر حملہ ہیں۔ انہوں نے کہا کہ میں اس موقع پر اُن تمام صحافیوں کو خراجِ تحسین پیش کرتا ہوں جنہوں نے حق و سچ کی خاطر مشکلات برداشت کیں اور اُن اہلِ قلم و میڈیا ورکرز کے اہلِ خانہ سے اظہارِ یکجہتی کرتا ہوں جنہوں نے اپنے پیاروں کو فرضِ منصبی کے دوران کھو دیا۔ شہباز شریف کا کہنا تھا کہ حکومتِ پاکستان آزادیِ صحافت کے تحفظ اور صحافیوں کو محفوظ ماحول فراہم کرنے کیلئے پُرعزم ہے، ہم ایسے تمام اقدامات کریں گے جن سے صحافیوں کے خلاف جرائم کی موثر تفتیش، انصاف کی فراہمی اور ان جرائم کے مرتکبین کے خلاف قانونی کارروائی یقینی بنائی جا سکے۔ وزیراعظم نے کہا کہ میں بین الاقوامی برادری، میڈیا اداروں اور سول سوسائٹی سے بھی اپیل کرتا ہوں کہ وہ صحافیوں کے تحفظ اور اظہارِ رائے کی آزادی کے فروغ کیلئے اپنا کردار ادا کریں، آزاد صحافت ایک مضبوط، شفاف اور جمہوری پاکستان کی ضمانت ہے۔
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ