ریکوڈک منصوبے کی بحالی کے ساتھ بلوچستان میں خوشحالی آئے گی، احسن اقبال
اشاعت کی تاریخ: 15th, March 2025 GMT
لاہور:
وفاقی وزیر منصوبہ بندی احسن اقبال نے کہا ہے کہ بلوچستان پاکستان کا خوش حال ترین صوبہ بننے جا رہا ہے اور ریکوڈک منصوبے کی بحالی کے ساتھ مستقبل میں خوش حالی آئے گی۔
وفاقی وزیر منصوبہ بندی احسن اقبال نے تقریب سے خطاب کرتے ہوئے کہا کہ سی پیک ٹو کے اندر پاکستان میں انڈسٹریز کو ترجیحی بنیادوں پر ممکن بنایا جائے گا۔
انہوں نے کہا کہ ہماری حکومت کی ترجیح ہے کہ اب ہم پاکستان میں انڈسٹریلائزیشن کو فروغ دیں اور پاکستان کے اسپیشل اکنامک گروپ آباد کریں، اس مقصد کے لیے اب چین اور پاکستان کے کاروباری اداروں میں اشتراک کے ذریعے ہم دوسرے مرحلے میں سی پیک کو کامیاب کرنے کی بنیاد فراہم کر سکتے ہیں۔
ان کا کہنا تھا کہ پیسفک گرین انرجی کا منصوبہ بھی پاکستان اور چین کے اشتراک سے الیکٹرک وہیکلز کے شعبے میں پاکستان کے اندر ماحولیاتی چیلنج سے نمٹنے کے لیے ہمیں مدد دے سکتا ہے۔
وفاقی وزیر نے کہا کہ اس منصوبے کی انتظامیہ پاکستان چین دوستی کے اس تعلق کے تحت اچھی ساکھ کے ساتھ کاروبار کرے گی تاکہ پاکستان کے عوام کو سفر کی سہولت کے لیے بائیکس، آٹو اور لوڈلز کی صورت میں پاکستان کو گرین انرجی کی طرف بھی اس کے سفر کو تیزی سے آگے بڑھائے۔
ان کا کہنا تھا کہ پاکستان کا مستقبل برآمدات سے جڑا ہوا ہے اور اڑان پاکستان میں پاکستان کو ایک سپورٹ ڈیسٹینیشن بنانے کے لیے سپورٹ ریٹ گروپ کی معیشت میں ڈھالنے کے لیے ایک بہت میپ ترتیب دیا گیا ہے۔
احسن اقبال نے کہا کہ پاکستان کے نجی شعبے کو طاقت ور کریں گے، وزیراعظم شہباز شریف اور پوری حکومت کی کوشش ہے کہ ہم پاکستان کے پرائیویٹ سیکٹر کو سہولت فراہم کریں تاکہ وہ پاکستان کو پوری دنیا میں آ گے لے کر جائے اور پاکستان کے لیے ڈالرز کی صورت کے نتیجے میں زر مبادلہ حاصل کر کے پاکستان کی معیشت کو مضبوط کرے اور پاکستان کی معیشت کو دوسروں پر انحصار سے آزاد کرے۔
وفاقی وزیر نے کہا کہ بلوچستان میں جعفر ایکسپریس کا واقعہ انتہائی افسوس ناک ہے، پاکستان میں دہشت گردی کی موجودہ لہر کے پیچھے گزشتہ حکومت کی پالیسیاں ہیں، ہزاروں کی تعداد میں دوسرے ممالک کے لوگوں کو پاکستان میں لا کر بسایا گیا۔
انہوں نے کہا کہ ہمارے دور میں حکومت نے کامیابی کے ساتھ دہشت گردی ختم کی جبکہ پاکستان کے دشمن معاشی بحالی کو ختم کرنا چاہتے ہیں۔
ان کا کہنا تھا کہ2013 میں جب ہماری حکومت آئی تھی تو کوئی دن نہیں جاتا تھا کہ دھماکے نہ ہوئے ہوں لیکن اس وقت حکومت نے کامیابی کے ساتھ ضرب عضب اور دیگر کے ذریعے مکمل طور پر دہشت گردی کا خاتمہ کردیاتھا۔
انہوں نے کہا کہ اب بھی ہم ان شااللہ قوم کے ساتھ مل کر اس دہشت گردی کا خاتمہ کریں گے، پاکستان کے دشمن اس معاشی بحالی کے عمل کو تباہ کرنا چاہتے ہیں لیکن وہ کبھی اپنے عزائم میں کامیاب نہیں ہوں گے۔
احسن اقبال نے کہا کہ ریکوڈیک کے منصوبے کی بحالی کے ساتھ جو بلوچستان کے اندر مستقبل میں خوش حالی آنے والی ہے، اس سے پاکستان کے دشمنوں کی نیندیں حرام ہوگیں۔
وفاقی وزیر منصوبہ بندی نے کہا کہ بلوچستان پاکستان کا خوش حال ترین صوبہ بننے جا رہا ہے۔
.
ذریعہ
ذریعہ: Express News
کلیدی لفظ: احسن اقبال نے اور پاکستان پاکستان میں کہ پاکستان وفاقی وزیر پاکستان کے منصوبے کی نے کہا کہ بحالی کے کے ساتھ تھا کہ کے لیے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار